மலேஷியாவில் புதிய பிரதமர் பதவியேற்பு

இளவரசன் · இளவரசன் Sat Apr 04, 2009 12:51 pm

மலேஷியாவின் புதிய பிரதமராக நஜீப் ரஸாக் பதவிப் பிரமாணம் செய்துகொண்டுள்ளார்.

மலேஷிய நாடும் அதன் ஆளும் கட்சியும் மிகப் பெரும் சவால்களை எதிர்நோக்கும் இந்த நேரத்தில் புதிய ஆட்சித் தலைவராக ரஸாக் பொறுப்பேற்கிறார்.

மலேஷியாவின் பொருளாதாரம் இவ்வாண்டு சுருக்கம் அடையும் என்று எதிர்பார்க்கப்படுகிறது.

ரஸாக் இப்போது வழிநடத்தும் ஐக்கிய மலாய் கட்சி நாடாளுமன்றத்தில் தனது மூன்றில் இரண்டு பெரும்பான்மை பலத்தை கடந்த ஆண்டில் இழந்தது.

இதன் விளைவாக அப்போதைய பிரதமர் அப்துல்லா பதாவி ராஜினாமா செய்து வெளியேற நேரிட்டது.

புதிய பிரதமர் ரஸாக்கின் மீது ஊழல் குற்றச்சாட்டுகள் பலவும் எழுப்பப்பட்டுள்ளன. ஆனால் அவர் அக்குற்றச்சாட்டுகளை மறுத்துள்ளார்.

**சிவா** · **சிவா** Sun Apr 05, 2009 1:00 am

அப்துல்லா, ஆறாண்டுகள் ஆட்சியிலிருந்த பின்னர் பதவி விலகினார்.அது குறிப்பிடத்தக்க ஆட்சி என்று சொல்வதற்கில்லை.பதவி ஏற்றதும், சீரமைப்பு செய்யபோவதாகவும் ஊழலை ஒழிக்கப்போவதாகவும் அவர் சொன்னார்.

ஆனால் சொன்னதைச் செய்யவில்லை என்பதால் பொதுத்தேர்தலில் அப்துல்லா தலைமையில் இயங்கிய பாரிசான் நேசனலுக்கு மிகப் பெரிய பின்னடைவு ஏற்பட்டது. அப்துல்லா ஒரு பலவீனமான தலைவராகவே கருதப்பட்டு வந்தார்.

கடந்த வார அம்னோ பொதுப்பேரவையில் நஜிப், கட்சித் தலைவர் ஆனார்.

அம்னோ தலைவராக இருப்பவரே பிரதமராகும் நாட்டின் அரசியல் வழமைப்படி இப்போது பிரதமராகியுள்ளார்.

மலேஷியாவில் புதிய பிரதமர் பதவியேற்பு Najib

மலேஷியாவில் புதிய பிரதமர் பதவியேற்பு Najib

55 வயதான நஜிப், நாட்டின் பல இன மக்களிடையே ஒற்றுமையை ஏற்படுத்துவதற்கு கவனம் செலுத்தப் போவதாய்க் கூறியுள்ளார்.

உலகப் பொருளாதார நெருக்கடியின் தாக்கத்திலிருந்து நாட்டைப் பாதுகாக்கும் பொறுப்பும் அவரை எதிர்நோக்குகிறது.அந்நெருக்கடியின் விளைவாக இவ்வாண்டில் இதுவரை 26,000 பேர் வேலை இழந்துள்ளனர்.

நிதி அமைச்சருமான நஜிப், ரிம 60 பில்லியன் பொருளாதார ஊகுவிப்புத் திட்டமொன்றை அண்மையில் அறிவித்தார்.இவ்வளவு பெரிய தொகை செலவிடப்பட்டாலும் இவ்வாண்டில் பொருளாதாரம் ஒரு விழுக்காடு சுருங்கும் என்று எச்சரிக்கப்பட்டுள்ளது.

இந்தப் பிரச்னைகளைத் தீர்ப்பதற்கு முன்,எதிரணியினர் குற்றம் சுமத்தியுள்ளதுபோல் 2006 இல் மங்கோலியப் பெண் கொல்லப்பட்ட சம்பவத்தில் தமக்குத் தொடர்பில்லை என்பதை அவர் தெளிவுபடுத்த வேண்டும்.

ஊழல் பற்றிய குற்றச்சாட்டுகளை எல்லாம் அவர் வன்மையாக மறுத்துள்ளார்.தமது நிர்வாகம், எதிர்ப்பாளர்களிடம், உள்நாட்டுப் பாதுகாப்புச் சட்டத்தின்கீழ் வைப்பது உள்பட,கடுமையான போக்கை கடைப்பிடிக்கும் என்பதை அவர் கோடிகாட்டியுள்ளார்.

இழந்த ஆதரவை மீட்பதற்காக “எல்லா மக்களின் குரலுக்கும் மதிப்புக் கொடுக்கும் அரசாங்கத்தை உருவாக்கப்போவதாக” நஜிப் உறுதிகூறியுள்ளார்.

மலேஷியாவில் புதிய பிரதமர் பதவியேற்பு

மலேஷியாவில் புதிய பிரதமர் பதவியேற்பு

Re: மலேஷியாவில் புதிய பிரதமர் பதவியேற்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக