சித்திர கவிகளில் சுழி குளம்

**T.N.Balasubramanian** · **T.N.Balasubramanian** Thu Mar 11, 2021 6:17 pm

சித்திர கவி
சித்திர கவிகளில் சுழி குளம் இன்னொரு வகையாகும்.சுழி குளம் எவ்வெட்டெழுத்துக் கொண்ட நான்கு அடிச் செய்யுளாய், மேலிருந்து கீழேயும், கீழிருந்து மேலேறியும் புறம் சென்றும் முடியும்படி படிக்கத் தக்க வகையில் பாடப்படுவதாகும்.

இதற்கு எடுத்துக்காட்டாக பரிதிமால் கலைஞர் தரும் செய்யுள் இது:-

“கவிமுதி யார்பாவே
விலையரு மாநற்பா
முயல்வ துறுநர்
திருவழிந்து மாயா”

இந்தச் செய்யுளின் பொருள்:-
கவி முதியார் பாவே – செய்யுள் இயற்றுவதில் முதிர்ச்சி அடைந்தவர் பாடல்களே விலை அருமை மா நன்மை பா – விலை மதித்தற்கு அரிய பெருமை வாய்ந்த நல்ல பாடல்களாகும்;
முயல்வது உறுநர் – முயற்சி செய்வதில் நன்கு பொருந்தினவர் தம்
திரு அழிந்து மாயா – செல்வம் சிதைந்து தொலையா

இதை சித்திரத்தில் அமைத்தால் வருவதை கீழே காணலாம்.

picture is given at the top.
சித்திர கவிகளில் சுழி குளம் Suzi-kulam-1

சித்திர கவிகளில் சுழி குளம் Suzi-kulam-1

அடுத்து இன்னொரு பாடல்:

“மதந விராகா வாமா
தநத சகாவே நீவா
நததந தாதா வேகா
விசந விரோதா காரா”

இந்தச் செய்யுளின் பொருள்:-
மதந விராகா – மன்மதன் மீது விருப்பம் இல்லாதவனே!
வாமா – ஒளியை உடையவனே!
தநத சகாவே – குபேரனுக்குத் தோழனே!
நத் அதந தாதா – மேகத்தினு அதிகமான கொடையாளியே!
விசந விரோதா காரா – துக்கத்தைச் செய்யும் விரோதமான விஷமாகிய உணவினை உடையவனே! (இதன் இன்னொரு பொருள்- விசனத்திற்கு விரோதமான அதாவது விசனத்தைப் போக்கும் ஸ்வரூபத்தை உடையவனே!)
நீ வா கா – நீ பிரத்தியக்ஷமாகத் தரிசனம் தந்து எம்மைக் காப்பாற்றுவாயாக!

நன்றி நாகராஜன் அவர்கள் கட்டுரையாளர்

**T.N.Balasubramanian** · **T.N.Balasubramanian** Thu Mar 11, 2021 6:21 pm

நம் தமிழுக்கு ஈடு இணை உண்டோ?
நாம் பேண தவறிவிட்டோம் என்றே தோன்றுகிறது . சோகம்

**T.N.Balasubramanian** · **T.N.Balasubramanian** Tue Jul 13, 2021 3:56 pm

சிறு வயதில் நாம் பெரிய புலவராக எண்ணிக்கொண்டு சொன்னதெல்லாம்

சி வா ஜி
வா யி லே
ஜி லே பி

**சிவா** · **சிவா** Tue Jul 13, 2021 4:11 pm

ஆயுட்காலம் முழுதும் தமிழ் படித்தாலும் திகட்டாத தேனமுதாகத்தான் இருக்கிறது..

நாம் அறியா பொக்கிஷங்கள் தமிழில் எவ்வளவு தான் உள்ளது...

பகிர்வுக்கு நன்றி தலைவரே...

இ.யுவராஜ் · இ.யுவராஜ் Fri Aug 13, 2021 6:29 pm

சாமி. தனப்பால் அவர்களும் சுழிகுளக் கவிதைகளில் சிறந்த விளங்கியவரே

**T.N.Balasubramanian** · **T.N.Balasubramanian** Fri Aug 13, 2021 9:22 pm

இ.யுவராஜ் wrote:சாமி. தனப்பால் அவர்களும் சுழிகுளக் கவிதைகளில் சிறந்த விளங்கியவரே

மேற்கோள் செய்த பதிவு: 1349895

வருக புதியவரே யுவராஜ் அவர்களே. :நல்வரவு:

சாமி.தனபால் அவர்களின் சுழிகுளக் கவிதைகள் கிடைத்தால் பதிவிடவும்.

உங்களை அறிமுகப்பகுதிக்கு சென்று அறிமுகப்படுத்திக்கொள்ளவும்.

இ.யுவராஜ் · இ.யுவராஜ் Fri Aug 13, 2021 9:28 pm

இந்த தளம் எவ்வாறு பயன்படுத்துவது...

நிச்சயமாக சாமி.தனப்பால் அவர்களின் கவிதைகள் கிடைக்க பெற்றால் பகிர்கிறேன்

**T.N.Balasubramanian** · **T.N.Balasubramanian** Fri Aug 13, 2021 9:43 pm

இ.யுவராஜ் wrote:இந்த தளம் எவ்வாறு பயன்படுத்துவது...

நிச்சயமாக சாமி.தனப்பால் அவர்களின் கவிதைகள் கிடைக்க பெற்றால் பகிர்கிறேன்

மேற்கோள் செய்த பதிவு: 1349907

நீங்கள்தான் பயன்படுத்திக்கொண்டு இருக்கிறீர்களே!

Sponsored content · Sponsored content

சித்திர கவிகளில் சுழி குளம்

சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

Re: சித்திர கவிகளில் சுழி குளம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக