2வது அலை தீவிரமாக இருக்கும்: 'எய்ம்ஸ்' இயக்குனர் எச்சரிக்கை

**ayyasamy ram** · **ayyasamy ram** Mon Mar 22, 2021 3:14 pm

புதுடில்லி:
''கொரோனா வைரஸ் பரவல் இரண்டாவது அலை, முன்பைவிட
தீவிரமாக இருக்கும். முக கவசம் அணிவது உள்ளிட்ட பாதுகாப்பு
நடைமுறைகளை தொடர வேண்டும்,'' என, எய்ம்ஸ் இயக்குனர்,
டாக்டர் ரன்தீப் குலேரியா எச்சரித்து உள்ளார்.

கொரோனா வைரஸ் பரவல், பல்வேறு மாநிலங்களில் அதிகரித்து
வருகிறது.

பரிசோதனை

இது குறித்து, எய்ம்ஸ் மருத்துவமனை இயக்குனர் ரன்தீப் குலேரியா
கூறியதாவது:

கொரோனா வைரஸ் பரவல் இரண்டாவது அலை, முந்தையதைவிட
தீவிரமாகும் வாய்ப்பு உள்ளது. கொரோனா தடுப்பு நடவடிக்கைகளை,
மக்கள் உதாசீனப்படுத்துகின்றனர். அதிக அளவில் மக்கள் கூடுவது,
முக கவசம் அணியாதது போன்றவை, வைரஸ் பரவலை அதிகரிக்கச்
செய்யும்.

கடந்த ஆறு மாதங்களுக்கு முன் நடந்த வைரஸ் பரிசோதனைகள்,
தற்போது குறைந்துள்ளன. பரிசோதனைகளை தொடர வேண்டும்.
பாதிப்பு உள்ளோருடன் தொடர்பில் இருந்தவர்களை அடையாளம்
பார்த்து, அவர்களுக்கும் பரிசோதனை செய்ய வேண்டும்.

தடுப்பூசி வழங்கும் நடவடிக்கைகளையும் வேகப்படுத்த வேண்டும்.
தடுப்பூசி போட்டால், பாதிப்பு வராது என அலட்சியமாக இருக்கக்
கூடாது.

அலட்சிய போக்கு

தடுப்பூசி போட்டாலும், முக கவசம் அணிவது உள்ளிட்ட பாதுகாப்பு
நடவடிக்கைகளை தொடர வேண்டும்.கொரோனா வைரஸ் பல நாடுகளில்
உருமாறியுள்ளது. அதுபோல, நம் நாட்டிலும், அது உருமாறி இருக்கலாம்.
அது தொடர்பான ஆய்வு நடக்கிறது. அவ்வாறு வைரஸ் உருமாறியிருந்தால்,
பாதிப்பு மிக அதிகமாக இருக்கும்.

அதனால், மக்கள் மிகுந்த எச்சரிக்கையுடன் இருக்க வேண்டும்;
அலட்சியபோக்கு கூடாது.இவ்வாறு அவர் கூறினார்.

தினமலர்

2வது அலை தீவிரமாக இருக்கும்: 'எய்ம்ஸ்' இயக்குனர் எச்சரிக்கை

2வது அலை தீவிரமாக இருக்கும்: 'எய்ம்ஸ்' இயக்குனர் எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக