காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?

by **ayyasamy ram** Wed Apr 07, 2021 1:09 pm

-
அறவழிப் போராட்டங்களால் நினைத்ததை அடைய முடியும்
என்று உலகத்துக்குச் சாதித்துக் காட்டியவர் காந்தி.
உலகின் மிகச் சிறந்த எழுத்தாளர்களுள் ஒருவர் ரஷ்யாவைச்
சேர்ந்த லியோ டால்ஸ்டாய்.

இவரது புத்தகங்களில் வன்முறை இல்லாத எதிர்ப்புக் கருத்துகள்
இடம் பெற்றிருந்ததைப் படித்த காந்தி, அறவழிப் போராட்ட
முறையால் ஈர்க்கப்பட்டார். தாமும் அதே வழியில் போராட
முடிவெடுத்தார்.

அதில் மிகப் பெரிய அளவில் வெற்றியும் பெற்றார்.

காந்தியின் அறவழிப் போராட்ட வழிமுறையை உலகின் பல்வேறு
தலைவர்கள் ஏற்றுக்கொண்டிருக்கிறார்கள். அவர்களில் மார்ட்டின்
லூதர் கிங் முக்கியமானவர்.

அமெரிக்காவில் ஆப்பிரிக்க அமெரிக்கர்கள் தங்கள்
உரிமைகளுக்காகப் போராடிக்கொண்டிருந்த காலகட்டம்.
அப்போது பேருந்தின் பின்பக்கத்தில்தான் ஆப்பிரிக்க அமெரிக்கர்கள்
உட்கார வேண்டும், அமெரிக்கர் யாருக்காவது இடம் இல்லை என்றால்
எழுந்து இடம் தரவேண்டும் என்பது சட்டமாக இருந்தது.

அப்படி ஓர் அமெரிக்கருக்கு, ஆப்பிரிக்க அமெரிக்கரான ரோசா பார்க்ஸ்
இடம் தர மறுத்துவிட்டார். அதற்காகக் கைது செய்யப்பட்டார்.
மார்ட்டின் லூதர் கிங் தலைமையில் ஆப்பிரிக்க அமெரிக்கர்கள்
அறவழியில் போராட்டத்தை மேற்கொண்டனர்.

பேருந்தைப் புறக்கணித்தனர். காரில் செல்ல வசதி இல்லாதவர்கள்
நீண்ட தூரம் நடந்து சென்றனர். ஒரு நாள், இரண்டு நாட்கள் அல்ல,
381 நாட்கள் நடைபெற்ற இந்த அறவழிப் போராட்டத்தின் முடிவில்,
ஆப்பிரிக்க அமெரிக்கர்கள் பேருந்தில் தங்களுக்கான உரிமையை
மீட்டு எடுத்தனர்.
-
டிங்கு- இந்து தமிழ் திசை

by Guest Wed Apr 07, 2021 2:33 pm

எல்லாவற்றுக்கும் அமெரிக்காவையும் வெளிநாடுகளையும் எடுத்துக்காட்டாக காட்டும் நாம்,
ஈழத்தில் வாழ்ந்த எஸ்.ஜே.வி. செல்வநாயகத்தை தெரிந்து கொள்ளாமல் போனது வருத்தமே.

by **T.N.Balasubramanian** Wed Apr 07, 2021 5:44 pm

அதெல்லாம் எங்களுக்கு தெரியாது.

தமிழகத்தை ஒரு விஷயத்தில் எடுத்துக்காட்டாக காட்டிக்கொண்டு இருக்கிறோம்.
நாங்கள்தான் முன்னோடி.. நிரூபிக்கமுடியாமல் புதியதோர் வார்த்தையை
உண்டாக்கிவிட்டு ........உண்டாக்கிவிட்டு .........உண்டாக்கிவிட்டு .........
சரி விடுங்க.

by Sponsored content

காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?

காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?

Re: காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?

Re: காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?

Re: காந்தியைப் பார்த்து அறவழிப் போராட்டத்தை யாராவது நடத்தி இருக்கிறார்களா?