கவர்னர் கிரண்பெடி திடீர் நீக்கம்

**ayyasamy ram** · **ayyasamy ram** Wed Feb 17, 2021 6:24 am

புதுச்சேரி,
பரபரப்பான அரசியல் சூழ்நிலையில் புதுச்சேரி கவர்னர் கிரண்பெடி திடீரென நீக்கம் செய்யப்பட்டார். தமிழிசை சவுந்தரராஜனுக்கு கூடுதல் பொறுப்பு வழங்கப்பட்டுள்ளது.

மோதல் போக்கு

புதுச்சேரி மாநிலத்தில் கடந்த 2016-ம் ஆண்டு நடைபெற்ற சட்டமன்ற தேர்தலில் காங்கிரஸ்-தி.மு.க. கூட்டணி கட்சி பெரும்பான்மை இடத்தை பெற்று ஆட்சியை பிடித்தது.

இதையொட்டி புதுவை மாநில கவர்னராக கடந்த 2016-ம் ஆண்டு மே மாதம் 19-ந் தேதி கிரண்பெடி நியமிக்கப்பட்டார். கவர்னராக பொறுப்பேற்ற உடன் அமைச்சரவைக்கு தெரிவிக்காமல் அதிகாரிகளை அழைத்து ஆலோசனை நடத்தினார்.இதையடுத்து ஆட்சியாளர்களுக்கும், கவர்னர் கிரண்பெடிக்கும் இடையே மோதல் போக்கு நீடித்து வந்தது. இந்தநிலையில் அரசு அனுப்பும் கோப்பிற்கு கவர்னர் கிரண்பெடி அனுமதி தராமல் தேவையில்லாத கேள்விகளை கேட்டு திருப்பி அனுப்புவதால் மக்கள் நலத்திட்டங்கள் பாதிக்கப்படுவதாக ஆட்சியாளர்கள் தரப்பில் குற்றம் சாட்டப்பட்டது. மாநில வளர்ச்சிக்கு கவர்னர் கிரண்பெடி தொடர்ந்து தடையாக இருந்து வருவதாகவும் முதல்-அமைச்சர், அமைச்சர்கள் குற்றம் சாட்டி வந்தனர்.

பா.ஜ.க.வினர் எதிர்ப்பு

இதையொட்டி கிரண்பெடியை கண்டித்து கடந்த 2019-ம் ஆண்டு கவர்னர் மாளிகை முன்பு முதல்-அமைச்சர், அமைச்சர்கள், எம்.எல்.ஏ.க்கள் போராட்டம் நடத்தினர். இருப்பினும் மோதல் போக்கு தொடர்ந்து வந்தது.

சமீபத்தில் புதிய மோட்டார் வாகன சட்டம் அமல், ஹெல்மெட் விவகாரத்தில் கவர்னர் கெடுபிடி காட்டியதால் புதுவை மாநில பா.ஜ.க.வினரிடம் கூட கவர்னர் கிரண்பெடிக்கு எதிர்ப்பு கிளம்பியது.

கவர்னர் கிரண்பெடியை சந்தித்து இலவச அரிசி திட்டத்தை செயல்படுத்த வேண்டும், ஹெல்மெட் விவகாரத்தில் பொதுமக்கள் பாதிக்கப்படுவதால் அதனை திரும்ப பெற வேண்டும் என்று பா.ஜ.க.வினர் நேரில் வலியுறுத்தினர். இது தொடர்பாக மத்திய அரசுக்கு கடிதமும் எழுதினர்.

ஆனால் இதில் இருந்து கவர்னர் பின்வாங்கவில்லை.

ஜனாதிபதியிடம் மனு

இந்தநிலையில் கடந்த 10-ந் தேதி டெல்லியில் ஜனாதிபதி ராம்நாத் கோவிந்தை சந்தித்து கவர்னர் கிரண்பெடி மீது பல்வேறு புகார்களை தெரிவித்து அவரை திரும்ப பெறக் கோரி முதல்-அமைச்சர் நாராயணசாமி மனு கொடுத்தார்.
இதற்கிடையே புதுச்சேரி மாநிலத்தில் ஆளும் காங்கிரஸ் அரசின் எம்.எல்.ஏ.க்கள் மற்றும் அமைச்சர்கள் பதவியில் இருந்து விலகியதால் அரசுக்கு நெருக்கடி ஏற்பட்டது.

திரும்ப பெறப்பட்டார்

இந்த நிலையில் நேற்று கவர்னர் கிரண்பெடியை திரும்ப பெற ஜனாதிபதி ராம்நாத் கோவிந்த் உத்தரவிட்டு உள்ளார். அவருக்கு பதிலாக புதுச்சேரி மாநிலத்துக்கு புதிய கவர்னர் நியமிக்கப்படும் வரை புதுச்சேரி மாநில கவர்னர் பொறுப்பை தெலுங்கானா மாநில கவர்னர் டாக்டர் தமிழிசை சவுந்தரராஜன் கூடுதலாக கவனிப்பார் என அறிவிக்கப்பட்டு உள்ளது.

புதுவை மாநில அரசியலில் அடுத்தடுத்து அதிரடி மாற்றங்கள் நடந்து வரும் நிலையில் தற்போது கவர்னர் கிரண்பெடி அதிரடியாக நீக்கம் செய்யப்பட்டு இருப்பது மேலும் பரபரப்பை ஏற்படுத்தி உள்ளது.

தினத்தந்தி

**T.N.Balasubramanian** · **T.N.Balasubramanian** Wed Feb 17, 2021 4:03 pm

இன்று ராகுல் காந்தி அங்கே விஜயம்.
அங்கே மீனவர்கள் சமூகத்திடையே உழவர்கள் பிரச்சனையை பற்றி
விரிவாக பேசினார். முதல் மந்திரி (இன்னும் முதல் மந்திரியாக இருக்கிறாரா?)
நாராயணசாமி அவர்கள் மொழிபெயர்த்தார்.
அடுத்த வாரம் 25 தேதி பிரதமர் புதுச்சேரி விஜயம்.

**T.N.Balasubramanian** · **T.N.Balasubramanian** Wed Feb 17, 2021 4:03 pm

இன்று ராகுல் காந்தி அங்கே விஜயம்.
அங்கே மீனவர்கள் சமூகத்திடையே உழவர்கள் பிரச்சனையை பற்றி
விரிவாக பேசினார். முதல் மந்திரி (இன்னும் முதல் மந்திரியாக இருக்கிறாரா?)
நாராயணசாமி அவர்கள் மொழிபெயர்த்தார்.
அடுத்த வாரம் 25 தேதி பிரதமர் புதுச்சேரி விஜயம்.

**T.N.Balasubramanian** · **T.N.Balasubramanian** Wed Feb 17, 2021 5:38 pm

ஆளுநராக அரசியலைமைப்பின்படி அப்பழுக்கற்ற வகையில் பணியாற்றினேன்... அனைவருக்கும் நன்றி - கிரண் பேடி
கிரண் பேடி டுவிட்டரில் வெளியிட்ட அறிக்கையில் கூறியுள்ளதாவது:- எனக்கு துணைநிலை ஆளுநர் பதவி அளித்து பணியாற்ற வாய்ப்பு அளித்த மத்திய அரசுக்கு நன்றி தெரிவித்து கொள்கிறேன். என்னுடன் இணைந்து பணியாற்றிய அனைவருக்கும் நன்றி தெரிவித்து கொள்கிறேன். புதுச்சேரி மக்களின் கையில்தான் உள்ளது புதுச்சேரி மாநில துணை ஆளுநராக அரசியல் அமைப்பு சட்டத்திற்கு உட்பட்டு அப்பழுக்கற்ற வகையில் பணியாற்றினேன் . புதுச்சேரிக்கு சிறந்த எதிர்காலம் உள்ளது. அது புதுச்சேரி மக்களின் கையில்தான் உள்ளது. புதுச்சேரி மக்களுக்கும், அனைத்து அரசு அலுவலர்களுக்கும் நன்றி. வளமான புதுச்சேரி என்று கிரண் பேடி டுவிட்டரில் கூறியுள்ளார்.

ஆளுநர் /துணை ஆளுநர் இவர்கள் எல்லாம் (constitutional authorities ) வரையறுக்கப்பட்ட அரசியலமைப்பு உட்பட்ட அதிகாரங்கள் அவர்களுக்கு உண்டு..பேடி அவர்கள் ரூல் புக்கைப் பார்த்து எதிர்ப்புகள் தெரிவித்து இருப்பாரோ? ஜன ரஞ்சகமான திட்டங்களுக்கு எதிர்ப்பு தெரிவித்து இருக்கலாம்.உதாரணமாக இலவச திட்டங்கள்
உரிய மனிதர்களுக்கு சென்றடைய வங்கி கணக்குகளில் சலுகைகள் அடைவது
சரியான ஒன்றே.(ஆனால் அரிசியை எப்பிடி கொடுக்கமுடியும்?)

constitutional authority முழுமையாக கடைபிடித்து பாமரமக்களிடம் சபாஷ் பெற்றவர்
TN SESHAN ஒருவர் மட்டுமே. இன்றைய தேர்தல் கமிஷன் கம்பீரமாக நின்று முடிவுகள் எடுப்பதற்கு சேஷன் மட்டுமே காரணம்.
(உன் வாலை என்னிடம் காட்டாதே -என்று கடிவாளம் போட்ட முதல்வரும் ஒருவர் இருந்தார்.)

Sponsored content · Sponsored content

கவர்னர் கிரண்பெடி திடீர் நீக்கம்

கவர்னர் கிரண்பெடி திடீர் நீக்கம்

Re: கவர்னர் கிரண்பெடி திடீர் நீக்கம்

Re: கவர்னர் கிரண்பெடி திடீர் நீக்கம்

Re: கவர்னர் கிரண்பெடி திடீர் நீக்கம்

Re: கவர்னர் கிரண்பெடி திடீர் நீக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக