எனக்கு இன்னொரு பேரும் இருக்கு! – பாப்ரி கோஷ்

-

-
* புரட்சி இயக்குனர் எஸ்.ஏ. சந்திரசேகரனின் மோதிரக்கையால் குட்டுப்பட்டவர்தான் இந்த பாப்ரி கோஷ்.

* அப்படி எஸ்.ஏ.சியால் “டூரிங் டாக்கீஸ்” படத்தின் மூலமாக நான்கு ஆண்டுகளுக்கு முன்பு தமிழ் சினிமாவில் அறிமுகமானவர்.

* அதற்கு பின், “ஓய்,” “சக்கை போடு போடு ராஜா,” “மகா நட்சத்திரம்,” “துப்பறியும் ஷங்கர்,” “பைரவா,” “சர்கார்,” “விஸ்வரூபம்” போன்ற படங்களில் நடித்திருக்கிறார்.

* இப்போது “நாயகி,” “பாண்டவர் இல்லம்” ஆகிய சீரியல்களில் தன் முத்திரையை நடிப்பில் பதித்து வருகிறார்.

* ஹவ்ரா ( வங்காள தேசம் ) அவருடைய நேட்டிவ் பிளேஸ்.

* பிப்ரவரி 17, 1985 – டேட் ஆப் பெர்த்.

* சோம்நாத் கோஷ், அப்பா. பாயல் கோஷ், அக்காள்.

* சென்னையில் வசித்து வரும் பாப்ரி, ஒரு கிராஜுவேட்.

* 157 செ.மீ., உயரமும் 63 கிலோ எடையும் கொண்டவர்.

* சினிமாவில் நுழைவதற்கு முன், மாடலிங் பண்ணிக்கொண்டிருந்தார்.

* “கால்பேலா” (2009) இந்த வங்காள மொழி படம்தான் அவர் நடித்த முதல் படம். ஆனால், இது ஒரு வெற்றி படமல்ல!

* “குரோத்” உட்பட சில வங்காள படங்களில் நடித்தார்.

* தெலுங்கு படங்களிலும் நடித்திருக்கிறார் – ஆனால். வேறு பெயரில்! அங்கே அவர் …….. ‘ப்ரியதர்ஷினி கோஷ்’ என்றே அறியப்படுகிறார்.

* “பைரவா,” “சர்கார்,” “விஸ்வாசம்” ஆகிய படங்கள்தான் அவருக்கு மிகவும் கைகொடுத்தவை.

* சிக்கன் கிடைத்தால், ஒரு ‘பிடி’ பிடித்து விடுவார்.

* நீலம், மஞ்சள், பச்சை இவையெல்லாம் பிடித்த வண்ணங்கள்.

* கோவாவும், கொச்சியும் பெரிதும் கவர்ந்த இடங்கள்.

* பாப்ரியின் பேவரிட் ஆர்டிஸ்ட்ஸ் சல்மான் கான், ஐஸ்வர்யா ராய்.

* “கொரோனா லாக்டவுன் சமயத்தில் என் குடும்பத்தினருடன் முழு நேரமும் இருக்கக்கூடிய பொன்னான வாய்ப்பு கிடைத்தது. அதை என் வாழ்நாளில் மறக்கவே முடியாது!” என்கிறார்.

தினமலர்-நெல்லை