பிதமர் மோதிக்குப் பிடித்த இடம்

பிரதமர் நரேந்திர மோடி ஒவ்வொரு மாத கடைசி, ஞாயிற்றுக் கிழமையில் மக்கள் மத்தியில் உரையாற்றுவார். இந்த நிகழ்ச்சி மன் கி பாத் என்று அழைக்கப்படுகிறது. இதில் பிரதமர் மோடி பேசும் போது, முக்கியமான அறிவிப்புகளை வெளியிடுவதோடு நாட்டின் நிலைமையை மக்களுக்கு எடுத்துரைப்பார்.



இந்த நிலையில், இன்று கடைசி ஞாயிற்றுக் கிழமையையொட்டி பிரதமர் மோடி உரையாற்றினார். அப்போது, தேர்வெழுத உள்ள மாணவர்கள் கவனமாக தேர்வுகளை எழுத வேண்டும். கவலையை விட்டுவிட்டு நம்பிக்கையுடன் எழுதுங்கள். நாட்டின் எல்லா இடங்களிலும் திறமைகள் இருக்கின்றன. அவை வெளிப்பட வேண்டும் என்று கூறினார்.

தொடர்ந்து பேசிய மோடி, 100 வயதை எட்டியவர்கள் கூட தடுப்பூசி போட்டுக் கொள்கிறார்கள். முன்பு போல் இல்லாமல் மக்கள் தடுப்பூசி போட்டுக் கொள்ள ஆர்வம் செலுத்துகின்றனர். வெகு விரைவில் மக்கள் அனைவருக்கும் தடுப்பூசி போடப்படும். அதற்கான பணிகள் விறுவிறுப்பாக நடைபெற்று வருகிறது என்று தெரிவித்தார்.



இதையடுத்து சென்னை கலங்கரை விளக்கத்தை பற்றி பேசிய அவர், பழமையான அந்த கலங்கரை விளக்கத்தை சுற்றுலா தலமாக மாற்ற வேண்டும். இந்தியாவிலேயே தனித்துவம் மிக்க கலங்கரை விளக்கம் சென்னையில் இருப்பது தான். நாடு முழுவதும் சுனாமியால் உயிரிழந்தவர்கள் ஆத்மா சாந்தி அடைய பிரார்த்திக்கிறேன் என்று தெரிவித்தார்.

(இணையம்)

மோதிக்குப் பிடித்த படம்,பாடல்

மன் கி பாத் - மனதின் குரல் நிகழ்ச்சியில், அரசுப் பேருந்து நடத்துனர் மாரிமுத்து யோகநாதனை பாராட்டியுள்ளார். ஊதியத்தின் ஒரு பகுதியையும் மரக்கன்றுகளை நடுவதற்காக ஒதுக்கி, பயன்படுத்தி வருகிறார் மாரிமுத்து யோகநாதன். அவரது மரக்கன்று நடும் பணியைத்தான் பிரதமர் மோடி பாராட்டியுள்ளார்.




கோவையை சேர்ந்த யோகநாதன் அரசு பேருந்து நடத்துநராக உள்ளார். யோகநாதனுக்கு சிறுவயது முதலே இயற்கையின் மீதும் மரங்களின் மீதும் தீராக்காதல். அதன் காரணமாக, தன் பணிக்கு நிகரான நேரத்தையும், ஊதியத்தின் ஒரு பகுதியையும் மரக்கன்றுகளை நடுவதற்காக ஒதுக்கி, பயன்படுத்தி வருகிறார். கடந்த 33 வருடங்களாக மரக்கன்றுகளை நடுவதில் அதித ஆர்வம் கொண்டுள்ளார். மேலும் மரம் வளர்ப்பு பற்றி மாணவர்களுக்கு விழிப்புணர்வு பயிற்சியும் அளித்து வருகிறார்.



சுற்றுச்சூழல் மீதான அக்கறையும், ஆர்வமும் யோகநாதனுக்கு மத்திய அரசின் பசுமைப்போராளி, தமிழக அரசின் சுற்றுச்சூழல் சேவை வீரர் ஆகிய விருதுகளைப் பெற்றுத் தந்துள்ளது. இவரது ஆர்வத்தைக் கண்ட அமெரிக்காவில் வசிக்கும் தமிழரான வாசுதேவன் என்பவர், தனது சொந்த செலவில் கோவை ஆலந்துறையில் 2 ஏக்கர் நிலம் வாங்கிக் கொடுத்துள்ளார். அந்த இடத்தில் 'மரம் சூழலியல் நடுவம்' என்ற அமைப்பை நிறுவியுள்ள யோகநாதன், ஆர்வத்துடன் வருபவர்களுக்கு இலவசமாக மரக்கன்றுகளை வழங்கி வருகிறார். அழிவின் விளிம்பில் உள்ள மரங்களின் விதைகளை மீட்டு, மரக்கன்றுகளை வளர்த்தெடுப்பதே நோக்கம் என்று கூறி வருகிறார் அவர்.



இதுவரை 3 லட்சம் மரக்கன்றுகளை நட்டு வளர்த்து வரும் யோகநாதன், எட்டாயிரம் பள்ளிகளுக்குச் சென்று மாணவ,மாணவிகள் மத்தியில் மரம் வளர்ப்பு குறித்து விழிப்புணர்வை ஏற்படுத்தியுள்ளார். சிறுவர், சிறுமிகளுக்கு மரக்கன்றுகளை பதியம் போடுவது, மாடித்தோட்டம் உள்ளிட்ட பயிற்சிகளையும் அளித்து வருகிறார் யோகநாதன். மரங்கள் வளர்த்து வருவதோடு மட்டுமின்றி, ஆர்வம் கொண்டவர்களுக்கு இலவச மரக்கன்றுகளும், பயிற்சியும் வழங்கி வரும் யோகநாதன், சிபிஎஸ்இ-யின் ஐந்தாம் வகுப்பு பாடப்புத்தகத்திலும் இடம்பெற்றுள்ளார் என்பது கூடுதல் சிறப்பு.

(புதியதலைமுறை)

மத்திய அரசின் பசுமைப்போராளி,
தமிழக அரசின் சுற்றுச்சூழல் சேவை வீரர் ஆகிய விருதுகளை
யோகநாதனுக்கு ...
வாழ்த்துகள்
-