உலகில் உள்ள மிக வித்தியாசமான கலாச்சாரங்கள்

**ayyasamy ram** · **ayyasamy ram** Sat Dec 12, 2020 10:34 am

வளப்பங்கீடு மற்றும் மனிதநேயம் என்ற வார்த்தைகளுக்கு
முழு அர்த்தம் சொல்லும் உபுண்டு (Ubuntu )
என்ற ஆப்பிரிக்க பழங்குடியினர் கலாச்சாரம் பற்றி
சொல்லாவிட்டால் , இந்த கேள்வியை அமைதிப்படுத்த
முடியாததெனத் தோன்றுகிறது
-
உலகில் உள்ள மிக வித்தியாசமான கலாச்சாரங்கள் Main-qimg-1440e152e72e6a4a191c22ba7cea9afa

உலகில் உள்ள மிக வித்தியாசமான கலாச்சாரங்கள் Main-qimg-1440e152e72e6a4a191c22ba7cea9afa

உபுண்டு என்றால்?

"நான் என்பதே நாம் "(I am because we are) அல்லது
"மற்றவர்களிடம் மனிதநேயம்" (humanity towards others)
என்று பொருள் கொள்ளலாம்.

தற்போது உபுண்டு (Ubuntu) தத்துவார்த்த சொல்லாக,
உலகின் எல்லா மனிதர்களையும் இணைக்கும் பிணைப்பின்
நம்பிக்கை என அர்த்தப்படுகிறது.

நீங்கள் இருப்பதால் நான் இருக்கிறேன் என்ற கருத்தை
அடிப்படையாகக் கொண்டது.

உபுண்டுவை எப்படி புரிந்து கொள்ள?

இணையத்தில் பரவலாக பரிமாறப்பட்ட ஒரு கதையை
சொல்லட்டுமா?

இந்த கதையின் உண்மைத்தன்மை தெரியாது.
ஆனால் இதை விட உபுண்டுவை விளக்க இன்னொரு கதை
என்னிடம் இல்லை.

**ayyasamy ram** · **ayyasamy ram** Sat Dec 12, 2020 10:37 am

உலகில் உள்ள மிக வித்தியாசமான கலாச்சாரங்கள் Main-qimg-cc022db8c53a45e1e633e3cca3fc319e

-
ஒரு மானுடவியலாளர் இந்த பழங்குடியினரின் பழக்கவழக்கங்கள்
மற்றும் மரபுகளை ஆராய்ந்து வந்தார்,

அவர் ஒரு நாள் நேரத்தை கடக்க குழந்தைகள் விளையாடுவதற்கு
ஒரு விளையாட்டை முன்மொழிந்தார்.

ஒரு அழகிய நாடா இணைக்கப்பட்ட கூடையில் நிறைய மிட்டாய்
மற்றும் இனிப்புகளை, ஒரு மரத்தின் கீழ் வைத்தார். தரையில்
ஒரு கோட்டை வரைந்து, பின்னர் அவர் குழந்தைகளை ஒன்றாக
அழைத்தார்.

தனது கட்டளைக்காக கோட்டின் பின்னால் காத்திருக்க வேண்டும்
என்று விளக்கினார். அவர் "போ!" என்றதும் அவர்கள் கூடைக்கு
விரைந்து செல்ல. முதலாவது வரும் குழந்தை அனைத்து
மிட்டாய்களையும் எடுத்துக்கொள்ளலாம் என்பது விளையாட்டு.

அவர் “போ!” என்று சொன்னபோது அனைத்து குழந்தைகளும்
எதிர்பாராத விதமாக, ஒருவருக்கொருவர் கைகளைப் பிடித்துக்
கொண்டு, ஒரு குழுவாக மரத்தை நோக்கி ஓடினார்கள்.

பின் ஒன்றாக அமர்ந்து, மகிழ்ச்சியுடன் ஒருவருக்கொருவர்
பகிர்ந்துகொண்டு சாப்பிட்டார்கள்.

அவர்கள் அனைவரும் ஏன் ஒன்றாகச் சென்றிருக்கிறார்கள்
என்று மானுடவியலாளர் மிகவும் ஆச்சரியப்பட்டார்.
குறிப்பாக முதலில் மரத்திற்கு வந்தவர் கூடையில் இருந்த
அனைத்தையும் வென்றிருக்கலாம் - அனைத்து இனிப்புகளும்!

ஒரு பெண் குழந்தையின் பதில் :

மற்றவர்கள் அனைவரும் சோகமாக இருந்தால், நம்மில் ஒருவர்
மட்டும் எப்படி மகிழ்ச்சியாக இருக்க முடியும்?

மானுடவியலாளர் வாயடைத்துப்போனார்!
பல மாதங்களாக. அவர் உபுண்டு பழங்குடியினரைப் படித்து வந்தார்,
ஆனால் முதல்முறையாக, அவர்களின் உண்மையான சாரத்தை
புரிந்து கொண்டார்…

**ayyasamy ram** · **ayyasamy ram** Sat Dec 12, 2020 10:41 am

எங்கே இருந்தது உபுண்டு?
-
உலகில் உள்ள மிக வித்தியாசமான கலாச்சாரங்கள் Main-qimg-6d7b61ac03372d82b103bc62798e7abb

-
ஹோசா (Xhosa ) மக்கள் ஒரு பாண்டு (Bantu ) இனக்குழு.

1650 களில் டச்சுக்காரர்களின் வருகைக்கு முன்பே, ஹோசா இனம்,
தென்னாப்பிரிக்காவின் தென்கிழக்கு பகுதியில் குடியேறினர்.
ஒரு வாய்வழி மரபுப்படி, பூமியில் முதல் நபர் ஹோசா என்ற பெரிய
தலைவர்.
-
உலகில் உள்ள மிக வித்தியாசமான கலாச்சாரங்கள் Main-qimg-b97cff16e67fed70ae1ff7f2d17a0679

உலகில் உள்ள மிக வித்தியாசமான கலாச்சாரங்கள் Main-qimg-b97cff16e67fed70ae1ff7f2d17a0679

-
உபுண்டுவின் ஜூலு நடைமுறை, பகிர்வு மற்றும் இரக்கத்தை
உள்ளடக்கிய ஒரு அழகான மற்றும் பழங்கால வழிமுறை.

முழு உலகிற்கும், எந்நாளும் கற்பிக்க சமூகம் மற்றும்
ஒத்துழைப்பு பற்றிய ஒரு சக்திவாய்ந்த புரிதல் உபுண்டுவின்
சாரம்.

நீங்கள் இல்லாமல் நான் மனிதனல்ல.

நீங்கள் மனிதர்கள் என்பதால் நான் மனிதன்.

நமக்கென்று ஒரு பகிரப்பட்ட அனுபவம் உள்ளது,
ஒருவருக்கொருவர் அதை கண்டுபிடித்து அமைதியான
சகவாழ்வை உருவாக்க முடியும்.

மற்றவர்கள் என்னிடம் என்ன செய்ய வேண்டும் என்று
நான் விரும்புகிறேனோ அதை நான் மற்றவர்களிடம்
செய்ய வேண்டும்,

என்னைச் சுற்றியுள்ள மற்ற மனிதர்களால் நான் ஒரு
மனிதனாக இருக்கிறேன்

உபுண்டு நமக்கு சொல்வது ?
-
நீங்கள் வேகமாக செல்ல விரும்பினால், தனியாக செல்லுங்கள்.
நீங்கள் வெகுதூரம் செல்ல விரும்பினால், ஒன்றாகச் செல்லுங்கள்.

~ ஆப்பிரிக்க பழமொழி
=============
-சண்முகசுந்தரம்
(வாடிக்கையாளர்-சேவை மைய மேலாளர்)
தமிழ் (கோரா)

Sponsored content · Sponsored content

உலகில் உள்ள மிக வித்தியாசமான கலாச்சாரங்கள்

உலகில் உள்ள மிக வித்தியாசமான கலாச்சாரங்கள்

Re: உலகில் உள்ள மிக வித்தியாசமான கலாச்சாரங்கள்

Re: உலகில் உள்ள மிக வித்தியாசமான கலாச்சாரங்கள்

Re: உலகில் உள்ள மிக வித்தியாசமான கலாச்சாரங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக