தி.மலையில் பக்தர்கள் இல்லாமல் முதல் முறையாக நடந்த தீப விழா

**ayyasamy ram** · **ayyasamy ram** Mon Nov 30, 2020 6:58 am

-

தி.மலையில் பக்தர்கள் இல்லாமல் முதல் முறையாக நடந்த தீப விழா Gallerye_182138837_2661734

-
திருவண்ணாமலை:
அருணாசலேஸ்வரர் கோவில் மகா தீப திருவிழா,
முதல் முறையாக பக்தர்கள் அனுமதிக்கப்படாமல் நடந்தது.

திருவண்ணாமலை அருணாலேஸ்வரர் கோவிலில்
மகா தீப திருவிழா நடந்தது. கோவிலினுள் பஞ்ச மூர்த்திகள்
ஆண்டுக்கு ஒரு முறை மட்டுமே வரும்.

இதில் அர்த்தநாரீஸ்வரர் தரிசனம் காண, ஆயிரக்கணக்கான
பக்தர்கள் குவிவார்கள். இந்நிகழ்வுக்கு கோவிலுக்குள் மட்டும்,
10 ஆயிரம் பேர் அனுமதிக்கப்படுவர்.

நடப்பாண்டு கொரோனா ஊரடங்கால், பக்தர்கள் கோவிலுக்குள்
செல்ல அனுமதி மறுக்கப்பட்டது.

திருவண்ணாமலை, அருணாசலேஸ்வரர் கோவிலில்,
கடந்த, 20ல், தீப திருவிழா கொடியேற்றத்துடன் துவங்கியது.
கார்த்திகை தீப விழாவின் 10ம் நாளான இன்று (நவ.29)
அதிகாலை 03.30 மணி அளவில் ஸ்வாமி சன்னதி மூல கருவறை
முன் “ ஏகன் அனேகன்” என்பதை குறிக்கும் வகையில்
5 மடக்குகளில் பஞ்சமுகதீபம் ஏற்றப்பட்டு சிறப்பு பூஜை
நடந்தது.
தி.மலையில் பக்தர்கள் இல்லாமல் முதல் முறையாக நடந்த தீப விழா Gallerye_190047963_2661734

தி.மலையில் பக்தர்கள் இல்லாமல் முதல் முறையாக நடந்த தீப விழா Gallerye_190047963_2661734

பின்பு அதிகாலை நான்கு மணிக்கு நிலம், நீர், நெருப்பு, காற்று,
ஆகாயம், ஆகிய பஞ்ச பூதங்கள், சிவபெருமான் ஒருவனே
அதாவது ஏகன், அனேகன் என்பதை கூறும் வகையில், சுவாமி
கருவறை எதிரில் பரணி தீபம் ஏற்றப்பட்டது.

இதில் கணேசன் குருக்கள் கையிலேந்தி உள்ள பரணி தீபம்
மடக்கில் ஜோதி ரூபமாய் இருக்கும் “அண்ணாமலையார்”
சன்னதி வெள்ளி கதவு அருகே தீபமாக காட்சியளித்தார்.

**ayyasamy ram** · **ayyasamy ram** Mon Nov 30, 2020 6:59 am

தி.மலையில் பக்தர்கள் இல்லாமல் முதல் முறையாக நடந்த தீப விழா Gallerye_190108854_2661734

-

இதையடுத்து மாலை பஞ்ச மூர்த்திகளான விநாயகர், வள்ளி
தெய்வாணை சமேத முருகர், அண்ணாமலையார் சமேத
உண்ணாமலையம்மன், பராசக்தி அம்மன் மற்றும் சண்டிகேஸ்வரர்
ஆகியோர் தங்க கொடி மரத்தின் முன்பு எழுந்தருளி பக்தர்களுக்கு
காட்சியளித்த பின் தீப தரிசன மண்டபத்தில் ஒன்றாக அமர்ந்தனர்.
அப்போது அர்த்தநாரிஸ்வரர் தங்க கொடி மரம் முன்பு எழுந்தருளி
நடனமாடி காட்சியளித்தார்.

காலையில் சுவாமி சன்னதியில் ஏற்றப்பட்ட ஐந்து அகல்
விளக்குகளையும் உடன் கொண்டு வந்து கொடி மரத்தின்
முன்பாக உள்ள அகண்டத்தில் ஒன்று சேர்த்தனர்.

பின்னர் பஞ்ச பூதங்களை குறிக்கும் விதத்தில் 5 தீப்பந்தகள்
ஏற்றப்பட்டு அவைகளை கொண்டு 2ஆயிரத்து 668 அடி மலை
உயரத்தில் உள்ளவர்களுக்கு தெரியும் படி காண்பிக்கப்பட்டது.
விழாவை முன்னிட்டு கோவில் வளாகம் முழுதும் வண்ண
மின்விளக்குகள் மற்றும் மலர்களால் அலங்கரிக்கப்பட்டிருந்தன.

கோவில் பணியாளர்கள், பத்திரிகையாளர்கள், பாதுகாப்பு பணியில்
ஈடுபட்ட போலீசார், முக்கிய உபயதாரர்கள், அரசியல் கட்சியினர்,
சுவாமி பல்லக்கு துாக்குபவர்கள் என, 2,500 பேர் மட்டுமே
அனுமதிக்கப்பட்டனர். இதனால் கோவில் வளாகம் வெறிச்சோடி
காணப்பட்டது.

திருவண்ணாமலை நகரம் மற்றும் கிரிவலப்பாதை, நகர
எல்லைப்பகுதி என, அனைத்து பகுதிகளிலும், போலீசார் மட்டுமே,
அதிகமாக காணப்பட்டனர்.

தினமலர்

தி.மலையில் பக்தர்கள் இல்லாமல் முதல் முறையாக நடந்த தீப விழா

தி.மலையில் பக்தர்கள் இல்லாமல் முதல் முறையாக நடந்த தீப விழா

Re: தி.மலையில் பக்தர்கள் இல்லாமல் முதல் முறையாக நடந்த தீப விழா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக