ஏப்.,24ல் சுப்ரீம் கோர்ட் தலைமை நீதிபதியாக பதவியேற்கிறார் என்.வி.ரமணா

**ayyasamy ram** · **ayyasamy ram** Wed Apr 07, 2021 10:27 am

-

புதுடில்லி:
உச்ச நீதிமன்றத்தின், 48வது தலைமை நீதிபதியாக,
மூத்த நீதிபதி, என்.வி.ரமணா நியமிக்கப்பட்டுள்ளார்.
வரும், 24ம் தேதி, அவர் பதவியேற்க உள்ளார்.

மரபுபடி, பிரதமரின் முதன்மைச் செயலர், பி.கே. மிஸ்ரா,
சட்டத் துறை செயலர் பரூன் மித்ரா ஆகியோர், நியமன
உத்தரவை, நீதிபதி ரமணாவிடம் ஒப்படைத்தனர்.

வரும், 24ம் தேதி, நாட்டின், 48வது தலைமை நீதிபதியாக,
ரமணா பதவியேற்க உள்ளார். வரும், 2022, ஆக., 26 வரை,
அவர் இந்தப் பதவியில் இருப்பார்.

ஆந்திராவின் கிருஷ்ணா மாவட்டம், பொன்னாவரம்
கிராமத்தில் பிறந்த ரமணா, 1983ல், வழக்கறிஞராக
பணியாற்றினார். ஆந்திர உயர் நீதிமன்ற நீதிபதியாக,
2000ல் நியமிக்கப் பட்டார்.

அங்கு, 2013ல், பொறுப்பு தலைமை நீதிபதியாக இருந்தார்.
பின், டில்லி உயர்நீதிமன்ற தலைமை நீதிபதியாக
நியமிக்கப்பட்ட அவர், 2014ல் உச்ச நீதிமன்ற நீதிபதியானார்.

ஜம்மு - காஷ்மீருக்கான சிறப்பு அந்தஸ்து அளிக்கும்,
அரசியல் சாசனத்தின், 370வது பிரிவை நீக்கியது
தொடர்பான வழக்கு, 'தகவல் அறியும் சட்டம், தலைமை
நீதிபதி அலுவலகத்துக்கும் பொருந்தும்' என்ற வழக்கு உள்ளிட்ட,
பல முக்கிய வழக்கில் தீர்ப்பு அளித்த அமர்வில், இவர் இடம்
பெற்று இருந்தார்.

தள்ளுபடி

'ஆந்திர உயர் நீதிமன்ற விவகாரத்தில் தலையிடுகிறார்' என,
ரமணா மீது ஆந்திர முதல்வரும், ஒய்.எஸ்.ஆர்.காங். தலைவருமான,
ஜெகன்மோகன் அளித்த புகாரை, உச்ச நீதிமன்றம் தள்ளுபடி
செய்தது.

அதைத் தொடர்ந்து, தலைமை நீதிபதி பதவிக்கு அவருடைய
பெயர் பரிந்துரைக்கப்பட்டது.

தினமலர்

ஏப்.,24ல் சுப்ரீம் கோர்ட் தலைமை நீதிபதியாக பதவியேற்கிறார் என்.வி.ரமணா

ஏப்.,24ல் சுப்ரீம் கோர்ட் தலைமை நீதிபதியாக பதவியேற்கிறார் என்.வி.ரமணா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக