எங்கும் தமிழ்

kandansamy · kandansamy Fri Dec 04, 2020 9:42 am

எங்கும் தமிழ் எதிலும் தமிழ்

எங்கும் தமிழ் எங்கும் தமிழ் எதிலும் தமிழ்
சங்கம் வைத்து வளர்த்த நம் பைந்தமிழ்
மங்காத புகழ் கொண்டதென முழங்குவார்
ஆங்கிலம் கலவாது ஐந்து வரி பேசமாட்டார்!

எங்கே தமிழ் எதிலே தமிழ் என்று தேடுவோம்
பாங்குடன் ஒலி பரப்பிடும் வானொலியில் இல்லை ;
ஓங்கி ஒளி வீசிடும் வான்வழிக் காட்சியில் இல்லை ;
அங்கே ஆங்கிலம்தான் ஆட்சி செய்கின்றது!

தங்கும் விடுதியில் அவள் தங்கவில்லை ..
வங்கிக் கணக்கிலும் அவள் பெயரில்லை ..
எங்கும் எந்த அலுவகத்திலும் இல்லை..
ஏங்கும் குழந்தையும் அம்மாவென அழுவதில்லை !

நாற்றங்கால் பள்ளியில் ஆங்கிலமே போதனா மொழி
ஆற்றோரம் தியாகய்யா இசை விழாவில் தெலுங்கு மொழி
ஏற்றம் வேண்டி இறைவனை வணங்கிட வேற்றுமொழி
கூற்றம் வருகையில் அம்மாவென அலறிடத் தமிழ மொழி

ஆங்கிலம் இல்லாமல் அறிவியல் விஞ்ஞானம்
எங்கே என்று கேட்போர் ஐப்பானைப் பாருங்கள் !
தத்தம் மொழியிலே பலநாட்டினரும் பயிலுகிறார்கள்;
சித்தத்தெளிவுடன் பல வித்தைகள் செய்கின்றனர்!

காலமெல்லாம் அழியாது தமிழ் கூறும் கல்வெட்டு
‍ஞாலமெல்லாம் வந்தாயும் புனைஒலைச் சுவடி
எழுத்துக்கள் எத்தனையோ மாற்றம் பெற்றுவிட்டன
எழுந்தது புதுயுகம் கணினிக்கேற்ப மாற்றம் செய்வோம்!

தெள்ளு தமிழில் திருவள்ளுவர் திருக்குறளை
உள்ளம் உணர்ந்திட இசையுடன் பாடுவோம்!
மெல்லச் சாகும் தமிழ் வல்லமை பெற்றிட
கள்ளமில்லாது நல்லவை நாடி நலம் புரிவோம்!

நன்றி ,
இயல் இசை செம்மல் வே .வ.வ.ஆனந்தம் அவர்கள்
புரவலர் -- வே.வ. வ. பெண்கள் கல்லூரி

இவண் : கந்தன்சாமி

எங்கும் தமிழ்

எங்கும் தமிழ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக