இந்தியாவில் கொரோனா பாதிப்பு மோசமானதில் இருந்து மிக மோசமானதாக மாறி வருகிறது -சுகாதாரத்துறை எச்சரிக்கை

புதுடெல்லி

டெல்லியில் நிருபர்களுக்கு பேட்டி அளித்த நிதி ஆயோக்
உறுப்பினர் வி.கே.பால் கூறியதாவது:-

கொரோனா வைரஸ் தொற்று பரவல் மிக தீவிரமான செயல்பாட்டில் இருக்கிறது. கொரோனா பரவலால் சில மாவட்டங்களில், கடுமையான சூழலை எதிர்கொண்டு இருப்பதாகவும், ஒட்டு மொத்த நாடும் ஆபத்தில் உள்ளது.கடந்த சில வாரங்களாக நிலைமை மோசமான நிலையில் இருந்து மிக மோசமான நிலைக்கு மாறிவிட்டது.

கொரோனா வைரஸ் தொற்று பரவலில் இருந்து முகக் கவசம் அணிவது 70 சதவீதம் பாதுகாப்பு அளிக்கும். அனைவரும் முகக் கவசம் அணிய வேண்டியது அவசியம்.

வைரஸ் பரவலை கட்டுப்படுத்தி, மனித உயிர்களை காக்க அனைத்து நடவடிக்கைகளும் எடுக்கப்பட வேண்டும்.

கொரோனா பாதிப்பு அதிகரித்து வருகிறது, நமது சுகாதார பாதுகாப்புகளில் ஊடுருவக்கூடும், அதைக் கட்டுப்படுத்த முடியும் என்று நாம் நினைக்கும் போது, அது மீண்டும் பரவ தொடங்குகிறது.

இதுவரை, நாட்டின் இறப்பு விகிதம் ஒப்பீட்டளவில் இந்தியாவில் குறைவாக இருக்கிறது. ஆனால் இறப்பு விகிதம் இப்போது நான்கு மடங்காக உயர்ந்து உள்ளது, 77 ல் இருந்து 271 ஆக உயர்ந்து உள்ளது எனவே நாம் மிகவும் விழிப்புடன் இருக்க வேண்டும் என கூறினார்.

பிப்ரவரி மாதத்தில் சுமார் 10,000 ஆக இருந்த இந்தியாவின் தினசரி கொரோனா பாதிப்பு 60,000 ஐ தாண்டி உள்ளது.நேற்று இந்தியாவில் 56,211 புதிய கொரோனா வைரஸ் வபாதிப்புகள் பதிவாகியுள்ளன, இதனால் மொத்த எண்ணிக்கை 1,20,95,855 ஆக உயர்ந்து உள்ளது. தினசரி இறப்புகள் 271 அதிகரித்துள்ளன, மொத்த உயிரிழப்பு 1,62,114 ஆக உள்ளது.

தினத்தந்தி