சக்ரா விமர்சனம்

-

டிஜிட்டல் உலகில் நம்மையே அறியாமல் திருடப்படும்
நம்முடைய தனிப்பட்ட தகவல்களை எந்த அளவுக்கு
ஆபத்தானதாக பயன்படுத்த முடியும் என்பதே சக்ராவின்
ஒன்லைன்.

வழக்கமான மிடுக்கான மிலிட்டரியில் வேலை பார்க்கும்
கதாநாயகனாக வருகிறார் விஷால். அவருக்கு ஜோடியாக
காவல்துறை உயர் பொறுப்பில் இருக்கும் ஷ்ரத்தா ஸ்ரீநாத்.

ஒரு தொடர் திருட்டு சம்பவத்தை விசாரிக்க விஷாலின்
உதவியை நாடுகிறார் ஷ்ரத்தா. விஷாலும் அந்த திருட்டு
சம்பவத்தில் நேரடியாக பாதிக்கப்பட்டிருந்ததால் உதவ
முன்வருகிறார்.

ஆனால் ஷ்ராத்தாவை முழுக்க முழுக்க ஓரம் கட்டிவிட்டு விஷாலே
அனைத்தையும் விசாரித்து முடிக்கிறார். ஷ்ரத்தா சொல்லும் சில
பரிந்துரைகளையும் ஏற்க மறுக்கிறார். வழக்கமாக டான்ஸ்களுக்கு
மட்டும் நடிகைகளை பயன்படுத்தாமல் காவல்துறை அதிகாரி
வேடம் கொடுத்திருக்கிறார்கள் என்று திருப்திப்படுவதற்குள் விஷால்
ஷ்ரத்தாவை கான்ஸ்டபிள் போல நடத்தி மட்டுப்படுத்தி விடுகிறார்.

படத்தில் சிறிய நேரத்தை கூட வீணடிக்காமல் நேரடியாக
கதைக்குள் செல்கிறார்கள். ஆரம்ப காட்சியே திருட்டு, தொடர்ந்து
விசாரணை என விறுவிறுப்பாக கதை நகர்கிறது. ஆனால் துப்புகளை
விஷால் கண்டுபிடிக்கும் விதம் ஸ்கூல் குழந்தைகள் போல உள்ளது.

அது எப்படி என்று ஷ்ரத்தா கேட்பது கூடுதல் வியப்பாக உள்ளது.
வழக்கத்தை விட சக்ரா படத்தில் விஷால் நிறைய அரசியல் பேசுகிறார்.
மேடைகளில் உளறும் அரசியல் தலைவர்களை கிண்டல் செய்யும்
காட்சிகளும் உள்ளன. எம்.பி., எம்.எல்.ஏக்கள் தொகுதி பக்கமே
வருவதில்லை என்ற வசனமும் உள்ளது.
விரைவில் விஷால் முழுநீள அரசியல் படத்தில் நடிப்பார் என்று
எதிர்பார்க்கலாம்.

அப்பாவிகளை பகடையாக்கி பின்னாலிருந்து இயங்கும் வில்லனின்
கதைதான் என்றாலும் வில்லனுக்கு நிறைய எதிர்பார்ப்பை
கூட்டியிருக்கிறார்கள். அந்த கேரக்டருக்கு ஏற்ற வெயிட்டேஜை கூட்ட
வில்லன் நடிகரும் சிறப்பான நடிப்பை வெளிப்படுத்தியிருக்கிறார்

பல நாட்களுக்கு பின் கே.ஆர்.விஜயா சக்ராவில் நடித்திருக்கிறார்.
அவருடைய கதாபாத்திரம் சில நேரமே நீடித்தாலும் நடிப்பு சிறப்பு.
கதை விறுவிறுப்பாக நகர்வதால் இடையிடையே வரும் ரோபோ
ஷங்கரின் காமெடி எடுபடவில்லை.

மொத்தத்தில் ரசிக்கக்கூடிய திரில்லர் திரைப்படமாக சக்ரா
வெளியாகியிருக்கிறது.

-ஆனந்தகுமார்
நியூஸ் 18

ஈகரையில் ஒருவர் மாஸ்டர் படத்திற்கு விமர்சனம் செய்தது போல் இருக்கிறது. எதுவானாலும் பொது இடத்திற்கு வரும்போது நடுநிலையுடன் விமர்சனம் இருக்க வேண்டும்.5 க்கு 2 மதிப்பெணுடன் இருக்கும் படத்துக்கு இவ்வளவு பில்டப்பா?
நேற்றே இணையத்தில் வெளியானது சக்ரா. குஸ்புவுக்கும் நிதிக்கும் கோயில் கட்டும் நாட்டில் நேர்மையான விமர்சனத்தை எதிர்பார்க்கக் கூடாது.
வாழ்த்துகள் ரசிகர்களே!