சினிமாவில் தமிழ் இசை ராகங்களின் சங்கமம்

by Guest Mon Jan 25, 2021 3:23 pm

எல்லாப் பாடல்களுமே ராகங்களின் அடிப்படியில் இருக்கும்.பழைய பாடல்களில் அதற்கு முக்கியத்துவம் கொடுத்து தவறு வராமல் இசை தெரிந்தவர்களைக் கொண்டு இசையும் பாடலும் அமைத்திருப்பார்கள்.ஆனால் புதுப் படங்களில் அப்படி இருக்காது.இசை இலக்கணம் தெரியாதவர்கள் கூட இசை அமைத்தும் பாடியும் இருப்பார்கள்.அவை கூட ராகங்களின் அடிப்படையில் தான் இருக்கும்.இசை கற்காமல், ஒலிப் பொறியாளராக (Visual Communication ) படித்த விஜய் அண்டனி தனது முயற்சியினால் இசை அமைப்பாளரானார்.

ராகங்களை கண்டறிவது மிகச் சுலபம்.சிறிது கேட்டு ரசித்தால் போதும்.இதை கேள்விஞானம் என்கிறார்கள்.இசை கற்காமல் கேள்வி ஞானத்தால் சினிமாவுக்கு வந்தவர் எஸ்.பி.பாலசுப்பிரமணியம்.

கேட்டு ரசித்த பாடல்கள் ,உங்களுக்கும் பிடிக்கலாம்…..?

சிந்தாமணி (1937) படத்தில் இருந்து..
எம்.கே.தியாகராஜ பாகவதர் பாடி,பாபநாச சிவன் இசை அமைத்திருந்தார்.

இந்தப் பாடலை சிறுகளத்தூர் சாமா (செருகளத்தூர் சாமா ) பாடி இருந்தார்.

கண்ணகி (1942) படத்தில் இருந்து நவரசகன்னடா ராகத்தில் அமைந்த அன்பில் விளைந்த அமுதமே..பாடல் இது.

(உதவி- இணையம்/Youtube)

by **T.N.Balasubramanian** Mon Jan 25, 2021 4:23 pm

கர்நாடக இசையை சினிமாவில் புகுத்தியது ஆரம்பகால சினிமாக்கள்
பின்பு டப்பாங் குத்து பாடல்கள்.
பிறகு பாப் இசையின் தாக்கத்தில் BGM உடன் அதற்கேற்ப பாடல்கள்.
இப்போது இளம் கலைஞர்களின் மூலம் வரும் பாடல்கள் எந்த இனமென கண்டுபிடிப்பது கஷ்டம்.
இப்போதும் சில கர்நாடக மூல பாடல்கள் பெயர் பெற்ற இசைவல்லுனர்கள் மூலம் கேட்க முடிகின்றது.

by **ayyasamy ram** Mon Jan 25, 2021 11:06 pm

by Guest Tue Jan 26, 2021 12:37 am

1942 இல் வெளியான ’தமிழறியும் பெருமாள்’ படத்தில் இருந்து பாடல்.காளிதாஸ் கதையை அடிப்படையாக கொண்டு தயரிக்கப்பட்ட இந்தப் படத்தில் இசையமைப்பை ஒரு குறிப்பிட்ட ஒருவருக்கு கொடுக்காமல்,சரஸ்வதி ஸ்டோர்ஸ் இசைக்குழுவை இசை அமைக்க வைத்திருக்கிறார்கள்.இதில் வி. ஏ. செல்லப்பா ,எம். ஆர். சந்தானலட்சுமி,எம்.ஜி.ஆர்...முக்கிய பாத்திரங்களி்ல் நடித்திருந்தனர்.

பாரதிதாசன் 1931 இல் அன்றைய சினிமா பற்றி எழுதிய கவிதை..

சினிமாவில் தமிழ் இசை ராகங்களின் சங்கமம் Bharathidasan-1936-poem-on-Tamil-cinema-736x1024

சினிமாவில் தமிழ் இசை ராகங்களின் சங்கமம் Bharathidasan-1936-poem-on-Tamil-cinema-736x1024

by Guest Wed Jan 27, 2021 12:20 am

அச்சம் என்பது மடமையடா (2016) திரைப்படத்துக்காக உருவாக்கிய 'ராசாளி' பாடல்,கவிஞர் தாமரையின் வரிகளில் ஏ.ஆர்.ரகுமான் இசை அமைக்க ,சத்திய பிரகாஷ் மற்றும் சாஷா திருபாதி பாடியுள்ளனர். ஆங்காங்கே ஒலிக்கும் மரபுசார் இசை மற்றும் வரிகள், கதையின் போக்கிற்கு உதவும் நோக்கில் இழைக்கப்பட்டிருக்கின்றன. அருணகிரிநாதரின் முத்தைத்தரு பத்தித் திருநகை, நின்னுக்கோரி வர்ணம், பட்டணம் சுப்பிரமணியரின் வளச்சி வாச்சி ஆகிய இசைப் படிவங்கள் கொண்டு, கதை நகரும் களங்களுக்கு இசையின் மூலமாக உங்களைக் கொண்டுசெல்லும் சிறு முயற்சி இது.

இந்தப் பாடல் நவராகமாலிகா வர்ணத்தில் சங்கராபரணம்,கல்யாணி,காம்போதி,கேதாரம்,யதுகுல காம்போதி(செவ்வழி ) ,பிலகரி,மோகனம்,சிறீராகம்,பேகடா என 9 ராகங்கள் சேர்ந்த ராகமாலிகா ஆகும்.
தாமரையின் வரிகளுடன் ராகங்களைப் பின்னி விளையாடி இருக்கிறார் இசை அமைப்பாளர்.

by **Dr.S.Soundarapandian** Wed Jan 27, 2021 12:33 pm

பழைய திரைப்படப் பாட்டுப் புத்தகங்களில் பாடலின் தலைப்பில் இராகத்தின் பெயரையும் போட்டிருப்பார்கள்! அந்த முறை பின்னர் அற்றுவிட்டது! இராகத்தை நம்மிடமிருந்து அப்புறப்படுத்தும் முயற்சிகளில் இதுவும் ஒன்றுதான்!