விவாகரத்து

**ரிபாஸ்** · **ரிபாஸ்** Thu 14 Jan 2010 - 15:46

விவாகரத்து
இன்பத்தை பகிhந்துக் கொள்ளத்தானே
இணைகின்றோம் இல்வாழ்க்கையில்!
இதன் பிறகென்ன பிரிவினை
விவாகரத்தென்று..?
இப்படி எண்ணியகாலமும்
இருந்தது என் வாழ்க்கையில்!

அவசியம்தான் விவாகரத்து
என்றுத் தோன்றுகிறது!
அதிகநாள் வாழ்ந்த பிறகு!

அனுபவித்தால்தானே புரிகிறது
அவர் அவருக்கு
தலைவலியும் காய்ச்சலும்!

வேண்டாம் வேண்டாமென்று
வேதனையோடு வாழ்வதைவிட
வெட்டிவிட்டால் தேவலை
என்றுதானே தோன்றுகிறது!

உன்னை மட்டும் சிந்தித்து
உன் சுயநலம் வெற்றிபெற
என்னை அடிமையாக்கினால்
எப்படி ஏற்கும் என் மனம்!

ஓடி ஓடி உழைக்கிறோம்
ஓரே விட்டில் குடியிருக்கிறோம்!
ஒரேபானையில் சமைக்கிறோம்
ஒன்றாகவே உறங்குகிறோம்!

உள்ளம் மட்டும் நொருங்கி
ஒட்டாமல் துண்டு துண்டாய் துடிக்கிறதே..!
எம்வாழ்வில் எதற்கு
இந்த திறந்த சிறை வாழ்க்கை..?

அன்பு அடிமைப் படுத்துவதில்லை
அடிமைப்பட்டுவிடும் அன்புக்கு!
அதுதான் உயிர்நாடி
உண்மையில் இல்வாழ்வில்!

உன் உள்ளத்தில் உள்ள
ஒவ்வொரு அசைவுகளும்
என் உள்ளத்தில் சேரவேண்டும்!

என் உள்ளத்தின்
அசைவுகள் எல்லாமே
உன் உள்ளம் சேரவேண்டும்!

ஒழிவு மறைவு இல்லா
இந்த உள்ளங்களிரண்டில்
அன்பு ஒளி வீசவேண்டும்!
இல்லையேல் இப்படி ஒரு வாழ்க்கை
எனக்கு வேண்டும் விவாகரத்து!

**சிவா** · **சிவா** Thu 14 Jan 2010 - 16:21

இவ்வுலக வாழ்க்கையில் எனக்கு இதுவரை புரியாத புதிர்:

பெரும்பாலான குடும்பங்களில், கணவனுக்கு மற்ற அனைவரையும் பிடிக்கும் தன் மனைவியைத் தவிர!!!

அதுபோல் மனைவிக்கும் மற்ற அனைவரையும் பிடிக்கும் தன் கணவனைத் தவிர!!!

கணவன், மனைவிக்கிடையே இவ்வாறு இடைவெளியை ஏற்படுத்துவது எது? தெரிந்தவர்கள் விளக்கவும். (நீங்கள் சொல்வதுபோல் இங்கு யாருமில்லை, அனைவரும் ஒற்றுமையாகத் தான் இருக்கிறார்கள் என தத்துவம் பேச வேண்டாம்)

ramesh.vait · ramesh.vait Thu 14 Jan 2010 - 16:27

சிவா wrote:பெரும்பாலான குடும்பங்களில், கணவனுக்கு மற்ற அனைவரையும் பிடிக்கும் தன் மனைவியைத் தவிர!!!

அதுபோல் மனைவிக்கும் மற்ற அனைவரையும் பிடிக்கும் தன் கணவனைத் தவிர!!!

கணவன், மனைவிக்கிடையே இவ்வாறு இடைவெளியை ஏற்படுத்துவது எது? தெரிந்தவர்கள் விளக்கவும். )

உங்களுடைய கருத்து மிகவும் ஆழமான கருத்து… இதுதான் வாழ்க்கையில் பிரச்சினை எல்லாருக்கும்...

Aha · Aha Thu 14 Jan 2010 - 16:50

ஒருவருக்குஒருவர் விட்டு கொடுத்தால் ஏது விவாகரத்து

**சிவா** · **சிவா** Thu 14 Jan 2010 - 17:14

Aha wrote:ஒருவருக்குஒருவர் விட்டு கொடுத்தால் ஏது விவாகரத்து

அங்குதானே போட்டியே!!!

யாருக்கு யார் விட்டுக் கொடுப்பது என்று?

Aha · Aha Thu 14 Jan 2010 - 17:16

உண்மையான காதல் இருந்தால் போட்டியே வராது

**சிவா** · **சிவா** Thu 14 Jan 2010 - 17:21

காதலுக்கும் ஓர் எல்லையுண்டு!!!

திருமணத்திற்குப் பின் காதல் வலுவிழந்துவிடுகிறது!

Sponsored content · Sponsored content

விவாகரத்து

விவாகரத்து

Re: விவாகரத்து

Re: விவாகரத்து

Re: விவாகரத்து

Re: விவாகரத்து

Re: விவாகரத்து

Re: விவாகரத்து

Re: விவாகரத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக