ஓம் நமோ ஸ்ரீமந் நாராயணாய .. தெரிந்ததும் தெரியாததும் !!

ஓம் நமோ ஸ்ரீமந் நாராயணாய

தெரிந்ததும் தெரியாததும் !!

1.ஒரு நாள் முழுவதும் விநாயகருக்கு சாற்றிய அருகம் புல் மாலையை மறுநாள் கோவிலுக்கு இயன்ற காணிக்கையை உண்டியலில் செலுத்திய பின்பு கோவில் அர்ச்சகரிடம் சொல்லி திரும்ப பெற்று அதை உதிர்த்து நன்றாக காய வைக்கவும்.

இப்படி காய்ந்த அருகம்புல்லை நன்கு பிடித்து வியாழன் ,பௌர்ணமி அம்மாவசை அன்று சாம்பிராணியுடன் சேர்த்து தூபம் போட வீட்டில் தீய சக்திகள் இருந்தால் அவை விலகி ஓடும்.இதை வியாபார இடத்திலும் செய்யலாம் .

2.தொட்டால்சிணுங்கி ,முடக்கத்தான் ,துளசி ,வில்வம்,கத்தாழை போன்ற செடிகள் வீட்டில் வளர்த்தால் கண் படுதல்,ஏவல் ,சூன்யம் ,வினைகள் போன்ற தீய சக்திகள் எளிதில் வீட்டிற்குள் வராது .

3.வீட்டில் விக்கிரகங்கள் வைத்து வழிபாடு செய்பவர்கள் கறவை பசும் பால் ,தேங்காய் நீர் ,அரைத்த சந்தானம் கொண்டு அபிஷேகம் செய்ய வேண்டும் .

மனிதனின் கை கால்கள் படாத நீரில் அல்லது பழசாறு இவைகளிலும் செய்யலாம் .

இவைகள் இல்லை என்றால் செய்யாமல் இருங்கள் .

வீட்டில் உள்ள விக்கிரகங்களுக்கு சக்தியூட்ட நாட்டு மருந்து கடையில் கிடைக்கும் தேன் மெழுகை வாங்கி விக்கிரகங்களின் அடியில் சிறிது தேன் மெழுகை ஒட்டிவைத்து விட்டால் அந்த விக்கிரகங்களுக்கு சக்தி வந்துவிடும்.

4.மயில் தோகையினை சில எண்ணிக்கை மட்டும் வீட்டில் வைத்து இருப்பது முருகனின் ஆசிகள் கிடைக்க செய்வதுடன் பணதட்டுபாடு வரவிடாமல் செய்யும் .குறிப்பாக இரு கண் உள்ள மயில்தோகையினை வத்திருப்பது மிகச்சிறப்பு.

5.கோவிலகளில் அபிஷேகத்திற்கு கறவை பசும் பால் மட்டும் வழங்கவேண்டும்
(பதப்பட்ட பாக்கெட் பால் வேண்டாம் ),அல்லது இளநீரை தரவேண்டும் .

இவைகள் உங்கள் சந்ததியர் அனைவரின் பாபத்தையும் ,சாபத்தை போக்கும் வல்லமை உடையது .

6.வெள்ளை மிளகு ,கடுகு ,காய்ந்த வில்வ இலைகள் ,நாய் கடுகு (மிளகு )பால்சாம்பிராணி ,கடுக்காய் ,காய்ந்த வேப்பஇலைகள் ,
ஓமம் ,தான்றி காய் ,காய்ந்த மருதாணி இலை,மஞ்சள் இவைகளை நன்றாக கலந்து அம்மாவசை ,பௌர்ணமி ,
வெள்ளிகிழமை போன்ற நாட்களில் தூபம் போடுவது சகல
நன்மைகளை தரும்.குல சாமிகளின் ஆசிகள் கிடைக்க செய்யும் .(இவை அனைத்தும் நாட்டு மருந்து கடைகளில் கிடைக்கும் )

7.எந்த ஒரு நல்ல காரியம் துவங்க வீட்டிலிருந்த வெளியில் செல்லும் பொழுது வீடு அருகில் உள்ள விநாயகருக்கு ஒரு தேங்காய் உடைப்பதும் ,பசுவிற்கு வாழை பழம் தருவதும் துவங்கும் காரியம் நல்ல முறையில் வெற்றியடைய செய்யும்.

8.கொப்பரை தேங்காயை துண்டுகளாகி நன்கு காயவைத்து பொடித்து சாம்பிராணியுடன் அதை தூபமாக பெருமாளுக்கும்,
கருப்பசாமிக்கும் காண்பித்தால் பெருமாளும் கருப்பு சாமியும் நம் குலத்தை காப்பார்.

9.சனிக்கிழமை நாளில் தனியாக உள்ள கோவில்களில் உள்ள 9 (ஒன்பது) லிங்க மூர்த்திகளை தரிசனம் செய்தால் சனிதேவரின் ஆசிகள் கிடைக்க செய்து,ஆயுள்
தோஷம் நீங்கி ஆரோக்கியம் ஏற்படும் .

10.பசு நெய்யை செப்பு பத்திரத்தில்(தாமிரம் ) நிறைத்து கோவிலுக்கு தர்மம் செய்தால் வம்ச சாபம் விலக வழிகளை தெரிய படுத்தும் .

ஜெய் ஸ்ரீராம்

ஸர்வம் கிருஷ்ணார்பணமஸ்து....