ஹரிஹரனின் குரலில் டாப் 6 ப்ளேலிஸ்ட்

-
1.’பம்பாய்’ – உயிரே உயிரே

பம்பாய் படத்தில் ஒரு காட்சி வரும். அரவிந்த்சாமி மனிஷா கொய்ராலாவுக்காக காத்திருப்பது போல அப்போது உயிரே உயிரே பாடல் ஒளிபரப்பாகும் அந்தக் காதலனின் ஏக்கத்தைக் காதலின் வலியை ஹரிஹரன் என்றோர் மனிதன் எப்படிக் கடத்தியிருப்பார் என்று நினைத்துக் கூட பார்க்க முடியாது அன்றைய காதலர்களின் காதல் கீதம் என்றால் மிகையாகாது.

2. ‘ஜீன்ஸ்’ – அன்பே அன்பே கொல்லாதே

அண்ணனும் தம்பியும் ஒரே பெண்ணைக் காதலிப்பார்கள். அண்ணனோ அவள் காதலியைக் கண்டங்கள் தாண்டி காதலிப்பார் தம்பியோ தன் காதலி சற்று கிராமிய கலாச்சாரத்தை விரும்புவதை அறிந்து தனக்குரிய கற்பனையில் மிதக்க அப்போது ஒளிபரப்பாகும் இந்தப் பாடலில் ஒரு நீண்ட ஆலாபனை ஒன்றை ஏ.ஆர். ரஹ்மான் பயன்படுத்தியிருப்பார். அதனை ஹரி மற்றும் அனுராதாவைத் தாண்டி வேறு யார் பாடியிருந்தாலும் அது அப்படி இருந்திருக்குமா என்பது சந்தேகமே.

3.’தீனா’- சொல்லாமல் தொட்டுச் செல்லும்

தல என்ற கிரீடத்தை அஜித் மேல் வைத்த தீனா படத்தின் ஒவ்வொரு பாடலும் யுவன் ஷங்கர் ராஜா இசையில் தேனிசை. அதில் “சொல்லாமல் தொட்டுச் செல்லும் தென்றல்” ஏற்ற இறக்கங்களில் ஹரிஹரனைத் தாண்டி யாரைச் சிந்திக்க முடியும்? இன்றைக்கும் வாட்ஸ் அப் ஸ்டேட்டஸ்களில் இந்தப் பாடலுக்கு இடம் இல்லாமல் இல்லை.

4.’ரன்’ – பொய் சொல்லக் கூடாது காதலி

இந்தப் பாடலில் வரும் ஹை பிட்ச் லோ பிட்ச் என எல்லா பிட்ச்களிலும் ஹரி சதமடித்திருப்பார் இந்தப் பாடலில் ஹரியும் புல்லாங்குழல் ஓசையும் போட்டி போடுவது போல இசையமைத்திருப்பார் வித்யாசாகர்.

5.’வேட்டையாடு விளையாடு’ – மஞ்சள் வெய்யில்

வழக்கமான ஒரு மஞ்சள் மாலை வேளையில் கமலும் ஜோதிகாவும் டின்னருக்குச் செல்வார்கள். அவர்கள் போகும் இடமெல்லாம் சுற்றிச் சுற்றி படமாக்கி நியூயார்க் நகரத்தின் அழகியலை நம் கண்முன் கொண்டு வந்து நிறுத்தியிருப்பார். ஒரு முன்னேறிய நாட்டின் அழகைக் காட்டப் போகும் பாடல் என்பதால் இதுவரை எங்கும் கேட்டிடாத வகையில் தன் இசையினை ஒரு ஸ்டைலிஷ் ஆக வடிவமைத்திருப்பார் ஹாரிஸ். அந்தப் பாடலின் தன்மை சூழ்நிலை ஆகியவற்றை அறிந்த ஹரியும் க்ரிஷ்மும் நம்மை நியூயார்க்கிற்கே கொண்டு போயிருப்பார்கள் தங்கள் குரல்களின் வழியாக.

6.’ஜோடி’- ஒரு பொய்யாவது சொல் கண்ணே

மின் கம்பத்தின் மீது மாட்டிக்கொண்ட ஒரு காற்றாடி காற்றடிக்கும் போதேல்லாம் அது அசையும். அது போலத்தான் இந்தப் பாட்டு மியூசிக் ப்ளேயரில் இருந்து இழைகின்ற போதேல்லாம் ஒரு கனமான ஒரு தருணத்தைக் கடப்பது போலவே தோன்றும். அதில் அந்த அளவுக்கு ஹரி உருகிப் பாடி நம்மையும் உருக்கியிருப்பார்.

-இந்து தமிழ் திசை

ஒரு பொய்யாவது சொல் கண்ணே…
-


படம்- ஜோடி
பாடல் - வைரமுத்து
இசை - ஏ.ஆர்.ரஹ்மான்
பாடியவர்- ஹரிஹரன்
------------------
-
ஒரு பொய்யாவது சொல் கண்ணே…
உன் காதலன் நான் தான் என்று…
அந்த சொல்லில்…அந்த சொல்லில் உயிர் வாழ்வேன்…
அந்த சொல்லில் உயிர் வாழ்வேன்
-
பூக்களில் உன்னால் சத்தம்
அடி மௌனத்தில் உன்னால் யுத்தம்
இதைத் தாங்குமா என் நெஞ்சம்
இதைத் தாங்குமா என் நெஞ்சம்
-
பெண்மையும் மென்மையும் பக்கம் பக்கம்தான்
ரொம்பப் பக்கம் பக்கம்தான்
பார்த்தால் ரெண்டும் வேறுதான்
பாலுக்கும் கள்ளுக்கும் வண்ணம் ஒன்றுதான்
பார்க்கும் கண்கள் ஒன்றுதான்
உண்டால்ரெண்டும் வேறுதான்
—
ஒரு பொய்யாவது சொல் கண்ணே
உன் காதலன் நான் தான் என்று அந்த சொல்லில்
உயிர் வாழ்வேன்
—
இரவினைத் திரட்டி ஓ ஆ
இரவினைத் திரட்டி கண்மணியின் குழல் செய்தாரோ
கண்மணியின் குழல் செய்தாரோ
நிலவின் ஒளி திரட்டிக் கண்கள் செய்தாரோ
ஓ விண்மீன் விண்மீன் கொண்டு
விரலின் நகம் சமைத்து மின்னலின் கீற்றுகள்
கொண்டு கைரேகை செய்தானோ
வாடைக் காற்று பட்டு வயதுக்கு வந்த பூக்கள் கொண்டுத்
தங்கம் தங்கம் பூசித் தோள் செய்தானோ
ஆனால் பெண்ணே உள்ளம் கல்லில் செய்து வைத்தானோ
காதல் கண்ணே உள்ளம் கல்லில் செய்து வைத்தானோ
—
ஒரு பொய்யாவது சொல் கண்ணே
உன் காதலன் நான் தான் என்று அந்த சொல்லில்
உயிர் வாழ்வேன்
—
நிலவினை எனக்கு அருகில் காட்டியது நீதானே
அருகில் காட்டியது நீதானே
மலரின் முகவரிகள் சொன்னது நீதானே
ஓ காற்று பூமி வானம் காதல் பேசும் மேகம்
அறிமுகம் செய்தது யார் யார் என் அன்பே நீதானே
கங்கை கங்கை ஆற்றைக் கவிதைகள் கொண்டு தரும்
காவிரி ஊற்றைத்
கண்ணில் கையில் தந்தவள் நீதானே
ஆனால் பெண்ணே நெஞ்சை மட்டும் மூடி வைத்தாயோ
காதல் கண்ணே நெஞ்சை மட்டும் மூடி வைத்தாயோ
—
ஒரு பொய்யாவது சொல் கண்ணே
உன் காதலன் நான் தான் என்று அந்த சொல்லில்
உயிர் வாழ்வேன்
-------------

படம்- தீனா
இசை- யுவன் சங்கர் ராஜா
பாடல் - வாலி
பாடியவர்- ஹரிஹரன்
----------------------

சொல்லாமல் தொட்டு செல்லும் தென்றல்
என் காதல் தேவதையின் கண்கள்
நெஞ்சத்தில் கொட்டி செல்லும் மின்னல்
கண்ணோரம் மின்னும் அவள் காதல்

ஒரு நாளைக்குள்ளே மெல்ல மெல்ல
உன் மௌனம் என்னை கொல்ல கொல்ல
இந்த காதலினால் காற்றில் பறக்கும் காகிதம் ஆனேன்

சொல்லாமல் தொட்டு செல்லும் தென்றல்
என் காதல் தேவதையின் கண்கள்
நெஞ்சத்தில் கொட்டி செல்லும் மின்னல்
கண்ணோரம் மின்னும் அவள் காதல்

ஒ… காதலின் அவஸ்தை எதிரிக்கும் வேண்டாம்
நரக சுகம் அல்லவா
நெருப்பை விழுங்கி விட்டேன்
ஒ… அமிலம் அருந்தி விட்டேன்

நோயாய் நெஞ்சில் நீ நுழைந்தாய்
மருந்தை ஏனடி தர மறந்தாய்
வாலிபத்தின் சோலையிலே
ரகசியமாய் பூ பறித்தவள் நீ தானே

சொல்லாமல் தொட்டு செல்லும் தென்றல்
என் காதல் தேவதையின் கண்கள்
நெஞ்சத்தில் கொட்டி செல்லும் மின்னல்
கண்ணோரம் மின்னும் அவள் காதல்

யே… பெண்களின் உள்ளம் படு குழி என்பேன்
விழுந்து எழுந்தவன் யார்
ஆழம் அளந்தவன் யார்
ஒ… கரையை கடந்தவன் யார்

காதல் இருக்கும் பயத்தினில் தான்
கடவுள் பூமிக்கு வருவதில்லை
மீறி அவன் பூமி வந்தால்
தாடியுடன் தான் அலைவான் வீதியிலே….

சொல்லாமல் தொட்டு செல்லும் தென்றல்
என் காதல் தேவதையின் கண்கள்
நெஞ்சத்தில் கொட்டி செல்லும் மின்னல்
கண்ணோரம் மின்னும் அவள் காதல்

ஒரு நாளைக்குள்ளே மெல்ல மெல்ல
உன் மௌனம் என்னை கொல்ல கொல்ல
இந்த காதலினால் காற்றில் பறக்கும் காகிதம் ஆனேன்

சொல்லாமல் தொட்டு செல்லும் தென்றல்
என் காதல் தேவதையின் கண்கள்
நெஞ்சத்தில் கொட்டி செல்லும் மின்னல்
கண்ணோரம் மின்னும் அவள் காதல்