2வது டோஸ் போடும் பணி தொடங்கிய நிலையில், இதுவரை தடுப்பூசி போட்டு 27 பேர் மரணம்

**ayyasamy ram** · **ayyasamy ram** Mon Feb 15, 2021 5:09 pm

புதுடெல்லி :
மத்திய சுகாதார அமைச்சகம் வெளியிட்ட அறிக்கை:

‘நேற்று மாலை 6 மணி (பிப். 13) வரை 80,52,454 பேருக்கு
1,69,215 முகாம்களில் தடுப்பூசி போடப்பட்டுள்ளது.
இவர்களில் 59,35,275 சுகாதாரப் பணியாளர்கள்
(எச்.சி.டபிள்யூ), 21,17,179 முன்களப்பணியாளர்கள்
(எஃப்.எல்.டபிள்யூ). ஜம்மு-காஷ்மீர், மேற்கு வங்கம், குஜராத்,
ஜார்க்கண்ட், ஆந்திரா, கர்நாடகா, பீகார், உத்தரகண்ட், திரிபுரா,
டெல்லி ஆகியவை இதுவரை அதிக எண்ணிக்கையிலான
தடுப்பூசிகளை போட்டுள்ளன.

தடுப்பூசி போடும் பணி தொடங்கப்பட்டதில் இருந்து இதுவரை
உயிர் இழந்தவர்களின் எண்ணிக்கை 27-ஐ எட்டியுள்ளது. கடந்த
24 மணி நேரத்திற்குள் 3 பேர் இறந்துள்ளனர். இவர்கள் 8 முதல்
9 நாட்களுக்கு முன்பு தடுப்பூசி போட்டிருந்தனர். இதுவரை
உயிரிழந்த 25 பேரின் மரணத்திற்கான காரணம் அறியப்பட்டது.

அவர்களுக்கு வேறு நோய்கள் இருந்ததால் இறந்துள்ளனர்.
தடுப்பூசி போட்டதற்கும், அவர்களது மரணத்துக்கும் எந்த
சம்பந்தமும் இல்லை.

இறந்தவர்கள் பட்டியலில் உள்ள 11 பேர் மருத்துவமனையிலும்,
16 பேரின் மரணங்கள் மருத்துவமனைக்கு வெளியேயும் நடந்தன.
தடுப்பூசி போட்டவர்களில் 34 பேர் பக்கவிளைவுகள் காரணமாக
மருத்துவமனையில் அனுமதிக்கப்பட்டுள்ளனர்.

இவர்களில் 27 பேர் குணமடைந்து தங்கள் வீட்டிற்குச் சென்று
விட்டனர். புதிய கொரோனா நோயாளிகளின் எண்ணிக்கை குறைந்து
வருகிறது. சனிக்கிழமை இரவு வரை 12 ஆயிரத்து 188 பேர்
பாதிக்கப்பட்டுள்ளனர். 88 பேர் இறந்தனர். இதுவரை 1.09 கோடி பேர்
கொரோனாவால் பாதிக்கப்பட்டுள்ளனர்.

இதில் 1.06 கோடி தொற்று பாதிப்பில் இருந்து மீட்கப்பட்டனர்.
1.55 லட்சம் பேர் உயிர் இழந்துள்ளனர். 1.34 லட்சம் நோயாளிகள்
சிகிச்சை பெற்று வருகின்றனர் என்று தெரிவிக்கப்பட்டுள்ளது.
--
தினகரன்

2வது டோஸ் போடும் பணி தொடங்கிய நிலையில், இதுவரை தடுப்பூசி போட்டு 27 பேர் மரணம்

2வது டோஸ் போடும் பணி தொடங்கிய நிலையில், இதுவரை தடுப்பூசி போட்டு 27 பேர் மரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக