தலைமுடிப் பாதுகாப்பு

அக்காலத்தில் ஆறடிக் கூந்தல் என்று பெண்ணின் கூந்தலை வர்ணிப்பார்கள். இன்று பெரும்பாலான பெண்கள் ஆறடிக் கூந்தலை விரும்புவதில்லை. நீளம் குறைவாய் இருந்தாலும் முடி அடர்த்தியாகவும், ஆரோக்கியமாகவும் இருக்க வேண்டும் என பெண்கள் விரும்புகிறார்கள். ஆனால் எல்லோருக்கும் தலைமுடி அடர்த்தியாய் அமைகிறதா?

பரம்பரையாய்ப் பெற்றோருக்கு உள்ளதைப் போல் பிள்ளைகளுக்கும் தலைமுடி அமைய வாய்ப்புண்டு. சிலருக்கு இயற்கையிலேயே குறைவாகத் தலைமுடி இருக்கலாம். அவர்கள் அதிகக் கவனம் செலுத்தித் தம் முடியைப் பேண வாய்ப்பிருக்கிறது. ‘கார் கூந்தல்’ என்று அக்காலத்தில் பெண்களின் கூந்தலைப் புகழ்ந்தனர்.

ஆனால் இன்று சிலர் இயற்கையிலேயே கறுப்பாக இருக்கும் முடியை ஃபேஷனுக்காக பிரவுன் நிறத்திற்கு பிளீச் செய்து கொள்கிறார்கள். எப்போதாவது ஒரு முறை அவ்வாறு செய்தால் கேடில்லை. அடிக்கடி செய்தால் முடியின் ஆரோக்கியம் குன்றிவிடும்.

இதைப்போலவே அடிக்கடி செயற்கையாகச் செய்யப்படும் ‘பர்மிங்’ (Ferming) முடியைச் சுருளாக்குதல், ‘ஸ்ட்ரெய்ட்னிங்’ (Straightening) முடியை நேராக்குதல் போன்றவற்றால் முடி கொட்டும் வாய்ப்புண்டு. முடியும் கடினமாகி விடக்கூடும். எப்போதாவது ஒருமுறை அல்லது இருமுறை செய்தால் பரவாயில்லை.

இயற்கை முறையிலேயே முடியை பாதுகாத்துக் கொள்ள முடியுமா?

தலைமுடி அதிகமாய் இருந்தால்தான் அழகு என்பதில்லை. இருக்கும் தலைமுடியை உதிராமல் சுத்தமாகப் பராமரித்தாலே போதும். வாரம் இருமுறை ஷாம்பூ அல்லது சீயக்காய் மூலம் சுத்தப்படுத்திக் கொள்ளலாம். கெமிக்கல் ஷாம்பூவைவிட ஹெர்பல் ஷாம்பூ நல்லது. இதைப் பயன்படுத்தினால் தலைமுடி பிசுக்குப் போல ஒட்டாமல் நன்றாக அலச வேண்டும். இல்லையென்றால் தலைமுடி பிசுக்காகி ஈறும், பொடுகும் பெருகக் காரணமாகிவிடும். தினமும் தலைக்கு எண்ணெய் தடவ வேண்டும் என்று கட்டாயமில்லை.

நம் உடலில் சுரக்கும் எண்ணெய்ச் சத்தும், நாம் உட்கொள்ளும் உணவிலிருந்து கிடைக்கும் எண்ணெய்ச் சத்துமே நம் முடிக்குப் போதுமானவை. தலையில் நன்றாக எண்ணெய் தடவி, வாரி, வெயிலில் சென்றால் எவ்வளவுதான் தலைமுடி இருந்தாலும் அது கொட்டுவது நிச்சயம்.

தலைக்குக் குளிக்கும்போது எண்ணெயைத் தலையில் வைத்துக் கொண்டு அரை மணி நேரம் விரல்களின் நுனிப்பகுதியால் (நகம்படாமல்) விளக்கெண்ணெய் இரண்டு ஸ்பூன் தேங்காய் எண்ணெய் இரண்டு ஸ்பூன், நல்லெண்ணெய் இரண்டு ஸ்பூன் கலந்து இலேசாகச் சூடு செய்து மசாஜ் செய்து ஐந்து நிமிடம் சூரிய ஒளி படுமாறு செய்து அல்லது வெந்நீரில் நனைந்த டவலை ஐந்து நிமிடம் சுற்றிக்கொண்டு, பின்னர் ஷாம்பூ அல்லது வீட்டில் தயாரிக்கப்பட்ட தரமான சிகைக்காய்ப்பொடி கொண்டு அலசினால்
முடி நன்கு வளரும். முடி உதிர்வதும் தவிர்க்கப்படும்.



மேனிக்யூரும், பெடிக்யூரும்

முகம், தலைமுடி ஆகியன சுத்தமாய் இருந்தால் மட்டும் போதுமா? கை, கால்களும் அழகாய்த் தோற்றமளிக்க வேண்டாமா?

கைகளைச் சுத்தம் செய்து, நகங்களை வெட்டி, சீராக்கி நக இடுக்குகளில் உள்ள அழுக்குகளை வெளியேற்றி, கை விரல்களுக்கு கிரீம் தடவி மசாஜ் செய்யும் முறை ‘மேனிக்யூர்’ எனப்படும்.

இதுபோலவே, வெந்நீரில் கால்களை 10 நிமிடம் அமிழ்த்தி, கால்களில் உள்ள பித்த வெடிப்பு, அழுக்கு ஆகியவற்றை ‘ப்யூமிஸ் டோன்’ எனப்படும் கல்லில் தேய்த்து நீக்கி, விரல் நகங்களை ஷேப் செய்து, நகங்களிலுள்ள அழுக்குகளை வெளியேற்றி, கால் பாதங்களுக்கு மசாஜ் செய்யும் முறை ‘பெடிக்யூர்’ ஆகும்.

இந்த இரு முறைகளையுமே பார்லர்களில் ஒருமுறை செய்து கொண்டு, பிறகு, வீட்டில் பத்து நாளைக்கு ஒருமுறை செய்து கொள்ளலாம். இதன் மூலம் கை, கால்கள் மிருதுவாகவும், அழகாகவும் விளங்குவதுடன் இரத்த ஓட்டமும் சீராகும். எனவே வெளியில் செல்லும்போது முக அழகிலும் தலையலங்காரத்திலும் கவனம் செலுத்துவதுபோல், கை, கால்களும் சுத்தமாக இருக்கின்றனவா என்று பரிசோதித்து விட்டுச் செல்ல வேண்டும்.

நல்ல பதிவு என்ன செய்ய சில பெண்கள் நினைத்தாலும் ஆறடிக்கூந்தல் வரமாட்டேங்கிறது

சொரூபன் & SAFEER

SAFEER wrote:அனைபேருகும் தேவையானஒருதகவல்

வாழ்த்துக்கள்நண்பரே

கட்டாயம் உங்களுக்கு தேவைப்படும் சபீர்

சிவா ANNA