'விவசாயிகள் இல்லையேல் உணவு இல்லை', வாசகங்களுடன் ஹரியானாவில் திருமண அழைப்பு

வேளாண் சட்டங்களை எதிர்த்து விவசாயிகள் தலைநகர்
டெல்லியில் போராடி வருகின்றனர், அவர்களுக்கு பலதரப்பட்ட
ஆதரவுகள் இருந்து வரும் நிலையில் ஹரியானாவில் திருமண
அழைப்பிதழ்களில் போராட்ட விவசாயிகளுக்கு ஆதரவு அளித்து
வாசகங்கள், புகைப்படங்கள் இடம்பெற்று வருகின்றன.

இத்தனைக்கும் ஹரியாணாவில் மனோகர் லால் கட்டார்
தலைமையிலான பாஜக அரசுதான் நடைபெற்று வருகிறது.

இம்மாநில விவசாயிகளும் அதிக எண்ணிக்கையில் பங்கேற்றுள்ளனர்.
இங்குள்ள விவசாயிகள் சிலர், வித்தியாசமான முறையில்
போராட்டத்திற்கு தங்கள் ஆதரவை பதிவு செய்கின்றனர்.


திருமண அழைப்பிதழ்களில், 'விவசாயிகள் இல்லையேல், உணவு இல்லை'
என்ற வாசகங்கள் மற்றும் பகத்சிங், சர் சோட்டு ராம் ஆகியோரின்
புகைப்படங்களை அச்சிடுகின்றனர்.சர் சோட்டு ராம், 1881ல் பிறந்தவர்.
பிரிட்டிஷ் ஆட்சியில், விவசாயிகளின் உரிமைகளுக்காக போராடியவர்.
விவசாயிகளின் மேம்பாட்டிற்காக உழைத்ததால், அவர்களின் மீட்பராக
கருதப்படுகிறார்.

கைதல் மாவட்ட விவசாயி ஒருவர் பிப்., 20ம் தேதி நடக்க உள்ள,
தன் மகனின் திருமண அழைப்பிதழில், இவர்களின் புகைப்படங்கள் மற்றும்
வாசகங்கள் அச்சிட்டுள்ளார். விவசாயிகள் போராட்டம் நடத்தி வருகின்றனர்.

அவர்களுக்கு பின், நாங்கள் இருக்கிறோம். இதை அனைவருக்கும்
தெரிவிப்பதற்காக, என் மகனின் திருமண அழைப்பிதழை இதுபோல் தயார்
செய்தேன்.விவசாயிகள் அமைதியாக போராடுகின்றனர், என்கிறார் இந்த
விவசாயி.

இதற்கிடையே விபத்தில் இறந்த விவசாயி ஒருவரின் உடலில் தேசியக்
கொடியை ஏற்றியதற்காக குடும்பத்தினர் மீது உ.பி. போலீஸார் வழக்குத்
தொடர்ந்துள்ளனர். பால்ஜிந்திரா என்ற இந்த விவசாயி உடல் மீது தேசியக்கொடி
போர்த்தப்பட்டது, இது தேசியக் கொடியை அவமதிக்கும் செயல் என்று
குடும்பத்தினர் மீது வழக்குத் தொடரப்பட்டுள்ளது.

இந்த வழக்குகளுக்கும் அங்கு எதிர்ப்புகள் கிளம்பி உள்ளமை குறிப்பிடத்தக்கது.

டெல்லியில் போராடும் விவசாயிகளுக்கு வெளிநாடுகளிலிருந்து ஆதரவு
வருவதையடுத்து மத்திய அரசு கண்டித்துள்ளது.

ஆனால் விவசாய அமைப்பின் தலைவர் திகைத்,
ரிஹானா, கிரேட்டா போன்றவர்கள் யார் என்றே எங்களுக்குத் தெரியாது,
ஆனால் அவர்கள் ஆதரித்ததால் என்ன கெட்டு விடப்போகிறது என்று கேள்வி
எழுப்பியதும் குறிப்பிடத்தக்கது.
-
நியூஸ் 18