நிலாவில் நிலம் - மனைவிக்கு பரிசளித்த கணவர்

ராஜஸ்தான் மாநிலம் அஜ்மீரைச் சேர்ந்தவர் தர்மேந்திர அனிஜா. அவர் தன்னுடைய மனைவி சப்னா அனிஜாவுக்கு, தங்களுடைய 8வது திருமண ஆண்டையொட்டி வாழ்வில் மறக்க முடியாத திருமணப் பரிசாக நிலவில் 3 ஏக்கர் நிலத்தை வாங்கி கொடுத்திருக்கிறார்.

”எங்களுக்கு டிசம்பர் 24ம் தேதி திருமண நாள். அதற்காக ஸ்பெஷலாக எதாவது செய்ய வேண்டும் என்று நினைத்திருந்தேன். எல்லோரும் கார், நகை என பூமியைச் சார்ந்த பொருட்களையே கிப்டாக கொடுத்துக் கொண்டிருந்தனர். நான் வித்தியாசமாக ஒன்றை செய்யவேண்டும் என்று எண்ணினேன். அதனால் தான் நிலாவின் அவளுக்காக நிலம் வாங்கினேன்,” என்கிறார்.

அமெரிக்காவின் நியூயார்க்கைச் சேர்ந்த நிறுவனமான லூனா சொசைட்டி இன்டர்நேஷனல் (Luna society international) மூலமாக நிலவில் நிலத்தை வாங்கியுள்ளார்.

முன்னதாக பீகாரில் உள்ள போத் கயாவில் வசிக்கும் நீரஜ் குமார் தனது பிறந்தநாளில் நிலவில் ஒரு ஏக்கர் நிலத்தை வாங்கியிருக்கிறார்

2022 இல் நாசா SpaceX  பொருட்களை நிலாவுக்கு எடுத்துச் செல்கிறது.2023 இல் முதல் பயணம் சப்பானிய கோடீஸ்வரர் Yusaku Maezawa குழு பயணம் செய்கிறார்கள்.

---

1967ம் ஆண்டு சோவியத் யூனியன், அமெரிக்கா, யுனைடெட் கிங்டம் உள்ளிட்டவை ’விண்வெளி ஒப்பந்தம்’ ஒன்றில் கையெழுத்திட்டுள்ளனர். அதன்படி, நிலவில் நிலத்தை வாங்குவதோ விற்பதோ அந்த ஒப்பந்ததின் விதிகளுக்கு உட்பட்டது. அந்த ஒப்பந்ததின்படி, நிலவின் நிலத்தை விற்பது சட்டவிரோதமானது. இந்த சர்வதேச ஒப்பந்தத்தில் இந்தியா உள்ளிட்ட 109 நாடுகள் கையெழுத்திட்டுள்ளன.

உடன்படிக்கையின் படி, “விண்வெளி என்பது இறையாண்மையைக் கோருவதன் மூலமோ, பயன்பாடு அல்லது தொழில் மூலமாகவோ அல்லது வேறு எந்த வழியிலோ தேசிய ஒதுக்கீட்டிற்கு உட்பட்டது அல்ல,” எந்தவொரு உடன்படிக்கை உறுப்பு நாடுகளும், எந்தவொரு வணிக நடவடிக்கைகளிலும் விண்வெளியைப் பயன்படுத்தக்கூடாது என்று தெளிவாக அந்த அறிக்கை குறிப்பிடுகிறது. இருப்பினும், தனியார் ஒதுக்கீட்டைப் பொறுத்தவரை ஒப்பந்தத்தின் தடை செல்லுபடியாகுமா இல்லையா என்பது பற்றிய விவாதம் உள்ளது.
(YS/sarkardaily)

மனைவியை எப்பிடியாவது குளுமையாக  வைக்கப்பார்கிறார்.