பூமியாக மாறுமா செவ்வாய்? - பிப்., 18-க்கு பிறகு தெரியும்!

**ayyasamy ram** · **ayyasamy ram** Sun Feb 14, 2021 11:51 am

-
வாஷிங்டன்: கடந்த ஆண்டு ஜூன் மாதம் நாசாவால் அனுப்பப்பட்ட பெர்சவரன்ஸ் ரோவர் விண்கலம் பிப்., 18-ல் செவ்வாய் கிரகத்தில் தரையிறங்க உள்ளது. அது வெற்றிகரமாக தரையிறங்கினால் உயிர்கள் வாழ வாய்ப்பு இருக்கிறதா என ஆராயும்.

நாசாவின் ஜெ.பி.எல்., எனும் ஆய்வகத்தால் பெர்சவரன்ஸ் ரோவர் வடிவமைக்கப்பட்டது. கடந்த ஆண்டு ஜூலை மாதம் 30-ல் இவ்விண்கலம் புளோரிடாவில் உள்ள கேப் கெனவரல் விமானப்படைத் தளத்தில் இருந்து அட்லஸ் ராக்கெட் மூலம் செலுத்தப்பட்டது.

7 மாத பயணத்துக்கு பிறகு செவ்வாய் கிரகத்தை நெருங்கியுள்ளது. இவ்விண்கலம் பூமியிலிருந்து ரோபோட்டிக் கண்ட்ரோல் மூலம் இயக்கப்படும். செவ்வாய் கிரகத்தின் ஜெசீரோ கிரேட்டர் எனும் 40 கி.மீ அகல பள்ளத்தில் பிப்., 18-ல் தரையிறங்க இலக்கு நிர்ணயித்துள்ளனர்.

இந்த தரையிறக்கத்தை 'பயங்கரமான 7 நிமிடங்கள்' என நாசாவின் விஞ்ஞானிகள் கூறுகின்றனர். காரணம், செவ்வாயின் வளிமண்டலத்தை தொடும் பெர்சவரன்ஸ் ரோவர், அங்கிருந்து தரையை அடைய 7 நிமிடங்கள் எடுத்துக்கொள்ளும்.

வளிமண்டலத்தை நெருங்குவதற்கு சுமார் 10 நிமிடம் முன்பு விண்கலத்திலிருந்து ரோவர் விடுவித்துக்கொள்ளும். பிறகு 13 ஆயிரம் மைல் வேகத்தில் செவ்வாய் கிரகத்தின் வளிமண்டலத்திற்குள் நுழையும். அப்போது உராய்வினால் ஏற்படும் அதிக வெப்பத்தை போக்க வெப்பக் கவசம் அதிலுள்ளது. அதன் பிறகு ரோவர் மீண்டும் விண்கலமாக மாறி தன்னைத் தானே வழிநடத்தும்.

ரோவர் மெதுவான வேகத்தை எட்டியதும், நாசா விஞ்ஞானிகள் ஒரு சூப்பர்சோனிக் பாராசூட்டை பயன்படுத்துவார்கள். அது இயக்கம் பெற்று ரோவரின் வேகத்தை மேலும் குறைக்கும். வெப்பக்கவசத்தை விடுவித்ததும் ஜெசீரோ கிரேட்டர் பள்ளத்தில் பாதுகாப்பான தரையிறக்கம் சாத்தியமாகும் என்கின்றனர். நவீன நேவிகேஷன் தொழில்நுட்பம் மூலம் செவ்வாய் கிரகத்தின் தரையை காணும்.
-
பூமியாக மாறுமா செவ்வாய்? - பிப்., 18-க்கு பிறகு தெரியும்! Gallerye_071619702_2709445

பூமியாக மாறுமா செவ்வாய்? - பிப்., 18-க்கு பிறகு தெரியும்! Gallerye_071619702_2709445

அதன் அடிப்படையில், தரையிறங்கும் தளத்தை ரோவரே முடிவு செய்யும் நவீன தொழில்நுட்பம் இதிலுள்ளது.

இந்த திட்டத்தின் வழிகாட்டுதல் பிரிவு தலைவராக இந்தியாவிலிருந்து அமெரிக்கா சென்ற சுவாதி மோகன் உள்ளார். அவரது பேட்டியுடன் பெர்சவரன்ஸ் ரோவர் தரையிறங்கும் செயல்முறைகளை நாசா வீடியோவாக வெளியிட்டுள்ளது.

தினமலர்