பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

**ayyasamy ram** · **ayyasamy ram** Sat 9 Jan 2021 - 17:46

கர்நாடகாவில் எடியூரப்பா தலைமையிலான
பா.ஜ.க அரசு கர்நாடக மாநில பிராமணர்கள் வளர்ச்சிக்
கழகத்தை கடந்த ஆண்டு உருவாக்கியது.

அந்த பிராமணர்கள் கழகம் புதிதாக இரண்டு திட்டங்களைக்
கொண்டுவந்துள்ளது. அருந்ததி, மைத்ரேயி என்ற பெயர்களில்
உருவாக்கப்பட்டுள்ள இரண்டு திட்டங்களின் கீழ்
பிராமணர்களுக்கு நிதி உதவி வழங்குவதற்கு ஒப்புதல்
வழங்கப்பட்டுள்ளது.

அருந்ததி திட்டத்தின் கீழ், பிராமணப் பெண்களுக்கு
திருமணத்தின்போது 25,000 ரூபாய் வழங்கப்படும்.
மைத்ரேயி திட்டத்தின் கீழ், அர்ச்சகர்களைத் திருமணம் செய்யும்
பிராமணப் பெண்களுக்கு 3 லட்ச ரூபாய் வழங்கப்படும்.

இதுகுறித்து தெரிவித்த பா.ஜ.க தலைவரும் பிராமணர்கள்
வளர்ச்சிக் கழகத்தின் தலைவருமான சச்சிதானந்த மூர்த்தி,
‘அருந்ததி, மைத்ரேயி திட்டத்தை செயல்படுத்துவதற்கான
ஒப்புதல் கிடைத்துள்ளது. அதற்காக நிதி ஒதுக்கப்பட்டுள்ளது.

இந்த சமூகத்திலுள்ள ஏழைகளை முன்னேற்றுவதற்காக இந்த
திட்டம் செயல்படுத்தப்படுகிறது. இந்த பணம் 3 தவணைகளாக
அவர்களுக்கு வழங்கப்படும். நான்காவது, வட்டியும் அந்தப்
பெண் முழுப் பணத்தையும் பெற்றுக்கொள்ளலாம்’ என்று
தெரிவித்தார்.

இந்தத் திட்டங்களின் கீழ் பயன் பெறுபவர்களுக்கு
5 ஏக்கருக்கு மேல் விவசாய நிலம் இருக்கக் கூடாது.
1,000 சதுர அடிக்கு அதிகமான வீடு இருக்கக் கூடாது.
அவர்கள், பிற்படுத்தப்பட்ட மற்றும் பட்டியலின சமூகமாக
இருக்கக் கூடாது. ஆண்டு வருமானம் 8 லட்ச ரூபாய்க்கு
அதிகமாக இருக்கக் கூடாது என்று தெரிவிக்கப்பட்டுள்ளது.

நியூஸ் 18

**Dr.S.Soundarapandian** · **Dr.S.Soundarapandian** Mon 11 Jan 2021 - 12:28

‘அவர்கள், பிற்படுத்தப்பட்ட மற்றும் பட்டியலின சமூகமாக
இருக்கக் கூடாது.’ - மக்களைப் பிளவுபடுத்துவது ஆகாதா இது?
நாம் முன்னேறுகிறோமா, இல்லை கற்காலத்தை நோக்கி நகர்கிறோமா?

Guest · Guest Mon 11 Jan 2021 - 13:51

தமிழக மக்களே கவனமாக இருங்கள். பாஜக மற்றும் பாஜக ஆதரவுக் கட்சிகளை மட்டும் தமிழ் நாட்டுக்குள் நுழைய விடாதீர்கள். நாடு சுடுகாடாக ஆகி விடும்.தமிழ் மக்கள் தங்கள் சுயமரியாதையை
காத்து அவர்கள் மொழியையும் கலாச்சாரத்தையும் காற்றில் பறக்க விடாமல் காத்துக் கொள்ள வேண்டும். ஊழல் கட்சிகள் விசயத்திலும் கவனம் தேவை.
(என் சொந்தக் கருத்து மட்டுமே.)

**T.N.Balasubramanian** · **T.N.Balasubramanian** Mon 11 Jan 2021 - 16:33

சக்தி18 wrote:தமிழக மக்களே கவனமாக இருங்கள். பாஜக மற்றும் பாஜக ஆதரவுக் கட்சிகளை மட்டும் தமிழ் நாட்டுக்குள் நுழைய விடாதீர்கள். நாடு சுடுகாடாக ஆகி விடும்.தமிழ் மக்கள் தங்கள் சுயமரியாதையை
காத்து அவர்கள் மொழியையும் கலாச்சாரத்தையும் காற்றில் பறக்க விடாமல் காத்துக் கொள்ள வேண்டும். ஊழல் கட்சிகள் விசயத்திலும் கவனம் தேவை.
(என் சொந்தக் கருத்து மட்டுமே.)

மேற்கோள் செய்த பதிவு: 1339326

ஈகரையில் எந்த கட்சிக்கும் ஆதரவாக பதிவுகள் வேண்டாமென நீங்கள் கூறியதாக நினைவு. புன்னகை

.
அப்பிடி என்றால் ஒரு கட்சிக்கு எதிராகவும் பதிவுகள் பதியக்கூடாது அல்லவா, சக்தி?

@சக்தி18

Guest · Guest Mon 11 Jan 2021 - 17:48

உண்மைதான். ஆனால் சமீபத்தைய செயற்பாடுகளை /வெளியிடும் கருத்துகளை பார்க்கும் போது..

நெஞ்சு பொறுக்குதில்லையே -இந்த
நிலைகெட்ட மனிதரை நினைந்துவிட்டால் …

பாஜக வின் பல திட்டங்களை ஆதரித்தும் கருத்திட்டிருக்கிறேன். எப்போதும் ஒரு கட்சிக்கு எதிராகவோ சார்பாகவோ செயற்பட்டதில்லை..அவர்கள் தங்களை புனிதர்களாகவும் மற்றவர்களை சாத்தானாகவும் கருதுவதை ஏற்க மனம் ஒப்புதல் தரவில்லை.சமீபத்தைய செயற்பாடுகள் மிகவும் மோசமானதாக இருப்பதை காணக்கூடியதாக இருப்பதைக் கண்டேன்.இது தேர்தல் பிரச்சாரமும் அல்ல.தமிழ் மக்கள் விழிப்படைய வேண்டியே கருத்திட்டேன்.

கட்சிக்கு ஆதரவாக கருத்திடுவது பிரச்சாரம்,எதிராக கருத்திடுவது விழிப்புணர்வு என எண்ணுகிறேன்.

( தவறானால் ...ஈகரை விதிகளுக்கு மாறாக இருப்பின் நீக்கி விடலாம்)

**T.N.Balasubramanian** · **T.N.Balasubramanian** Mon 11 Jan 2021 - 19:11

அரசியலில் யாரும் புனிதர்கள் இல்லை.
ஈகரையின் விதிமுறைகளில் இது அடங்காது.
எந்த கட்சிக்கும் சார்பாக,தேர்தல் சமயத்தில் பதிவுகள் இடவேண்டாமென்பது
தற்காலிகமாக ஏற்படுத்திக் கொண்ட ஒரு நடைமுறை புரிதல் மட்டுமே.

@சக்தி18

Sponsored content · Sponsored content

பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

Re: பிராமண அர்ச்சகர்களைத் திருமணம் செய்யும் பிராமணப் பெண்களுக்கு ரூ.3 லட்சம் நிதியுதவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக