Latest topics

தமிழகத்தில் 4 நாட்களுக்கு ஒரு சில இடங்களில் மழைக்கு வாய்ப்புவானிலை ஆய்வு மையம் தகவல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழகத்தில் 4 நாட்களுக்கு ஒரு சில இடங்களில் மழைக்கு வாய்ப்புவானிலை ஆய்வு மையம் தகவல்

Post by ayyasamy ram Mon Dec 28, 2020 6:50 am

சென்னை,

தமிழகத்தில் இன்று (திங்கட்கிழமை) முதல் 4 நாட்களுக்கு
மழைக்கு வாய்ப்பு இருப்பதாக வானிலை ஆய்வு மையம்
தெரிவித்து இருக்கிறது.

இதுதொடர்பாக சென்னை வானிலை ஆய்வு மையம்
வெளியிட்டுள்ள செய்திக்குறிப்பில் கூறப்பட்டிருப்பதாவது:-

வளிமண்டலத்தில் நிலவும் மேலடுக்கு சுழற்சி காரணமாக
தென் தமிழக கடலோர மாவட்டங்கள், தஞ்சாவூர், திருவாரூர்,
நாகப்பட்டினம், மயிலாடுதுறை மற்றும் காரைக்கால்
பகுதிகளில் 28-ந்தேதி (இன்று) ஓரிரு இடங்களில் லேசானது
முதல் மிதமான மழை பெய்யக்கூடும்.

அதேபோல், 29 (நாளை), 30 (நாளை மறுதினம்) -ந்தேதிகளில்
தென் தமிழகம், தஞ்சாவூர், திருவாரூர், நாகப்பட்டினம்,
மயிலாடுதுறை, கடலூர் மாவட்டங்கள் மற்றும் காரைக்கால்
பகுதிகளில் ஒரு சில இடங்களில் லேசானது முதல் மிதமான
மழையும், தெற்கு உள்மாவட்டங்களில் லேசான மழையும்
பெய்ய வாய்ப்பு இருக்கிறது.

31-ந்தேதி (வியாழக்கிழமை) தமிழகம், புதுச்சேரி மற்றும்
காரைக்காலில் ஒரு சில இடங்களில் லேசான மழைக்கு
வாய்ப்புள்ளது. இந்த நாட்களில் ஏனைய மாவட்டங்களில்
வறண்ட வானிலையே நிலவும்.

இவ்வாறு அதில் தெரிவிக்கப்பட்டுள்ளது.

தினத்தந்தி

ayyasamy ram: வழிநடத்துனர்; பதிவுகள் : 84127
இணைந்தது : 30/09/2013