தேர்தல் அதிகாரியை நீக்கிய டிரம்ப் :அமெரிக்க அரசியலில் திருப்பம்

வாஷிங்டன்:
தேர்தல் மோசடி குற்றச்சாட்டு ஆதாரமில்லாத ஒன்று
என நிராகரித்த தேர்தல் பாதுகாப்பு உயரதிகாரியை
டிரம்ப் பதவியிலிருந்து அதிரடியாக நீக்கியுள்ளார்.
-

-
அமெரிக்க அதிபர் டிரம்ப் தோல்வியை தழுவினார். தேர்தல் முடிவுகள் வெளியாகி விட்டாலும், அந்நாட்டு நடைமுறைப் படி 2021 ஜனவரியில் தான் ஜோ பைடன் பொறுப்பேற்க முடியும். அதற்கான அதிகார மாற்றங்கள் தற்போதே தொடங்கியிருக்க வேண்டும்.

ஆனால் அதற்கான ஒத்துழைப்பை வழங்க மறுத்து தேர்தலில் பெரிய மோசடி நடந்துள்ளதாக டிரம்ப் குற்றஞ்சாட்டி வருகிறார். அதற்கான ஆதாரங்கள் எதையும் அவர் வெளியிடவில்லை. நீதிமன்றங்களும் அது தொடர்பான வழக்குகளை தள்ளுபடி செய்துவிட்டன.

தேர்தல் பாதுகாப்பு துறையின் உயர் அதிகாரியான கிறிஸ் கிரெப்ஸ், 2020 தேர்தல் அமெரிக்க வரலாற்றில் மிகவும் பாதுகாப்பானது என அறிவித்தார். இதனால் ஆத்திரமடைந்த டிரம்ப் அவரை பதவியிலிருந்து நீக்குவதாகவும், உடனடியாக இவ்வுத்தரவு நடைமுறைக்கு வருவதாகவும் டுவிட்டரில் அறிவித்துள்ளார்.

“கிறிஸ் கிரெப்ஸின் சமீபத்திய அறிக்கை மிகவும் தவறானது, தேர்தலில் மிகப்பெரிய முறைகேடுகள் மற்றும் மோசடிகள் இருந்தன.” என்றும் கூறினார்.

கிரெப்ஸ் இதனை எதிர்பார்த்தே இருந்தார் என்று அவரது நண்பர்கள் கூறுகின்றனர். “ சேவை செய்ததற்கான மரியாதை. நாங்கள் சரியானதையே செய்தோம்.” என்று க்ரெப்ஸும் டுவீட் செய்துள்ளார்.

கிறிஸ் கிரெப்ஸ் சைபர் பாதுகாப்பு மற்றும் உள்கட்டமைப்பு பாதுகாப்பு அமைப்பின் இயக்குநராக இருந்தார். வாக்குப்பதிவு இயந்திரங்களில் வெளிநாட்டு மற்றும் உள்நாட்டு ஹேக்கர்களின் ஊடுருவல்களை தடுப்பது இவ்வமைப்பின் பணி.

கிரெப்ஸ் நீக்கப்பட்டிருப்பதற்கு டிரம்ப் கட்சியின் எம்.பி.,யே வருத்தம் தெரிவித்துள்ளார். பென் சாசே என்பவர், “கிரெப்ஸ் உண்மையில் சிறந்த பணியை செய்தார். மாநிலத் தேர்தல் அதிகாரிகளும் இதைச் சொல்வார்கள். அவர் நீக்கப்பட்டிருக்கக் கூடாது.” என்றார்.

தினமலர்

சரியான கூத்து .
இனிமேல் உலகம் முழுதும் இது தொடருமோ?

ட்ரம்ப் சுமத்திய குற்றச்சாட்டுகளை விசாரிக்கும் எல்லா வழக்குகளும் முடிவுக்கு வரவில்லை.
இன்று விசாரணைக்கு வரவிருந்த பென்சில்வேனிய வழக்கில் இருந்து, ட்ரம்பின் வழக்கறிஞர்கள் நால்வரில் மூன்று பேர் நேற்றைய தினம் விலகிய நிலையில் இன்று விசாரணை நடக்க சிக்கல் இருக்கிறது.

ஜனவரி 20 இல் வெள்ளை மாளிகையை விட்டு வெளியேற மறுத்தால்.....

டிசம்பர் 6 இல் மானில அளவில் தேர்தல் விவாதங்கள் முடிவுக்கு வர வேண்டும்.டிசம்பர் 14 இல் தேர்தல் அதிகாரி Certificates of the Vote ஐ அதிகாரபூர்வமாக வழங்குவார். (இதனால்தான் ட்ரம்ப் தேர்தல் அதிகாரியை நீக்கி உத்தரவிட்டார்) ஜனவரி 6 இல் உதவி அமெரிக்க அதிபர் தேர்தல் முடிவுகளை அறிவிக்க வேண்டும்.இது அமெரிக்க சட்ட முறை.

ட்ரம்ப் வெள்ளைமாளிகையை விட்டு ஜனவரி 20 க்கு முன் வெளியேற மறுத்தால்? ... FBI மற்றும் பாதுகாப்பு அதிகாரிகள் மாளிகை உள் நுழைய அவர்களுக்கு அதிகாரம் உண்டு. அவர்கள் தங்கள் கட்டுப்பாட்டில் மாளிகையை கொண்டு வந்ததும், ட்ரம்ப் அதிகாரிகளால் வலுக்கட்டாயமாக வெளியேற்றப்படுவார்.

(நன்றி-Rice University political science professor Bob Stein/Associated Press.)

வாழ்த்துகள் ட்ரம்ப் சாமி!

அதிகாரம் இருந்தால் எதையும் செய்யலாம் என்ற மனப்பான்மைக்கு அமெரிக்காவும் விதிவிலக்கல்ல என்று ஆகியுள்ளது !