இலங்கைக்கு எதிரான தீர்மானம் 22 நாடுகள் நிறைவேற்றம்

by **ayyasamy ram** Wed Mar 24, 2021 7:27 am

-
இந்து தமிழ் திசை

by Guest Wed Mar 24, 2021 4:15 pm

முதலில் அது மென்மையான தீர்மானம்.
2012 இல் காங்கிரஸ் இலங்கைக்கு எதிராக வாக்களித்தது. இன்று பாஜக இந்தியா வெளிநடப்பு செய்து இலங்கைக்கு ஆதரவாக செயல்பட்டுள்ளது.

மேலும் 2012ம் ஆண்டு, “இலங்கைக்கு எதிரான தீர்மானத்தில் வாக்களிப்பது மட்டும் போதாது அவர்களுக்கான மறுவாழ்வுக்கான செயல்திட்டங்களை காங்கிரஸ் அரசு எடுக்க வேண்டும்” என்று கூறி கடுமையாக சாட்டியது பாஜக. ஆனால் ஒன்பது வருடங்களுக்குப் பின் நேற்று நடந்த தீர்மானத்தில் பாஜக வாக்களிக்கவே தயங்கி வெளியேறியிருப்பது மிகப்பெரும் முரண்.

சமீபத்தில் சென்னைக்கு வந்த மோதி இலங்கைக்கு வீடுகள்..போன்ற உதவிகளை சுட்டிக் காட்டிப் பேசினார். ஆனால் அவை அனைத்தும் காங்கிரஸ் ஆட்சியில் தொடங்கப்பட்டவை. மோதி இலங்கை தமிழர்கள் பற்றி கூறிய அனைத்தும் உண்மைக்கு மாறானவை என்பதை ஆதாரங்களுடன் ஊடகவியலாளர்கள் தெரிவித்தனர்.

by **T.N.Balasubramanian** Wed Mar 24, 2021 6:15 pm

<

Code:: சமீபத்தில் சென்னைக்கு வந்த மோதி இலங்கைக்கு வீடுகள்..போன்ற உதவிகளை சுட்டிக் காட்டிப் பேசினார்.

இலங்கை வீடுகள் --யாருக்கு ? யாழ்ப்பாண தமிழர்களுக்காகத்தான்.சீட்டு கட்டுகளில்தான் வீடுகள் குறைவான நேரத்தில் கட்டப்படும். மற்றபடி வருட கணக்கில்தான் கட்டி முடிக்கப்படும்.ஒரு கட்சி அடிக்கல் நாட்டும். மற்றொரு கட்சி அதை திறந்து வைக்கும்.
தமிழர்கள் படுகொலைக்கு யார் காரணம் ?
கண்டும் காணாதது மாதிரி இருந்தது யார் ? .
--சரித்திரம் சொல்லுகிறது.--யார் யார் என்று.
சீனா எதிராக வாக்களித்தது.? பல முதலீடுகளை லங்காவில் சீனா பண்ணி இருக்கிறது ,
சிங்கள தமிழர்களுக்கு இழைத்த அநீதி எதற்கு ஒப்பிடப்பட்டது -சீனாவில் டின்னமென் சதுக்கத்தில் மாணவர்களுக்கு/தொழிலாளர்களுக்கு இழைத்த அநீதிக்கு ஈடாக ஒப்பிடப்பட்டது. சர்வதேச கவுன்சில் கூறுகிறது.
இந்தியா ஆதரித்து இருந்தாலும் எதிர்த்து இருந்தாலும் குறை சொல்ல கட்சிகள் இருக்கின்றன.
இந்தியா ஆதரிக்கவுமில்லை எதிர்க்கவுமில்லை.-- ராஜதந்திரம்

by Guest Thu Mar 25, 2021 12:16 am

சிரிப்புத்தான் வருகிறது. இப்போது இணைய/டிஜிட்டல் காலத்தில் எதையும் மறைக்க முடியாது.டிஜிட்டல் ஆவணங்களாக ஆதாரங்கள் சேமிக்கப்படுகின்றன.ஊடகங்கள் பொய் சொல்லலாம்,மாற்றி சொல்லலாம்.ஆனால் உண்மையான ஆதாரங்கள் பொய் சொல்லாது.

யாழ்ப்பாணத் தமிழருக்கா? பாதிக்கப்பட்டவர்களுக்கா? யாருக்கு?
இணையத்தில் அனைத்து ஆதாரங்களும் இருக்கின்றன.

கொரோனாவுக்கு முன் , ராமேஸ்வரத்தில்
அர்ஜுண்சம்பத் தலைமையில் நடந்த அனைத்து இந்து இயக்க தலைவர்கள் மகாநாட்டில் அனைத்து ஆதாரங்களும் வைக்கப்பட்டு விளக்கம் கொடுக்கப்பட்டன.ஒரு பகுதி..........….....

’இந்திய அரசு இது குறித்து விளக்கமளிக்க வேண்டும். மீள் குடியேற்றத்திற்கென தனி அமைச்சகம் செயல்பட்டு வரும் நிலையில் மட்டக்களப்பு மாகாணத்தில் கடந்த ஓராண்டில் ஒரு வீடு கூட கட்டிதரப்படவில்லை. இந்திய அரசு கட்டிதரும் 50 ஆயிரம் வீடுகளில் 36 ஆயிரம் வீடுகளே திருத்தப்பட்டு அல்லது முடிக்கப்பட்டுள்ளன. இது முற்றிலும் தமிழர்களுக்கு வழங்கப்படவில்லை. சிங்களர், இஸ்லாமியர், ராணுவத்தினர் ஆகியோருக்கு வழங்கப்பட்டு வருகிறது. வடக்கு மற்றும் கிழக்கு பகுதிகளில் தமிழர்களின் விகிதாசாரத்தினை குறைக்கும் வகையில் சிங்களர்களை இப்பகுதியில் வலுக்கட்டாயமாக குடியேற்றி வருகிறார் ராஜபக்ஷே. முல்லைத்தீவு வெலியோயா பகுதியில் கட்டப்பட்ட ஆயிரம் வீடுகளில் சிங்களர்கள் குடியமர்த்தப்பட்டுள்னர். ’

உண்மைகள் சுடும்,ஆனால் அவற்றை மறைக்க முடியாது.
நாட்டுப்பற்று அவசியம் அதேசமயம் உண்மைகளை மறப்பதும்/மறைப்பதும் ராஜதந்திரமாகாது. இனத்தை அழிப்பதும் அதற்குத் துணை போவதும் ராஜதந்திரமாகாது.

எல்லாவற்றிலும் இரண்டு கட்சிகளும் மாறி மாறி குற்றம் சுமத்துவது ...இது அரசியல் சூதாட்டம்.
காங்கிரஸ்-திமுக கூட்டணி இனத்தை அழிக்க துணை போனது,தற்போதய அரசு ராஜதந்திரம் எனச் சொல்லி தமிழர்களை முட்டாளாக்குகிறது.

எதுவும் மாறப்போவதில்லை.எங்கும் ஏமாற்றப்படும் தமிழர்கள்.இங்கு யாரும் நல்லவர்கள் கிடையாது.
(விஜே டயஸ் சிங்கள ஊடகவியலாளர் சிறீலங்கா-’தமிழருக்கான இனவாதப் போர்’ இல் இருந்து தகவல்களை அறியலாம்)