அஸ்வின் சதம்.

சென்னை: இங்கிலாந்துக்கு எதிரான இரண்டாவது டெஸ்டில் அஷ்வின் சதம் விளாச இந்திய அணி வலுவான முன்னிலை பெற்றது. கேப்டன் கோஹ்லி அரைசதம் கடந்தார். இங்கிலாந்து வெற்றிக்கு 482 ரன்கள் நிர்ணயிக்கப்பட்டுள்ளது.

இந்தியா வந்துள்ள இங்கிலாந்து அணி, நான்கு போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்டில் இந்தியா தோற்றது. இரண்டாவது டெஸ்ட் சென்னை, சேப்பாக்கம் மைதானத்தில் நடக்கிறது. முதல் இன்னிங்சில் இந்தியா 329, இங்கிலாந்து 134 ரன்கள் எடுத்தது. இரண்டாம் நாள் முடிவில், 2வது இன்னிங்சில் இந்திய அணி ஒரு விக்கெட்டுக்கு 54 ரன்கள் எடுத்திருந்தது. ரோகித் (25), புஜாரா (7) அவுட்டாகாமல் இருந்தனர்.


மூன்றாம் நாள் ஆட்டத்தில் 2வது இன்னிங்சை தொடர்ந்த இந்திய அணியின் புஜாரா (7) ‛ரன்-அவுட்' ஆனார். ஜாக் லீச் ‛சுழலில்' ரோகித் சர்மா (26), ரிஷாப் பன்ட் (8) ‛ஸ்டெம்பிங்' செய்யப்பட்டனர். மொயீன் அலி ‛சுழலில்' அஜின்கியா ரகானே (10), அக்சர் படேல் (7) சிக்கினர். பின் இணைந்த கேப்டன் விராத் கோஹ்லி, அஷ்வின் ஜோடி நிதான ஆட்டத்தை வெளிப்படுத்தி விக்கெட் சரிவிலிருந்து அணியை மீட்டது. இங்கிலாந்து பந்துவீச்சை எளிதாக சமாளித்த கோஹ்லி அரைசதம் கடந்தார். ஏழாவது விக்கெட்டுக்கு 96 ரன் சேர்த்த போது மொயீன் அலி 'சுழலில்' கோஹ்லி (62) அவுட்டானார்.


தொடர்ந்து அசத்திய மொயீன் பந்தில் குல்தீப் யாதவ் (3) வெளியேறினார். இஷாந்த் சர்மா (7) நிலைக்கவில்லை. மொயீன் அலி பந்தை பவுண்டரிக்கு விரட்டிய அஷ்வின், டெஸ்ட் அரங்கில் தனது 5வது சதமடித்தார். ஸ்டோன் பந்தில் அஷ்வின் (106) போல்டானார். இரண்டாவது இன்னிங்சில் இந்திய அணி 286 ரன்களுக்கு ‛ஆல்-அவுட்' ஆகி, 481 ரன்கள் என்ற வலுவான முன்னிலை பெற்றது. முகமது சிராஜ் (16) அவுட்டாகாமல் இருந்தார். இங்கிலாந்து சார்பில் லீச், மொயீன் அலி தலா 4 விக்கெட் கைப்பற்றினர்.

பின், 482 ரன்கள் எடுத்தால் வெற்றி என்ற கடின இலக்குடன் 2வது இன்னிங்சை துவக்கிய இங்கிலாந்து அணிக்கு டாம் சிப்லே (3), ரோரி பர்ன்ஸ் (25), ஜாக் லீச் (0) ஏமாற்றினர். மூன்றாம் நாள் ஆட்டநேர முடிவில் 2வது இன்னிங்சில் இங்கிலாந்து அணி 3 விக்கெட்டுக்கு 53 ரன்கள் எடுத்து, 429 ரன்கள் பின்தங்கி உள்ளது. கேப்டன் ஜோ ரூட் (2), டான் லாரன்ஸ் (19) அவுட்டாகாமல் இருந்தனர். இந்தியா சார்பில் அக்சர் படேல் 2, அஷ்வின் ஒரு விக்கெட் கைப்பற்றினர்.

நன்றி தினமலர்

அஸ்வின் எங்கள் தெரு வாசி.
எங்கள் வீட்டில் இருந்து 6 வீடு தள்ளிதான் அவரது வீடு.
இன்று முழுதும் டிவியில் தான் நேரம் போனது.
மிகவும் சுவாரஸ்யமாக ஆட்டம் போய்க்கொண்டு இருந்தது.
மனதிற்கு சந்தோஷமாகவும் இருந்தது.
ஆகவே மாலை நேரம்தான் ஈகரை பக்கம் வரமுடிந்தது.

சென்னை: சென்னையில் இன்று செஞ்சுரி அடித்த அஸ்வினுக்கு இளம் வீரர் சிராஜ் கொடுத்த ஒத்துழைப்பு பெரிய அளவில் வைரலாகி உள்ளது. இங்கிலாந்து அணிக்கு எதிராக தமிழக வீரர் அஸ்வின் மிகவும் சிறப்பாக ஆடி சதம் அடித்துள்ளார். டாப் ஆர்டர் வீரர்கள் சரிந்த நிலையிலும் அஸ்வின் அதிரடியாக ஆடி செஞ்சுரி எடுத்துள்ளார். இங்கிலாந்துக்கு எதிராக இந்திய அணி 2வது இன்னிங்சில் 9 விக்கெட்டுக்கு 286 ரன்கள் எடுத்து ஆல் அவுட் ஆகியுள்ளது. அஸ்வின் 106 ரன்கள் எடுத்துள்ளார். இங்கிலாந்துக்கு இந்திய அணி 482 ரன்கள் இலக்கு நிர்ணயம் செய்துள்ளது. சூப்பர் இன்று அஸ்வின் செஞ்சுரி அடிப்பதற்காக காத்து இருந்த போது சிராஜ் அவருக்கு சிறப்பான ஒத்துழைப்பு கொடுத்தார். சிராஜ் நன்றாக பேட்டிங் செய்வார். ஆனாலும் கூட ரிஸ்க் எடுக்காமல் அஸ்வினுக்கு தொடர்ந்து ஸ்டிரைக் கொடுத்தார். ஸ்டிரைக் அதிலும் அருகிலேயே அடித்துவிட்டு இவர் வேகமாக சிங்கிள் ஓடியது எல்லாம் சென்னை மக்களை கவர்ந்தது. இதனால் சிராஜ் ஒவ்வொரு பந்தை எதிர்கொள்ளும் போதும் மக்கள் கரகோஷம் எழுப்பி சிராஜுக்கு ஆதரவு அளித்தனர் . இதனால் சிராஜும் உற்சாகம் அடைந்து கவனமாக ஆடினார். எப்படி அதன்பின் அஸ்வின் வரிசையாக சிக்ஸ், பவுண்டரி அடித்து கலக்கினார். இதன் மூலம் அஸ்வின் செஞ்சுரி அடித்த நிலையில் அதை எல்லோரையும் விட சிராஜ்தான் அதிகம் கொண்டாடினார். அஸ்வினை விட சிராஜ்தான் சிறப்பாக கொண்டாடினார். சந்தோசம் சந்தோசமாக சிராஜ் குதித்தபடி ஓடி வந்தது பெரிய அளவில் வைரலாகி உள்ளது. இன்னொரு வீரரின் செஞ்சுரியை தன்னுடைய செஞ்சுரி போல சிராஜ் கொண்டாடியது பெரிய வரவேற்பை பெற்றுள்ளது. ஆஸ்திரேலியாவிலும் வீரர் ஒருவர் தலையில் அடிப்பட்ட போது சிராஜ்தான் ஓடி சென்று தூக்கினார். சிறப்பு மற்ற வீரர்களை சிராஜ் இவ்வளவு சிறப்பாக மதிப்பது பெரிய அளவில் கவனம் பெற்றுள்ளது. அதிலும் இவர் சேப்பாக்கத்தில் அடித்த இரண்டு சிக்ஸ்கள் வரவேற்பை பெற்று இருக்கிறது. அஸ்வின் அடித்த செஞ்சுரி இந்த மைதானத்தில் எப்படி பேசப்படுமோ அதேபோல் இவரின் 16 ரன்களும் கண்டிப்பாக வரலாற்றில் பேசப்படும்.

நன்றி சமயம்