சிவாஜிராவ்…ரஜினிகாந்த் ஆக மாற்றிய கே.பாலசந்தர்

**ayyasamy ram** · **ayyasamy ram** Mon Dec 07, 2020 1:29 pm

நர்மதா பதிப்பகம், எஸ்.எஸ்.மாத்ருபூதேஸ்வரன்
எழுதிய, ‘தன்னம்பிக்கை தருகிறது ரஜினிகாந்த்
வாழ்க்கை வரலாறு’ நுாலிலிருந்து:

அபூர்வ ராகங்கள் படத்தில் ரஜினி நடிக்க வந்த போது
நடந்த சம்பவம் இது:

‘சிவாஜிராவ்… நீங்களே உங்களுக்கு ஒரு நல்ல பெயரை
யோசனை பண்ணி சொல்லுங்க…’ என்றார், இயக்குனர்
கே.பாலசந்தர்.

சிவாஜி ராவுக்கு, சரத் அல்லது தன் குடும்ப பெயரான,
ஆர்.எஸ்.கெய்க்வாட் என, இரண்டில் ஒன்றை வைக்க ஆசை.
நண்பர்களிடம் ஆலோசித்தபோது, யாருமே அந்த இரு
பெயர்களையும் ஆதரிக்கவில்லை.

இதனால் அடுத்த நாள், பாலசந்தரிடம், ‘எனக்கு யோசனை
வரலே சார்… நீங்களே என்னை ஆசிர்வாதம் பண்ணி, பேரு
ஒன்றை வெச்சிடுங்க சார்…’ என்றார்.

‘சரி… ஒனக்கு ரஜினிகாந்த்ன்னு பேர் வெச்சுருக்கேன்.
‘காந்த்’ என்னோட ராசி பேர். என்னோட, மேஜர் சந்திரகாந்த்
நாடகத்திலே வர்ற சந்திரகாந்துக்கு ரெண்டு பிள்ளைங்க.
ஒரு கேரக்டர் ஸ்ரீகாந்த். அந்த பெயரில் ஏற்கனவே ஒரு,
‘ஆர்டிஸ்ட்’ இருக்கார்.

‘இன்னொரு கேரக்டர், ரஜினிகாந்த். இந்த பேரை யாருக்கு
வைக்கலாம்ன்னு, ரொம்ப நாளா யோசனை பண்ணிக்கிட்டு
இருந்தேன். இப்போ நீ வந்துட்டே… ஒனக்கே அந்த பேரை
வைச்சுடறேன்!

ரஜினிகாந்த், என்ன திருப்திதானே…’ என்றார்.

சட்டென பாலசந்தரின் காலைத் தொட்டு வணங்கி,
‘சார், நல்ல வில்லனா வரணும்ன்னு, என்னை ஆசிர்வாதம்
பண்ணுங்க…’ என வேண்டினார், ரஜினிகாந்த்

‘நல்ல வில்லனா… எதுக்குப்பா… நிச்சயமா, நீ ஒரு பெரிய
நடிகனா வரத்தான் போற பார்…’ என கூறினார், பாலசந்தர்.

நடுத்தெரு நாராயணன்
திண்ணை -வாரமலர்

சிவாஜிராவ்…ரஜினிகாந்த் ஆக மாற்றிய கே.பாலசந்தர்

சிவாஜிராவ்…ரஜினிகாந்த் ஆக மாற்றிய கே.பாலசந்தர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக