உடல் ஆரோக்கியம் பெற எப்படி தூங்க வேண்டும்?

**ayyasamy ram** · **ayyasamy ram** Wed Mar 24, 2021 7:16 pm

-
சித்தர்கள் கூறுவது:

கிழக்கு திசையில் தலை வைத்து படுப்பது மிகவும்
நல்லது. தெற்கு திசையில் தலை வைத்துப் படுத்தால்
ஆயுள் வளரும்.
மேற்கு திசையில் தலை வைத்து படுத்தால் கனவு,
அதிர்ச்சி உண்டாகும். வடக்கு திசையில் ஒரு போதும்
தலை வைத்து தூங்கக் கூடாது என்பது பற்றிய
தகவல்களும் உள்ளன.

இவற்றை விஞ்ஞான ரீதியாகவும் ஒப்புக்கொண்டுள்ளனர்.
வடக்கு திசையில் இருந்து வரும் காந்த சக்தி, தலையில்
மோதும் போது அங்குள்ள பிராண சக்தியை இழக்கும்.
இதனால் மூளை பாதிக்கப்படுவதுடன், இதயக் கோளாறுகள்,
நரம்புத்தளர்ச்சி உண்டாகும்.

மல்லாந்து கால்களையும், கைகளையும் அகட்டி வைத்துக்
கொண்டு தூங்கக் கூடாது. இதனால் இவர்களுக்குத் தேவையான
ஆக்ஸிஜன், உடலுக்குக் கிடைக்காமல் குறட்டை உண்டாகும்.
குப்புறப்படுத்தும் தூங்கக் கூடாது. இடக்கை கீழாகவும், வலக்கை
மேலாகவும் இருக்கும்படி கால்களை நீட்டி இடது பக்கமாக
ஒருக்களித்து படுத்து தூங்க வேண்டும்.

இதனால் வலது மூக்கில் சுவாசம் சூரியகலையில் ஓடும்.
இதில் எட்டு அங்குலம் மட்டுமே, சுவாசம் வெளியே செல்வதால்
ஆயுள் வளரும். இதனால் உடலுக்குத் தேவையான வெப்பக்காற்று
அதிகரித்து, பித்தநீரை அதிகரிக்கச்செய்து, உண்ட உணவுகள்
எளிதில் ஜீரணமாகும்.

இதயத்திற்கு சீரான பிராணவாயு கிடைத்து இதயம் பலப்படும்.
வலது பக்கம் ஒருக்களித்து படுப்பதால், இடது பக்க மூக்கின்
வழியாக சந்திரகலை சுவாசம் ஓடும். இதனால், பனிரெண்டு
அங்குல சுவாசம் வெளியே செல்வதால், உடலில் குளிர்ச்சி
உண்டாகும். இரவில் உண்ட உணவு சீரணமாகாமல் புளித்துப்
போய் விஷமாக நேரிடும் என்றெல்லாம், சித்தர் பாடல்களில்
குறிப்புகள் உள்ளன.

நன்றி-நலம்-வாராந்திர பகுதி-தினமலர்

உடல் ஆரோக்கியம் பெற எப்படி தூங்க வேண்டும்?

உடல் ஆரோக்கியம் பெற எப்படி தூங்க வேண்டும்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக