ஏவுகணை மட்டுமல்ல… இதயமும் காத்தார் கலாம்!

16 Aug 2015- குங்குமம்

-
இதயநோயாளிகளுக்கான ஸ்டென்ட் கருவியிலும்,
போலியோவால் பாதிக்கப்பட்டவர்களுக்கான காலிப்பர்
தயாரிப்பிலும் அப்துல்கலாமின் பங்களிப்புகள்

முக்கியமானவை.
இதய சிகிச்சை மருத்துவரான அருண் தனசேகரன்,
ஸ்டென்ட் கருவி பற்றியும், அதில் கலாம் கொண்டு வந்த

மாற்றங்கள் பற்றியும் விளக்குகிறார்.
‘‘இதயத்தின் ரத்தக்குழாய்களில் ஏற்படும் அடைப்பை

நீக்க இரு வகை சிகிச்சைகள் இருக்கின்றன.
ஒன்று ஆஞ்சியோபிளாஸ்டி, மற்றொன்று பைபாஸ் சர்ஜரி.
நெஞ்சுவலி வருகிற எல்லோருக்குமே பைபாஸ் செய்ய
வேண்டும் என்ற கட்டாயம் இல்லை. இதயத்தின் மூன்று
ரத்தக் குழாய்களிலுமே அடைத்துக் கொள்ளும்போதோ,
ஆஞ்சியோபிளாஸ்டி கைகொடுக்காத போதோ பைபாஸ்

சர்ஜரி செய்யலாம்.
மற்றபடி ஆஞ்சியோபிளாஸ்டியே உயிரைக் காப்பாற்றப்

போதுமானது.
இந்த ஆஞ்சியோபிளாஸ்டி சிகிச்சையில் உதவும் ஒரு
கருவிதான் ஸ்டென்ட் (Stent). அதாவது, அடைப்பு
ஏற்பட்டிருக்கும் ரத்தக்குழாயை ரத்தம் செல்லும் வகையில்

சற்று விரிவாக்குவார்கள்.
அதன்பிறகு, ரத்தக்குழாய் மீண்டும் சுருங்கிவிடாத
வகையில் ஸ்டென்ட் கருவியைப் பொருத்துவார்கள்.
ஸ்டெயின்லெஸ் ஸ்டீல், கோபால்ட் போன்ற உலோகங்களால்
இந்த ஸ்டென்ட் கருவி பிரத்யேகமாக வடிவமைக்கப்

பட்டிருக்கும்.
இது சராசரியாக இரண்டரை மில்லி மீட்டர் அளவு இருக்கும்.
இந்த ஸ்டென்ட்டின் விலை 1990களின் தொடக்கத்தில்
லட்சங்களில் இருந்தது. அதிக விலை பற்றிய விஷயம்
டாக்டர் அப்துல் கலாமின் கவனத்துக்கு வந்ததும்,
‘ஏழைகளுக்கு இதயநோய் வந்தால் என்ன செய்வார்கள்’
என்று ஹைதராபாத்தில் இருக்கும் இதய சிகிச்சை

மருத்துவரான சோமராஜுவிடம் கேட்டிருக்கிறார்.
வெளிநாட்டில் இருந்து இறக்குமதியாவதுதான் அதிக

விலைக்குக் காரணம் என்று கூறியிருக்கிறார் சோமராஜு.
அதன்பிறகு, இந்திய தொழில்நுட்பத் திலேயே டாக்டர்
சோமராஜுவுடன் இணைந்து, 1998ல் ஸ்டென்ட்டை

வெற்றிகரமாக வடிவமைத்தார் அப்துல் கலாம்.
இதன்மூலம் லட்சங்களில் இருந்த ஸ்டென்ட், 20 ஆயிரம்
ரூபாயாக விலை குறைந்தது. Kalam-Raju-Stent என்ற
இருவரின் பெயரிலேயே ‘KR stent’ என்று
அழைக்கப்படும் இந்த ஸ்டென்ட் மூலம் இன்றும்
லட்சக்கணக்கான இதயங்களில் கலாம் வாழ்ந்து

கொண்டிருக்கிறார்.
இதில் முக்கியமான ஒரு விஷயம், வெளிநாடுகளில்
ஸ்டென்ட்டை தயாரிப்பவர்கள் மருத்துவத்துறையில்
மிகுந்த அனுபவம் கொண்டவர்கள். ஆனால், ஏவுகணை
விஞ்ஞானியாக இருந்த கலாம், தனக்குத் தொடர்பில்லாத
மருத்துவத்துறையில் குறுகிய காலத்தில் இதுபோல்
ஒரு கருவியை வடிவமைத்தது மிகப்பெரிய ஆச்சரியம்.
---
-ஞானதேசிகன்
நன்றி-குங்குமம்