Latest topics

மும்பை தாக்குதல் குற்றவாளி குறித்து தகவல் அளித்தால் பரிசு: அமெரிக்கா

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மும்பை தாக்குதல் குற்றவாளி குறித்து தகவல் அளித்தால் பரிசு: அமெரிக்கா

Post by ayyasamy ram Sun Nov 29, 2020 2:54 am

-
வாஷிங்டன்:
மும்பை பயங்கரவாத தாக்குதலில் முக்கிய பங்காற்றிய
லஷ்கர் இ தொய்பா பயங்கரவாத அமைப்பை சேர்ந்த
சஜித் மிர் பிடித்து கொடுப்பவர்கள் அல்லது தகவல்
அளிப்பவர்களுக்கு 5 மில்லியன் டாலர் பரிசு அளிக்கப்படும்
என அமெரிக்கா தெரிவித்துள்ளது.

இது தொடர்பாக அமெரிக்க நீதித்துறை திட்டத்திற்கான
அமைப்பு வெளியிட்ட அறிக்கையில் கூறப்பட்டுள்ளதாவது:

பாகிஸ்தானை சேர்ந்த பயங்கரவாத அமைப்பான
லஷ்கர் இ தொய்பாவின் முக்கிய உறுப்பினர் சஜித் மிர்.
இந்தியாவின், மும்பையில், கடந்த 2008 நவ., மாதம் நடந்த
பயங்கரவாத தாக்குதலில் சம்பவத்தில் முக்கிய குற்றவாளி.

இவனை கைது செய்ய உதவினாலோ அல்லது எந்த
நாட்டிலாவது தண்டனை கிடைக்க உதவினாலோ
5 மில்லியன் அமெரிக்க டாலர் பரிசு வழங்கப்படும்.
இவ்வாறு அந்த அறிக்கையில் கூறப்பட்டுள்ளது.

மஹாராஷ்டிர தலைநகர் மும்பையின் சில பகுதிகளில்,
2008 நவம்பர், 26ல், பயங்கரவாத தாக்குதல்கள் அரங்கேற்றப்பட்டன.
அதில், 28 வெளிநாட்டினர் உட்பட, 166 பேர் உயிரிழந்தனர்.
அப்போது, லஷ்கர் - இ - தொய்பா பயங்கரவாதிகள் ஒன்பது பேர்,
பாதுகாப்புப் படையினரால் சுட்டுக்கொல்லப்பட்டனர்.

உயிருடன் பிடிபட்ட பயங்கரவாதி அஜ்மல் கசாபிற்கு, இந்தியாவில்
துாக்கு தண்டனை நிறைவேற்றப்பட்டது. அந்த தாக்குதல் நடந்து,
நேற்று முன்தினத்துடன், 12 ஆண்டுகள் நிறைவடைந்தன.

தினமலர்

ayyasamy ram: வழிநடத்துனர்; பதிவுகள் : 82799
இணைந்தது : 30/09/2013