:'என்னை போன்று நீங்களும் கொரோனாவால் சித்ரவதையை அனுபவித்து விடாதீர்கள்

**T.N.Balasubramanian** · **T.N.Balasubramanian** Sun Apr 11, 2021 6:16 pm

கோவை :'என்னை போன்று நீங்களும் கொரோனாவால் சித்ரவதையை அனுபவித்து விடாதீர்கள்; அரசு அறிவுரைகளை தவறாது பின்பற்றுங்கள்' என்ற டி.எஸ்.பி.,யின் வீடியோ கொரோனா பாதிப்பின் விபரீதத்தை உணர்த்துகிறது.
கரூரில் பணியாற்றும் டி.எஸ்.பி. அய்யர்சாமி, கொரோனாவால் பாதிக்கப்பட்டு சிகிச்சையில் உள்ளார். இவர் கொரோனா பரவல் தொடர்பாக ஒரு வீடியோ வெளியிட்டுள்ளார். அதில் அவர் பேசியுள்ளதாவது: கொரோனா என்பது மனித குலத்தை அழிக்க வந்த பேராபத்து என்றுதான் சொல்ல வேண்டும். முதியோர் மிகவும் எச்சரிக்கையாக இருக்க வேண்டும். எனக்கு கொரோனா அறிகுறி வந்தவுடன் அரசு மருத்துவமனை சென்றேன்.
முடிவு வர 2 நாட்கள்
சி.டி., ஸ்கேன் எடுத்து முடிவை சொல்லவே இரண்டு நாட்கள் ஆனது. அதற்குள் முழு அளவில் பாதிக்கப்பட்டுவிட்டேன். கரூர் எஸ்.பி. எனக்கு தனியார் மருத்துவமனையில் சிகிச்சை அளிக்க ஏற்பாடு செய்தார். அங்கு என்னை பரிசோதித்து உப்பு சத்து அதிகமாக இருப்பதாகவும் அதை குறைத்தால்தான் கொரோனா சிகிச்சை பலனளிக்கும் என்றனர். சித்ரவதை அதுவரையும் காய்ச்சல் எனக்கு குறையவே இல்லை. ஒருவழியாக இப்போது செத்து பிழைத்துள்ளேன். சித்ரவதை என்றால் இதுபோன்ற சித்ரவதையை என் வாழ்நாளில் அனுபவித்ததில்லை. எனது மனைவிக்கும் தொற்று ஏற்பட்டது. உறவினர்கள், நண்பர்கள் அருகே வந்து உதவ முடியாத சூழல். சாப்பிட முடியாது. நடக்க முடியாது. எதுவும் செய்ய முடியாது. வருமுன் காப்பது நல்லது கழிவறைக்கு கூட எழுந்து செல்ல முடியாது என்றால் நிலையை புரிந்து கொள்ளுங்கள். இதை ஏன் சொல்கிறேன் என்றால் நீங்கள் அனைவரும் எச்சரிக்கையாக இருக்க வேண்டும். என்னை போன்று நீங்களும் இந்த சித்ரவதையை அனுபவிக்க கூடாது. வரும்முன் காப்பதே சிறந்தது.

கிருமிநாசினி அரசு அறிவுறுத்தல்படி முகக் கவசம், கிருமி நாசினி மற்றும் சமூக இடைவெளியை கட்டாயம் கடைபிடியுங்கள். இவ்வாறு அவர் பேசியுள்ளார். இந்த விழிப்புணர்வு வீடியோ பரவி கொரோனாவின் விபரீதத்தை தீவிரமாக உணர்த்தி வருகிறது. தீயாய் பரவி வருகிறது.

நன்றி சமயம்.

**T.N.Balasubramanian** · **T.N.Balasubramanian** Sun Apr 11, 2021 6:27 pm

எந்தன் அனுபவத்தை போன்றே உள்ளது.
நானும் 22 நாட்கள் மருத்துவமனையில் இருந்தேன்.
உடல் நிலை மிகவும் பாதிக்கப்பட்டு குணமானது.
விடுவிக்கப்பட்ட போது நடக்கும் நிலையில் இல்லை.
வீடு திரும்பி உடல் நிலையில் முன்னேற்றம் காண
2 மாதங்கள் ஆயின.
இன்னமும் சிறு சிறு தொல்லைகள் தொடருகின்றன.
மருத்துவ மனையில் இருந்த போது இருவர் மரணம்
கேட்டேன். ஆம். அவர்கள் அலறிய அலறல்கள்.
மூச்சு விட திணறிய திணறல்கள்.
அடங்கி அடங்கி ............அ .....ட.......ங் .......கி......
நிசப்தம்--------- நீண்ட நிசப்தம்.
நினைத்தாலும் மனது இப்பவும் நடுங்குகிறது.