அதானிக்கு கடன் வழங்காதே; கிரிக்கெட் மைதானத்திற்குள் நுழைந்த போராட்டக்காரர்கள்

**ayyasamy ram** · **ayyasamy ram** Fri Nov 27, 2020 6:45 pm

-

அதானிக்கு கடன் வழங்காதே; கிரிக்கெட் மைதானத்திற்குள் நுழைந்த போராட்டக்காரர்கள் Gallerye_153926614_2660521

-
சிட்னி:
ஆஸ்திரேலியாவில் அதானி குழுமம் நிலக்கரி சுரங்கம் அமைக்க
உள்ளதால், அதற்கு கடன் வழங்க வேண்டாம் எனக்
கூறி 2 போராட்டக்காரர்கள் கிரிக்கெட் மைதானத்திற்குள் நுழைந்ததால்,
பரபரப்பு ஏற்பட்டது.

ஆஸ்திரேலியாவில் சுற்றுப்பயணம் மேற்கொண்டுள்ள இந்திய கிரிக்கெட்
அணி இன்று (நவ.,27) முதலாவது ஒருநாள் போட்டியில் விளையாடியது.
‛டாஸ்' வென்ற ஆஸ்திரேலிய அணி பேட்டிங்கைத் தேர்வு விளையாடியது.

போட்டியின் 7வது ஓவரின்போது மைதானத்துக்குள் நுழைந்த இரு
ஆஸ்திரேலியர்கள் ‛அதானிக்கு 1 பில்லியன் ஆஸ்திரேலிய டாலர் கடன்
வழங்காதே' என்ற வாசகத்துடன் கூடிய பதாகையை ஏந்தி ஸ்டேட் பேங்கிற்கு
கோரிக்கை வைத்தனர்.

இதனால் மைதானத்தில் சிறிது நேரம் பதட்டம் ஏற்பட்டது. மைதானத்தின்
பாதுகாவலர்கள் இருவரையும் அப்புறப்படுத்திய பின்னர், போட்டி தொடர்ந்து
நடைபெற்றது.

ஆஸ்திரேலியாவின் குயின்ஸ்லாந்து பகுதியில் அதானி குழுமம் நிலக்கரி
சுரங்கம் அமைக்க உள்ளது. இதற்கு ஆஸ்திரேலிய அரசும் அனுமதி
வழங்கியுள்ளது. இத்திட்டத்திற்காக ஸ்டேட் பேங்கானது 1 பில்லியன்
ஆஸ்திரேலிய டாலரை அதானி குழுமத்திற்கு கடனாக வழங்க உள்ளது.

இத்திட்டத்தை எதிர்த்து ஆஸ்திரேலியாவில் போராட்டங்கள் நடந்துவரும்
நிலையில், சர்வதேச அளவில் கவனத்தை ஈர்க்கும் நோக்கோடு, கிரிக்கெட்
போட்டியின் இடையே போராட்டக்காரர்கள்
மைதானத்துக்குள் நுழைந்து தங்களது எதிர்ப்பை பதிவு செய்துள்ளனர்.

தினமலர்

**Dr.S.Soundarapandian** · **Dr.S.Soundarapandian** Sat Nov 28, 2020 3:16 pm

ஆஸ்திரேலிய நாட்டின் கற்பைக் காப்பாற்றிக்கொள்ள அம் மக்கள் முனைவது, நமக்கு ஒரு ஒரு பாடம் !

அதானிக்கு கடன் வழங்காதே; கிரிக்கெட் மைதானத்திற்குள் நுழைந்த போராட்டக்காரர்கள்

அதானிக்கு கடன் வழங்காதே; கிரிக்கெட் மைதானத்திற்குள் நுழைந்த போராட்டக்காரர்கள்

Re: அதானிக்கு கடன் வழங்காதே; கிரிக்கெட் மைதானத்திற்குள் நுழைந்த போராட்டக்காரர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக