ஐபோன் நிறுவனத்தை அடிச்சு நொறுக்கிய சம்பவம்; மத்திய அரசின் ரியாக்‌ஷன் இதுதான்!

கர்நாடக மாநிலம் கோலார் மாவட்டத்தில் செயல்பட்டு வரும்
விஸ்ட்ரான் நிறுவனத்தில் ஐபோன் உள்ளிட்ட பல்வேறு
எலக்ட்ரானிக் சாதனங்கள் தயாரிக்கப்பட்டு வருகின்றன.

இங்கு ஆயிரக்கணக்கான ஊழியர்கள் பணியாற்றி வருகின்றனர்.
இதில் நிரந்தர மற்றும் ஒப்பந்த ஊழியர்கள் அடங்குவர். அவர்களுக்கு
உரிய நேரத்தில் சம்பளம் தராமல் நிறுவனம் இழுத்தடித்து வந்துள்ளது.

மேலும் சம்பளத்தை குறைத்தும் வழங்கியுள்ளது. இதனால் மிகுந்த
மன உளைச்சலுக்கு ஆளான ஊழியர்கள், கடந்த 12ஆம் தேதி காலை
நிறுவனத்தை சரமாரியாக அடித்து நொறுக்கியுள்ளனர்.

ஆயிரக்கணக்கான ஐபோன்கள், உபகரணங்கள் உள்ளிட்டவற்றை
திருடிச் சென்றுள்ளனர். இதன் காரணமாக 400 கோடி ரூபாய்க்கும்
அதிகமாக நஷ்டம் ஏற்பட்டுள்ளது.

இந்த சம்பவம் தொடர்பாக 7,000 ஊழியர்கள் மீது வழக்குப்பதிவு
செய்யப்பட்டுள்ளது. இதுபற்றி தகவலறிந்து மத்தியக் குழு ஒன்று
கர்நாடகாவிற்கு விரைந்துள்ளது. அவர்கள் நிலைமையை ஆராய்ந்து
மத்திய அரசுக்கு தகவல் அளிக்கவுள்ளனர்.

இந்த சூழலில் சட்டம், ஒழுங்கை நிலைநாட்ட உரிய நடவடிக்கைகள்
எடுக்கப்படும். நிறுவனங்கள் மற்றும் முதலீட்டாளர்களுக்கு
நம்பிக்கையூட்டும் அரசு ஏற்பாடு செய்யும் என்று மத்தியக் குழு
உறுதியளித்துள்ளது.

விஸ்ட்ரான் நிறுவனம் தாக்கப்பட்ட விவகாரத்தில் மத்திய அரசு
தனது ஆழ்ந்த வருத்தத்தை வெளிப்படுத்தியுள்ளது. முன்னதாக
கர்நாடக மாநில தலைமைச் செயலாளர் டி.எம் விஜய் பாஸ்கர்
மற்றும் அரசு உயர் அதிகாரிகள் உடன் மத்திய அமைச்சரவை
செயலாளர் ராஜிவ் கவுபா வீடியோ கான்பரன்சிங் மூலம் ஆலோசனை
நடத்தினார்.
இதில் நிதி ஆயோக் அமைப்பின் பிரதிநிதிகளும் கலந்து கொண்டனர்.

இந்த கூட்டம் சுமார் ஒரு மணி நேரம் நடைபெற்றது.
கூட்டத்திற்கு பின்னர் பேசிய கர்நாடக மாநில அரசு அதிகாரிகள்,
விஸ்ட்ரான் நிறுவன விவகாரத்தை மிகவும் கவனமாக கையாள
வேண்டும் என்று மத்திய அரசு அறிவுறுத்தியுள்ளது.

நிறுவனம் முழு வீச்சில் இயங்க உடனடியாக நடவடிக்கை எடுக்கவும்
வலியுறுத்தியுள்ளது.

மேலும் உளவுத்துறை செயல்பாடு மற்றும் காவல்துறையினரின்
தாமதமான நடவடிக்கை ஆகியவற்றிற்கு அதிருப்தி தெரிவித்தனர்.
அதேசமயம் காவல்துறை மற்றும் தொழிலாளர் நலத்துறை அதிகாரிகள்
நிலைமையை கையாண்ட விதத்தை பாராட்டியதாகவும் தெரிவித்தனர்.

தமிழ் சமயம் செய்திகள்

தலைப்பை பார்த்தால் மத்திய அரசை குறை கூறுவது போல் இருக்கிறது.
தமிழ் செய்திகள் வேறெதை எதிர்பார்க்கிறது?