ஆ.ராசா, தனது பேச்சிற்கு வருத்தம் தெரிவித்தார்

**T.N.Balasubramanian** · **T.N.Balasubramanian** Mon 29 Mar 2021 - 23:00

சென்னை: முதல்வர் பழனிசாமி மற்றும் அவரது தயார் குறித்து இழிவாகவும், தரக்குறைவாகவும் பேசிய திமுக எம்.பி., ஆ.ராசா, தனது பேச்சிற்கு வருத்தம் தெரிவித்தார்.

தி.மு.க., - எம்.பி.,யும், முன்னாள் மத்திய அமைச்சருமான ஆ.ராசா, 26ம் தேதி, சென்னை, ஆயிரம் விளக்கு தொகுதியில், பிரசாரம் செய்தபோது, முதல்வர் பழனிசாமியை இழிவுபடுத்தும் வகையில், அவரது தாய் குறித்து, தரக்குறைவாக பேசினார். இது, தமிழகம் முழுதும் பெண்கள் மற்றும் அ.தி.மு.க.,வினர் மத்தியில், கடும் கொந்தளிப்பை ஏற்படுத்தியது. இதனையடுத்து, முதல்வர் பழனிசாமி நேற்றைய பிரசாரத்தின்போது ‛தாய்மார்களை கொச்சைப்படுத்தி, இழிவுப்படுத்தி பேசுவோருக்கு, தக்க தண்டனை வழங்க வேண்டும்,' என கண்ணீர் மல்க பேசினார்.

இந்நிலையில், ஆ.ராசா தனது பேச்சிற்கு வருத்தம் தெரிவித்தார். இது தொடர்பாக அவர் ஊட்டியில் கூறியதாவது:
திமுக தலைவர் ஸ்டாலின் மற்றும் முதல்வர் பழனிசாமி ஆகியோரின் அரசியல் ஆளுமையை பிறந்த குழந்தைகளாக உருவாகப்படுத்தி நான் பேசிய சில வரிகளை மட்டும் எடுத்து திட்டமிட்டு உள்நோக்கத்தோடு, அரசியல் காரணங்களுக்காக தவறாக சித்தரிக்கப்படுவதை விளக்கினேன். என்றாலும், நானும் ஒரு தாயின் 8வது பிள்ளை என்ற உணர்வோடு மீண்டும் விளக்கமளித்தேன். இதன்பிறகும், முதல்வர் எனது பேச்சால் காயப்பட்டார் என்ற செய்தியை செய்திதாள் வாயிலாக படித்து மிகுந்த மனவேதனை அடைகிறேன்.

தவறாக புரிந்து கொள்ளப்பட்ட எனது பேச்சிற்காக எனது அடிமனதில் இருந்து வருத்தத்தை தெரிவித்துக் கொள்கிறேன். இன்னும் ஒருபடி மேலே சொன்னால், முதல்வர் பழனிசாமி அரசியலுக்காக அல்லாமால், காயப்பட்டிருப்பதாக உணர்வார் எனில், எனது மன்னிப்பை கோருவதில் தயக்கமில்லை. எனது பேச்சு இரு தலைவர்களை பற்றிய தனிமனித விமர்சனம் அல்ல. பொதுவாழ்வில் உள்ள இரு அரசியல் ஆளுமைகளின் மதிப்பீடும், ஒப்பீடும்தான். இவ்வாறு அவர் பேசினார்.

நன்றி தினமலர்

**ayyasamy ram** · **ayyasamy ram** Tue 30 Mar 2021 - 8:01

முதல்வர் பழனிசாமி பொது மேடையில் கண்ணீர் விட்டு
குரல் கம்ம பேசி, ஓட்டு சேகரிக்க ஆ.ராசா உதவியுள்ளார்!!

Guest · Guest Tue 30 Mar 2021 - 12:33

சொல்லும் போது தெரியவில்லையா?

யாகாவா ராயினும் நாகாக்க காவாக்கால்
சோகாப்பர் சொல்லிழுக்குப் பட்டு.

தீயினாற் சுட்டபுண் உள்ளாறும் ஆறாதே
நாவினாற் சுட்ட வடு.

ஒன்று/இரண்டு மட்டும் புரியவில்லை...........
பேச்சை கட் பண்ணி ஒட்டி விட்டார்கள்...
என் பேச்சை தவறாகப் புரிந்து கொண்டு விட்டார்கள்..என்பதும்..

மன்னிப்பு என்பது எனக்குப் பிடிக்காத வார்த்தை ..என ஒருமுறை அவரே சொன்னது நினைவுக்கு வருகிறது.

**T.N.Balasubramanian** · **T.N.Balasubramanian** Tue 30 Mar 2021 - 17:55

பொத்தம் பொதுவாக திமுக தரப்பில் கூறப்பட்ட கண்டனமொழிகள்.
கனிமொழி --யாரும் பெண்களை இழிவாக பேசக்கூடாது.
ஸ்டாலின்.--கண்ணியத்தை கடைபிடிக்கவேண்டும்.
ஏன் ஒருவரும் ராஜாவை குறிப்பிட்டு கண்டனங்கள் கூறவில்லை.?
ஏன் லியோனியை கண்டிக்கவில்லை?
பயமாக இருக்கலாமோ?

**T.N.Balasubramanian** · **T.N.Balasubramanian** Tue 30 Mar 2021 - 18:00

சக்தி wrote:

மன்னிப்பு என்பது எனக்குப் பிடிக்காத வார்த்தை ..என ஒருமுறை அவரே சொன்னது நினைவுக்கு வருகிறது.

இது விஜயகாந்த் சினிமாவில் சொன்னதாக நான் நினைத்திருந்தேன். சிரி