மலரும் பொங்கல்! மகிழும் பொங்கல்!

**ரிபாஸ்** · **ரிபாஸ்** Thu Jan 14, 2010 2:13 pm

மலரும் பொங்கல்! மகிழும் பொங்கல்!

மங்களம் மலரும் பொங்கல் மனம் மகிழும் பொங்கல்
இனிக்கின்ற செங்கரும்பாய் பிறக்கின்ற தைப்பொங்கல்
தமிழர்கள் போற்றி மகிழும் கதிரவனின் தைப்பொங்கல்
ஆனந்தம் பொங்கி மகிழும் ஆதவனக்கோர் இனிய பொங்கல்

புத்தம் புதிதாய் இல்லங்கள் மெருகேறி காட்சிதரும்
பல வர்ணக் கோலமிட்டு இல்லமெல்லாம் விழாக்கோலம்
ஆதவனை வரவேற்க புன்னகையோடு காத்திருப்போம்
மகிழ்ச்சியை பகிர்ந்து கொள்ள பகலவனுக்கு பொங்கிடுவோம்

வீட்டை அலங்கரிக்க பல காரியங்கள் செய்திடுவோம்
வாழை மாவிலை தோரணம் இல்லத்தை அலங்கரிக்கும்
கரும்பு மஞ்சள் சர்க்கரை இன்பத்தை எமக்களிக்கும்
பானையில் அரிசியிட்டு சூரியனுக்காக பொங்கிடுவோம்

பழையன கழிதலும் புதியன புகுதலுமாய் போகிப் பண்டிகை
உழவுத் தொழிலுக்கு நன்றி கூறும் சூரியப் பொங்கல்
கால் நடைகளுக்கு நன்றி கூறும் மாட்டுப் பொங்கல்
வீரத்தைக் காட்டும் ஜல்லிக்கட்டுக்கும் ஓர் பொங்கல்

இயற்கையை பசுமையாக்கும் உழவரின் வாழ்வில் பசுமை வேண்டும்
காயும் கனியும் கிழங்கும் நிலத்தில் வளர கதிரவன் ஒளி வேண்டும்
உழவுக்கும் உழவருக்கும் உழைப்புக்கும் மதிப்பை வழங்கிடல் வேண்டும்
விளையும் பொருட்கள் மேன்மைபெற சூரியனை வழிபடல் வேண்டும்

ஆதவனை நாம் வணங்குவோம் ஆனந்தமாக நாம் இருப்போம்
ஒற்றுமையாய் நாம் இருப்போம் ஓரணியில் தமிழ் வளர்ப்போம்
மனிதநேயம் மலரச் செய்வோம் ஒழுக்கம் வாய்மை உயிர் என்போம்
ஆழமான அன்பே தெய்வீகமாகும் ஆன்மாவின்
ஒளி ஆதவனுக்கு பொங்குவோம்

மலரும் பொங்கல்! மகிழும் பொங்கல்!

மலரும் பொங்கல்! மகிழும் பொங்கல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக