Latest topics

40 வயதை தாண்டி விட்டால்…!

ஈகரை தமிழ் களஞ்சியம் :: தகவல் களஞ்சியம் :: கட்டுரைகள் - பொது

Page 1 of 1

40 வயதை தாண்டி விட்டால்…!

Post by ayyasamy ram Mon Feb 15, 2021 8:24 am

‘கண்ணதாசனின் அர்த்தமுள்ள இந்துமதம்’ நுாலிலிருந்து:

நீ, 40 வயதை தாண்டி விட்டால், இதற்கு முன் விளைவித்த
பயிர்களையெல்லாம் அறுவடை செய்ய வேண்டியிருக்கும்.
இந்த பருவமும், உனக்கு இளமைப் பருவமே!

அந்த பருவத்தை சந்தோஷமாக கடக்க, செய்ய வேண்டியவை…

கைகள் இரண்டையும் வீசியபடி முடிந்த வரை, நீண்ட துாரம்
நடத்தல்
வாயுப் பதார்த்தங்களை சாப்பிடாமல் இருத்தல்
கடலை மாவு, கடலை எண்ணெய் ஆகியவற்றை ஒதுக்குதல்
தவறான உறவுகள் கொள்ளாதிருத்தல்
இனம் அறிந்து சேருதல்
இதயத்திற்கு துன்பம் கொடுக்கக் கூடிய தொல்லைகளில்
மாட்டிக்கொள்ளாதிருத்தல்
எதையும் அளவோடு வைத்திருத்தல்.
இப்படி இருந்தால், அவனை பார்க்கிறவர்கள், ‘உங்களுக்கு,
25 வயதா…’ என்று கேட்பர்.

ஆகவே, 40 வயதை, ஒரு எல்லைக் கல் என்று வைத்து,
நீ, வாழ்க்கையை நடத்த வேண்டும். 40 வரையிலே ஒலி எழுப்பும்
வீணைகள், 40க்கு மேலே தான், எதிரொலியை கேட்கத்
துவங்குகின்றன. 40 வயது, ஞானம் பிறக்கும் வயது.

மீண்டும் நானே உதாரணமாகிறேன்,
‘என்ன, நீ பெரிய மேதையா… உன்னையே உதாரணமாக்கிக்
கொண்டு போகிறாய்…’ என்று கேட்கிறீர்களா…

நான், 12 வயதிலிருந்தே உலகத்தை பார்த்திருக்கிறேன்.
ஆகவே, நான் அறிவியல் மேதை இல்லை என்றாலும்,
அனுபவ மேதை.
---------------
நடுத்தெரு நாராயணன்
தண்ணை-வாரமலர்

ayyasamy ram: வழிநடத்துனர்; பதிவுகள் : 82708
இணைந்தது : 30/09/2013