புயல் சின்னம் வலுவடைந்தது- இந்திய வானிலை ஆய்வு மையம்

**ayyasamy ram** · **ayyasamy ram** Tue Dec 01, 2020 2:28 pm

புதுடெல்லி:

இந்திய வானிலை ஆய்வு மையம் கூறியிருப்பதாவது:

வங்கக்கடலில் நிலைகொண்டிருந்த காற்றழுத்த தாழ்வு
மண்டலம் ஆழ்ந்த காற்றழுத்த தாழ்வு மண்டலமானது.
புயல் சின்னம் திரிகோணமலையில் இருந்து 530 கி.மீ.
தொலைவில் நிலைகொண்டுள்ளது

ஆழ்ந்த காற்றழுத்த தாழ்வு மண்டலம் 24 மணி நேரத்தில்
புயலாக மேலும் வலுவடையும். நாளை மாலை அல்லது
இரவில் இலங்கையில் புரெவி புயல் கரையை கடக்க
வாய்ப்பு உள்ளது.
தென் தமிழகம், கேரளாவில் அதீத கனமழை பெய்யும்.

இவ்வாறு அதில் கூறப்பட்டுள்ளது.
-
மாலைமலர்

**ayyasamy ram** · **ayyasamy ram** Tue Dec 01, 2020 2:29 pm

சென்னை:

வருவாய் மற்றும் பேரிடர் மேலாண்மைத்துறை அமைச்சர்
ஆர்.பி.உதயகுமார் பேட்டி அளித்தார். அப்போது அவர் கூறியதாவது:

* வங்கக்கடலில் உருவாகும் புதிய புயலின் தாக்கம் மதுரை வரை இருக்கும்.

* ஆழ்கடலுக்கு மீன்பிடிக்க சென்ற கன்னியாகுமரி மீனவர்கள் கரை
திரும்ப எச்சரிக்கை விடுக்கப்பட்டுள்ளது.

* கர்நாடகா, கேரளா, கோவா, லட்சத்தீவு பகுதிகளில் பாதுகாப்பாக
கரை ஒதுங்க அனுமதி கேட்கப்பட்டுள்ளது.

* நிவர் புயல் சேதங்களை ஆய்வு செய்ய மத்திய குழு இன்று
மாலை தமிழகம் வரும் என எதிர்பார்க்கிறோம்.

இவ்வாறு அவர் கூறினார்.