தல அஜித்தான் உலகம் என்று வாழ்ந்து வந்த ரசிகர் தற்கொலை

-
தமிழ் சினிமாவில் முன்னனி நடிகர் தல அஜீத்குமாருக்கு ஏராளமான ரசிகர்கள் இருக்கிறார்கள்..கடந்த சில நாட்களாக அஜித் நடித்து வரும் 'வலிமை' படத்தின் அப்டேட் கேட்டு அடிக்கடி சமூகவலை தளங்களிலும் ட்ரெண்டிங்கில் இருப்பவர் அஜித் குமார்.

இந்நிலையில் அஜித்தின் தீவிர ரசிகர் என்று கூறப்படும் பிரகாஷ் என்ற இளைஞர் தற்கொலை செய்துக் கொண்டு உயிரிழந்திருப்பது பிற ரசிகர்களிடையே பெரும் சோகத்தை ஏற்படுத்தியுள்ளது.. அவர் அஜித்தின் பெயரையும் அவர் நடித்த படத்தில் பேசிய டயலாக்குகளையும் உடல் முழுவதும் பச்சை குத்தியுள்ளார்.

இதன் மூலம் பிரகாஷ் அஜித்தை எந்த அளவுக்கு நேசித்துள்ளார் என்பது தெரியவருகிறது. இவர் பச்சை குத்திய புகைப்படங்கள் சமூக வலைதங்களில் ட்ரெண்ட் ஆகி வருகிறது.

பிரகாஷ் தனது உடலில் பல இடங்களில் பச்சை குத்தி இருக்கிறார்..தனது கைகளில் ஒவ்வொரு விரல்களிலும் 'அஜித்' என்றும் மற்றொரு கையில் அஜித்தின் பிறந்தநாள் தேதியையும் பச்சைகுத்தியுள்ளார். தனது முதுகில், 'அண்ணன் அஜித்குமார்' என்றும் அவரது நெஞ்சில் 'my god Ajith தல' என்றும் பச்சை குத்தி இருக்கிறார்..

இது மட்டும் இல்லாமல் தனது நெற்றியின் ஓரத்தில் 'தல' என்றும் பச்சைகுத்தி இருக்கிறார்..இவர் இன்று தற்கொலை செய்து கொண்ட காரணத்தினால், இந்த புகைப்படங்கள் அனைத்தும் ட்விட்டரில் அஜித் ரசிகர்களால் பகிரப்பட்டு வருகிறது.

அதுமட்டுமின்றி இவரது வீட்டு பூஜை அறையில், சாமி படங்களுக்கு அருகில் 'விஸ்வாசம்' படத்தில் அஜித் இருக்கும் புகைப்படங்கள் ஒட்டப்பட்டிருந்த புகைப்படங்கள் சமுக வலைதளங்கள் வைரலாகி வருகிறது. மேலும் பிரகாஷ் பிரபலமான தொலைக்காட்சி நிகழ்ச்சியில் பங்கேற்று, அதில் தனது உடலில் எப்படி பச்சை குத்தினார் என்பதை விளக்கிய வீடியோ க்ளிப்பும் சமூக வலைதங்களில் அஜித் ரசிகர்களால் பகிரப்பட்டு வருகிறது.

பிரகாஷ் ஏன் தற்கொலை முடிவை எடுத்தார் எனத் தெரியவில்லை.. பலரும் இவருக்கு இரங்கல் தெரிவித்து வருகிறார்கள். மேலும் அருகில் வசிப்பவர்கள் பிரகாஷின் குடும்பத்திற்கு அனைத்து உதவிகளையும் செய்யுமாறும் கேட்டுக்கொண்டு வருகிறார்கள்.

தமிழ் சமயம் செய்திகள்