இன்றைய (மார்ச் 23) செய்தி சுருக்கம்

**ayyasamy ram** · **ayyasamy ram** Tue Mar 23, 2021 11:03 am

ஏப்ரல் 1-ம் தேதி முதல் 45 வயதுக்கு மேற்பட்ட அனைவருக்கும்
கொரோனா தடுப்பூசி !

அடுத்த மாதம் 1ம் தேதி முதல் 45 வயதுக்கு மேற்பட்ட அனைவரும்
கொரோனா தடுப்பூசி செலுத்திக் கொள்ளலாம் என்று
தெரிவிக்கப்பட்டுள்ளது. மேலும் தடுப்பூசி செலுத்திக்கொள்ள
விரும்புவோர் முன்பதிவு செய்து கொள்ளுமாறு அறிவுறுத்தபட்டுள்ளது.
-
------------------------

முன்னாள் நீதிபதி கர்ணனுக்கு நிபந்தனை ஜாமின்!
-
நீதிபதிகளை அவதூறாக விமர்சித்த விவகாரத்தில் கைது
செய்யப்பட்ட முன்னாள் நீதிபதி கர்ணனுக்கு சென்னை
உயர்நீதிமன்றம் நிபந்தனை ஜாமின் வழங்கியுள்ளது.
மேலும் எதிர்காலத்தில் இதுபோல் செய்ய மாட்டேன் என
கர்ணன் உத்தரவாதம் அளித்ததை ஏற்று அவருக்கு இந்த
நிபந்தனை ஜாமின் வழங்கப்பட்டுள்ளது
-
--------------------------------

செங்கல்பட்டு அருகே 80 கிலோ தங்கம் பறிமுதல்
-
செங்கல்பட்டு மாவட்டம் நாவலூர் சுங்கச்சாவடியில்
சுமார் 80 கிலோ தங்கம் பறிமுதல் செய்யப்பட்டிருக்கிறது.
உரிய ஆவணம் இல்லாததால் தேர்தல் பறக்கும் படையினர்
நடவடிக்கை எடுத்துள்ளனர்.

சென்னை தங்க நகை மாளிகையில் இருந்து செங்கல்பட்டுக்கு
கொண்டு செல்வதாக விசாரணையில் தகவல் வெளியாகியுள்ளது.
-
----------------------------
-இந்தியன் எக்ஸ்பிரஸ்

**ayyasamy ram** · **ayyasamy ram** Tue Mar 23, 2021 11:06 am

நீட் தேர்வுக்கு கூடுதல் மையங்களை அமைக்க வேண்டும் -
சென்னை உயர் நீதிமன்றம் உத்தரவு

நீட் தேர்வுக்கு கூடுதல் மையங்களை அமைக்க வேண்டும்
என்றும் அடுத்த ஆண்டு முதல் அதனை செயல்படுத்த
வேண்டும் என்றும் தேசிய தேர்வுகள் வாரியத்துக்கு
சென்னை உயர் நீதிமன்றம் உத்தரவிட்டுள்ளது.
-
-----------------------------------

பிரச்சாரங்களில் அதிகாரத்தை பயன்படுத்துவதை
தடுக்க வேண்டும்

பிரசாரங்களில் அமைச்சர்கள் தங்கள் அதிகாரத்தை
பயன்படுத்துவதை தடுக்க வேண்டும் என்றும் அதிகாரத்தை
பயன்படுத்துவதைத் தடுக்க கடும் விதிகளை வகுக்க வேண்டும்
என்றும் தேர்தல் ஆணையத்துக்கு சென்னை உயர் நீதிமன்றம்
உத்தரவிட்டுள்ளது.
-
--------------------------------

சாலையில் நடந்து சென்று வாக்கு சேகரித்த ஸ்டாலின்
-
கிருஷ்ணகிரி திமுக வேட்பாளர் செங்குட்டுவனுக்கு
ஆதரவாக திமுக தலைவர் ஸ்டாலின் சாலையில் நடந்து
சென்று வாக்கு சேகரித்தார். அப்போது பொதுமக்கள்
ஸ்டாலினுடன் செல்ஃபி எடுத்து மகிழ்ந்தனர்.
-
----------------------------------

பாலியல் புகார் வழக்கை 8 வாரத்திற்குள் முடித்துவிடுவோம்

சிறப்பு டி.ஜி.பிக்கு எதிராக பெண் எஸ்.பி. அளித்த பாலியல்
புகார் வழக்கை 8 வாரத்திற்குள் முடித்துவிடுவோம் என்று
சென்னை உயர்நீதிமன்றத்தில் சிபிசிஐடி தரப்பில் விளக்கம்
அளிக்கப்பட்டுள்ளது.
-
-----------------------------------
இந்தியன் எக்ஸ்பிரஸ்

இன்றைய (மார்ச் 23) செய்தி சுருக்கம்

இன்றைய (மார்ச் 23) செய்தி சுருக்கம்

Re: இன்றைய (மார்ச் 23) செய்தி சுருக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக