தமிழில் மீண்டும் ஆசிஷ் வித்யார்த்தி

by **ayyasamy ram** Tue Nov 24, 2020 6:00 pm

-
நீண்ட இடைவெளிக்குப் பிறகு, தமிழ் சினிமாவில்
ஒரு படத்தில் நடித்து வருகிறார் ஆசிஷ் வித்யார்த்தி.

‘தில்’ படத்தில் விக்ரமுக்கு வில்லனாக நடித்து, தமிழ்
சினிமாவில் பிரபலமானவர் ஆசிஷ் வித்யார்த்தி.
அதற்குப் பிறகு தமிழ்த் திரையுலகின் முன்னணி
நடிகர்கள் பலருக்கும் வில்லனாக நடித்துள்ளார்.

2015-ம் ஆண்டு தனுஷ் நடித்த ‘அனேகன்’ படத்தில்
முக்கியக் கதாபாத்திரத்தில் நடித்திருந்தார்.

‘அனேகன்’ படத்துக்குப் பிறகு, சரியான கதைகள்
எதுவும் அமையாத காரணத்தால் தமிழ் சினிமாவில்
நடிக்காமல் இருந்தார் ஆசிஷ் வித்யார்த்தி.
இந்நிலையில், ஸ்ரீகாந்த் நாயகனாக நடித்து வரும்
‘எக்கோ’ படத்தில் தற்போது ஒப்பந்தமாகி நடித்து
வருகிறார்.

‘எக்கோ’ கதை அவருக்கு மிகவும் பிடித்திருந்ததால்,
உடனே நடிக்க ஒப்புக்கொண்டதாகப் படக்குழுவினர்
தெரிவித்துள்ளனர். சைக்கலாஜிக்கல் த்ரில்லர்
பாணியில் இந்தப் படம் உருவாகி வருகிறது.

ஸ்ரீகாந்த், வித்யா பிரதீப், காளி வெங்கட் உள்ளிட்ட
பலர் நடிக்கும் இப்படத்தை நவீன் கணேஷ் இயக்கி
வருகிறார்.

ஒளிப்பதிவாளராக கோபிநாத், இசையமைப்பாளராக
ஜான் பீட்டர், எடிட்டராக சுதர்ஷன் ஆகியோர் பணிபுரிந்து
வருகிறார்கள். டாக்டர் ராஜசேகர் மற்றும் ஹாரூன்
ஆகியோர் இணைந்து தயாரித்து வருகிறார்கள்.

இந்து தமிழ் திசை

by **heezulia** Tue Nov 24, 2020 7:19 pm

24.11.2020

ஆசிஷ் வித்யார்த்தி மகாராஷ்டிரால மேடை நாடக கலைஞராக இருந்தவர். ஹிந்தி, மராத்தி படங்கள்ல குணசித்திர வேஷங்கள்ல நடிச்சிட்டு இருந்தார்.

அனேகன் படத்துக்கப்புறம் அஞ்சு வருஷமா எந்த தமிழ் படத்திலயும் நடிக்கல. ஆனா ஹிந்தி படங்கள், வெப் சீரீஸ்ல நடிச்சிட்டு இருந்தார்.

அதுக்கப்புறம்தான் எக்கோ படத்தில நடிச்சிட்டு இருக்கார். இதுவரை அவர் நடிக்காத கேரக்ட்டராம்.

பேபி