அமெரிக்கர்களுக்கு பயன்படுத்த ‘பைசர்’ கொரோனா தடுப்பூசிக்கு ஒப்புதல்

**ayyasamy ram** · **ayyasamy ram** Sat Dec 12, 2020 5:14 am

வாஷிங்டன்,

அமெரிக்காவை சேர்ந்த பைசர் நிறுவனமும்,
ஜெர்மனியை சேர்ந்த பயோன்டெக் நிறுவனமும்
இணைந்து கொரோனா தடுப்பூசியை உருவாக்கி
உள்ளன.

இதை அமெரிக்காவில் அவசரமாக பயன்படுத்த ஒப்புதல்
கோரி விண்ணப்பித்து இருந்தன.

இந்த நிலையில், அமெரிக்க உணவு மற்றும் மருந்துகள்
துறையின் ஆலோசனை கவுன்சில் கூட்டம் நடைபெற்றது.
அதில், 17 உறுப்பினர்கள் ஆதரவாகவும்,
4 உறுப்பினர்கள் எதிராகவும் வாக்களித்தனர்.

இதனால், பெரும்பான்மை அடிப்படையில், ‘பைசர்’
நிறுவன தடுப்பூசிக்கு ஒப்புதல் அளிக்கப்பட்டுள்ளது.

தினத்தந்தி

**ayyasamy ram** · **ayyasamy ram** Sat Dec 12, 2020 5:20 am

பைசர் தடுப்பூசிக்கு பக்ரைன், சவுதி அரேபியா ஒப்புதல்
-
உலகிலேயே முதல் நாடாக இங்கிலாந்து பைசர் நிறுவனத்தின்
தடுப்பூசிக்கு கடந்த 2-ந் தேதி ஒப்புதல் அளித்தது.
அதனைத் தொடர்ந்து கடந்த 8-ந் தேதி முதல் அங்கு மக்களுக்கு
தடுப்பூசி போடும் பணிகள் தொடங்கின.
-
இங்கிலாந்தை தொடர்ந்து மத்திய கிழக்கு நாடுகளில் ஒன்றான
பக்ரைன் பைசர் நிறுவனத்தின் கொரோனா தடுப்பூசிக்கு ஒப்புதல்
அளித்தது. 15 லட்சம் மக்கள் தொகை கொண்ட பக்ரைனில்,
மற்ற வளைகுடா நாடுகளுடன் ஒப்பிடுகையில் வைரஸ் பாதிப்பு
சற்று குறைவாகவே உள்ளது.
-
இதனிடையே இங்கிலாந்து மற்றும் பக்ரைனை தொடர்ந்து
பைசர் நிறுவனத்தின் தடுப்பூசியை அவசர தேவைக்கு
பயன்படுத்த சவுதி அரேபியா தற்போது ஒப்புதல் அளித்துள்ளது.
-
தினத்தந்தி

அமெரிக்கர்களுக்கு பயன்படுத்த ‘பைசர்’ கொரோனா தடுப்பூசிக்கு ஒப்புதல்

அமெரிக்கர்களுக்கு பயன்படுத்த ‘பைசர்’ கொரோனா தடுப்பூசிக்கு ஒப்புதல்

Re: அமெரிக்கர்களுக்கு பயன்படுத்த ‘பைசர்’ கொரோனா தடுப்பூசிக்கு ஒப்புதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக