இங்கிலாந்துக்கான விமான சேவைக்கு மத்திய அரசு தடை: இன்று நள்ளிரவு முதல் அமல்

புதுடெல்லி,

இங்கிலாந்தின் தெற்கு பகுதி மற்றும் தலைநகர் லண்டன் போன்ற
இடங்களில் ஒருவித புதிய வகை கொரோனா வைரஸ் பரவுவது
கண்டறியப்பட்டு உள்ளது.

இது ஏற்கனவே இருக்கும் கொரோனா வைரசின் ஒரு பிறழ்வு
வடிவமாக வெளிப்பட்டு இருப்பதாக மருத்துவ நிபுணர்கள்
கூறியுள்ளனர். இந்த புதிய வகை வைரசானது ஏற்கனவே
பாதிப்புகளை உருவாக்கி வரும் கொரோனாவை விட 70 சதவீதம்
அதிவேகமாக பரவுவதாக இங்கிலாந்து பிரதமர் போரிஸ் ஜான்சன்
கூறியுள்ளார்.

இந்த வைரசிடம் இருந்து மக்களை பாதுகாக்க பிரிட்டன் அரசு தீவிர
முன்எச்சரிக்கை நடவடிக்கைகளை எடுத்து வருகிறது.
அதன்படி நேற்று முன்தினம் முதல் நாடு முழுவதும் ஊரடங்கு
கடுமைப்படுத்தப்பட்டு இருக்கிறது. கிறிஸ்துமஸ் கொண்டாட்டங்களுக்காக
மக்கள் வெளியே வர வேண்டாம் என அறிவுறுத்தப்பட்டு உள்ளனர்.

பல நாடுகள் முன்எச்சரிக்கை நடவடிக்கைகளை தொடங்கி உள்ளன.
இதில் முதல் நடவடிக்கையாக இங்கிலாந்துடனான விமான சேவைகளை
பல நாடுகள் ரத்து செய்ய தொடங்கி உள்ளன.

அந்தவகையில் கனடா, டென்மார்க், ஈரான், குரேஷியா, பல்கேரியா,
அயர்லாந்து, துருக்கி, இஸ்ரேல், பிரான்ஸ், ஜெர்மனி, நெதர்லாந்து,
ஹாங்காங், சுவிட்சர்லாந்து, அர்ஜென்டினா, பெல்ஜியம், சிலி, மொராக்கோ,
குவைத், ஆஸ்திரியா மற்றும் இத்தாலி போன்ற நாடுகள் இங்கிலாந்துக்கு
விமான போக்குவரத்தை ரத்து செய்து விட்டன.

அதேநேரம் சவுதி அரேபியாவோ, அனைத்து நாடுகளுக்கும் விமான
சேவையை ரத்து செய்து, தனது எல்லைகள் அனைத்தையும் மூடி விட்டது.
சிவில் விமான போக்குவரத்து அமைச்சகம் தனது டுவிட்டர் தளத்தில்,

‘இங்கிலாந்தில் நிலவும் சூழலை கருத்தில் கொண்டு, அங்கிருந்து வரும்
அனைத்து விமானங்களையும் 31ந்தேதி நள்ளிரவு வரை ரத்து செய்ய
மத்திய அரசு முடிவு செய்திருக்கிறது. இந்த தடை இன்று நள்ளிரவு முதல்
அமலுக்கு வருகிறது.

இதைப்போல இந்தியாவில் இருந்து இங்கிலாந்து செல்லும் விமானங்களும்
மேற்படி காலகட்டத்துக்கு ரத்து செய்யப்படுகின்றன’ என்று
குறிப்பிடப்பட்டு உள்ளது.

தினத்தந்தி

  கடவுளே இது என்ன சோதனை????????????