தமிழ் நாட்டில் இரண்டு புதிய கட்சிகள் உதயம்

Guest · Guest Thu Dec 31, 2020 2:08 pm

தமிழகத்தில் மொத்தம் 257 கட்சிகள் உள்ளதாக தெரிவித்துள்ள தலைமை தேர்தல் ஆணையம், ஆணையத்தன் அங்கீகாரம் பெற்ற கட்சிகள் 10 என்றும், அங்கீகாரம் இல்லாத பதிவு செய்யப்பட்ட கட்சிகள் 247 இருப்பதாகவும் ஏற்கனவே தெரிவித்துள்ளது.

தமிழகத்தை பொருத்தவரை, அ.தி.மு.க., தி.மு.க., காங்கிரஸ், திரிணாமுல் காங்கிரஸ், பகுஜன் சமாஜ் கட்சி, பாரதிய ஜனதா, இந்திய கம்யூனிஸ்ட், மார்க்சிஸ்ட் கம்யூனிஸ்ட், தே.மு.தி.க., தேசியவாத காங்கிரஸ் ஆகியவை தேர்தல் கமிஷனின் அங்கீகாரம் பெற்ற கட்சிகளாகும். பா.ம.க., மதிமுக, விடுதலை சிறுத்தைகள் போன்ற மற்ற கட்சிகள், பதிவு செய்யப்பட்ட கட்சிகள் பட்டியலில் உள்ளன.

இந்நிலையில், தமிழகத்தில் மேலும் இரண்டு கட்சிகள் உதயமாகியுள்ளது. மக்கள் முன்னேற்றக் கழகம் என்ற பெயரில் ஒரு கட்சியும், மக்கள் ராஜ்ய கட்சி என்ற பெயரில் மற்றொரு கட்சியும் பதிவு செய்யப்பட்டுள்ளது.(இணையம்)

இப்படியே போனால் மக்கள் பிரச்சாரம் செய்வார்கள். வேட்பாளர்கள் வாக்களிப்பார்கள்.அதுதான் கட்சிகள் பெருகத் தொடங்கி விட்டனவே!

**T.N.Balasubramanian** · **T.N.Balasubramanian** Thu Dec 31, 2020 2:38 pm

தேர்தல் கமிஷன் அங்கீகாரம் பெற்ற கட்சிகள்--
பதிவு செய்யப்பட்ட கட்சிகள்:
இரண்டிற்கும் என்ன வித்யாசம்? சலுகைகளில் என்ன வேறுபாடு?

**Dr.S.Soundarapandian** · **Dr.S.Soundarapandian** Thu Dec 31, 2020 5:32 pm

மழை பெய்கிறது; காளான் உண்டாகிறது!

Guest · Guest Thu Dec 31, 2020 8:01 pm

ஐயாவுக்கு தெரியாததல்ல. மற்றவர்கள் தெரிந்து கொள்ள..

கட்சி பதிவு செய்வதில் சிக்கல் எதுவும் கிடையாது.ஆனால் மாநிலக் கட்சியாக அங்கீகாரம் கிடைக்க..இவற்றில் ஒன்று தேவை.

சட்டசபைத் தேர்தலில் 6% வாக்குகள்+2 தொகுதி வெற்றி
மக்களவைத் தேர்தலில் 6% வாக்குகள் +1 தொகுதி வெற்றி
சட்டசபைத் தேர்தலில் மொத்த தொகுதிகளில் 3% அல்லது 3 தொகுதி வெற்றி -எது கூடியதோ
சட்டசபை அல்லது மக்களவை தேர்தலில் மொத்த வாக்குகளில் 8%

அங்கீகரிக்கப்பட்ட கட்சிகளுக்கு அவர்களின் சின்னம் ஒதுக்கப்படும்.மற்றவர்களுக்கு சுயேச்சையாக கருதி சின்னம் ஒதுக்கப்படும்.
தூர்தர்சனில் பங்கேற்கும் வசதி அங்கீகரிக்கப்படாதவர்களுக்கு கிடையாது.
அன்பளிப்பு பெறும் விசயத்திலும் வருமானவரிவிசயத்திலும் சலுகைகள் வேறுபடும்.
(தேர்தல் ஆணையம்)