எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

**ayyasamy ram** · **ayyasamy ram** Sat Feb 20, 2021 7:09 am

இந்தியாவில் பெட்ரோல் மற்றும் டீசல் விலை கடுமையாக உயர்ந்து கொண்டிருப்பது வாகன ஓட்டிகளுக்கு அதிர்ச்சியை ஏற்படுத்தியுள்ளது.

இருப்பினும் இதனை கண்டு கொள்ளாமல் மத்திய அரசு தினமும் பெட்ரோல் மற்றும் டீசல் விலையை உயர்த்திக் கொண்டே வருவதால் காய்கறிகள், மளிகை பொருட்கள் உட்பட அத்தியாவசிய பொருட்களின் விலை உயர்ந்து கொண்டே வருகிறது.

இந்நிலையில் இன்று பெட்ரோல் விலை 27 காசுகளும் டீசல் விலை 32 காசுகள் உயர்ந்து உள்ளன. அதாவது பெட்ரோல் விலையை விட டீசல் விலை 5 காசுகள் அதிகமாக உயர்ந்துள்ளது என்பது குறிப்பிடத்தக்கது.

சென்னையில் நேற்று பெட்ரோல், லிட்டர் 91.98 ரூபாய் என விற்பனை செய்யப்பட்டு வந்த நிலையில் இன்று பெட்ரோல் விலை 27 காசுகள் உயர்ந்து, லிட்டருக்கு 91.98 ரூபாய் என விற்பனையாகிறது.

அதேபோல், சென்னையில் நேற்று டீசல் லிட்டர் 85.31 ரூபாய்க்கு விற்பனை செய்யப்பட்ட நிலையில், இன்று டீசல் விலை 32 காசுகள் உயர்ந்து, லிட்டருக்கு 85.63 ரூபாய் என விற்பனையாகி வருகிறது.

எனவே, டீசல் விலை உயர்வை கட்டுப்படுத்த வேண்டும், டீசல் மீதான மாநில அரசின் வரியை நீக்க வேண்டும் என்பன உள்ளிட்ட கோரிக்கைகளை வலியுறுத்தி, தென்னிந்திய லாரி உரிமையாளர்கள் இம்மாதம் 26 ஆம் தேதி ஒரு நாள் அடையாள வேலைநிறுத்தப் போராட்டமும், மார்ச் 15 ஆம் தேதி முதல் காலவரையற்ற வேலைநிறுத்த போராட்டத்தையும் அறிவித்துள்ளனர்.

வெப்துனியா

**T.N.Balasubramanian** · **T.N.Balasubramanian** Sat Feb 20, 2021 2:53 pm

மத்திய+ மாநில வரிகள் குறைக்கப்படவேண்டும்.
தேர்தலுக்கு முன் குறையுமென நம்புகிறேன்.

Guest · Guest Sat Feb 20, 2021 8:18 pm

தேர்தலின் போது குறையும்,அப்புறம் எகிறும்.

சிவனாசான் · சிவனாசான் Sat Feb 20, 2021 8:20 pm

ஆளுங்கட்சிக்கு எதிரானவர்களுக்கு இதுஓர் வேலை . தேர்தல்வரப்போகிறது அப்படித்தான் விலைஏறும். வீட்டு க்கு ஓர் கார் நபருக்கு ஓர் இருசக்கர வாகனம். என்னங்க வசதி ஓனும்னா விலையை
எண்ணம் கொள்ளாமல் மாடல்மாடலாக வண்டிமட்டும்வாங்க பணம்உள்ளது .பெட்ரோல் விலை மட்டும் ஏறக்கூடாது என்னங்க ஞாயம் .வேலை நிறுத்தம் போராட்டம் இதைஎல்லாத்தையும் ஒடுக்கினால்தான் இனி நல்லாட்சிசெய்யமுடியும். இல்லையேல் முடியாது தொழிலற்ற சோம்பேரிகளுக்கு இது ஓர் தொழிலாக கொண்டுசெயல்படுகின்றனர்.

Sponsored content · Sponsored content

எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

Re: எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

Re: எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

Re: எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

Re: எகிறிய டீசல் விலை- மார்ச் 15 முதல் காலவரையற்ற வேலைநிறுத்தம் அறிவிப்பு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக