‘‘பொண்டாட்டி கிழிச்சக் கோட்டைத் தாண்ட முடியலை…’

by **ayyasamy ram** Thu Jan 28, 2021 8:37 am

தங்கம், வெள்ளி நகைகளை அடகு வச்சா பணம்
கிடைக்கும்… ஏன், பித்தளை பாத்திரங்களை அடகு
வச்சாலும் கிடைக்கும். மனசாட்சியை அடகு வச்சா
ஒரு பைசா கூட கிடைக்காது!
-
– எதையாவது அடகு வைத்து காலத்தை ஓட்ட
நினைப்போர் சங்கம்
– எஸ்.கோபாலன், சென்னை-61.
----------------------------

‘‘நம்ம தலைவருக்கு மேடையில துண்டு அணிவிக்கறதுக்காகவே
கட்சியில ஒரு அணி உருவாக்கி இருக்காங்களாமே..?’’
‘‘ஆமா… துண்டர் அணியாம்!’’
-
– அ.பேச்சியப்பன், ராஜபாளையம்.
------------------------------------

‘‘கல்யாணத்துக்கு முன்னாடி நீளம் தாண்டினேன்…
உயரம் தாண்டினேன்…’’
‘‘இப்ப..?’’
‘‘பொண்டாட்டி கிழிச்சக் கோட்டைத் தாண்ட முடியலை…’’
-
– ஜே.தனலட்சுமி, கோவை.
------------------------------------------------

என்னதான் சிறந்த ஓட்டுனர்னாலும், ‘ஆம்னி பஸ்’ஸை
ஓட்டற மாதிரி ஆக்டோ‘பஸ்’ஸை ஓட்ட முடியுமா?
– வாய் வார்த்தைகளாலேயே அடுத்தவரை ஓட்டுவோர் சங்கம்
-
– பெ.பாண்டியன், காரைக்குடி.
-------------------------------------

என்னதான் திறமையான பூக்கடைக்காரரா இருந்தாலும்,
அவரால ‘மாலை’யைத்தான் கட்ட முடியும்.
‘காலை’யையோ, ‘மதியத்’தையோ அவரால கட்டவே
முடியாது.
-
– அ.பேச்சியப்பன், ராஜபாளையம்.
------------------------------------------

ஸ்பீக்கரு…
‘‘எங்கள் ஆட்சியில் தினம் ஒரு ஊழல் அம்பலத்துக்கு
வருவதைக் கண்ணார கண்டபின்பும் எங்கள் தலைவரை
செயல்படாதவர் என்று சொல்ல உங்களுக்கு எப்படி மனம்
வருகிறது..?’’
-
– சிக்ஸ் முகம், கள்ளியம்புதூர்.
---------------------------------------

‘‘கவலை வேண்டாம் மகனே…
விரைவில் உன் வாழ்வில் வெளிச்சம் வரும்!’’

‘‘அது மெதுவா வரட்டும் சாமி! மொதல்ல ‘கரன்ட்’
எப்ப வரும்னு சொல்லுங்க…’’
-
– யுவகிருஷ்ணா, தூத்துக்குடி.
-----------------------------------------------------
நன்றி-குங்குமம்