'நாட்டுக்கு உழைத்த நல்லவர் ஜெயப்பிரகாஷ் நாராயணன்' நுாலிலிருந்து:

**ayyasamy ram** · **ayyasamy ram** Sun Nov 15, 2020 3:03 pm

பீகார் தலைநகர், பாட்னா காலேஜூயேட் பள்ளியில்,
ஜெயப்பிரகாஷ் நாராயணன் படிக்கும் போது,
அப்பள்ளியின் தலைமை ஆசிரியராக இருந்தவர்,
ஓயிட்மோர் சாஹிப் என்ற ஆங்கிலேயர்.

அவர், ஒருமுறை, 'தீபாவளி அன்று, தேர்வு நடக்கும்...'
என்று, அறிவித்தார்.

மற்ற மாணவர்கள் முணு முணுத்தபடியே, போய் தேர்வு
எழுதினர். ஆனால், ஜெயப்பிரகாஷ் மற்றும் அவரது
ஐந்து நண்பர்கள், அன்று பள்ளி செல்லவில்லை; மறுநாள்
சென்றனர்.

'நீங்கள் ஆறு பேரும் நேற்று ஏன் தேர்வுக்கு வரவில்லை...'
என்று, கோபத்தோடு சத்தம் போட்டார்.

அவர்களில், ஐவர் பயந்து நடுங்கினர். ஆனால்,
ஜெயபிரகாஷ் அஞ்சாமல், 'நேற்று பண்டிகை; பண்டிகை
நாளில் தேர்வு வைத்தது தவறு. அதனால், வரவில்லை...'
என்றார்.

அதைக்கேட்டு, சினத்தோடு, 'ஓகோ, அப்படியா...
உங்களைத் தண்டிக்காமல் விடுவதில்லை; நீட்டுங்கள்
கையை...' என்றார்.

ஐந்து மாணவர்கள் பயந்து, ஒதுங்கிக் கொள்ள, பயப்படாமல்
முன் வந்து கை நீட்டினார், ஜெயபிரகாஷ் நாராயணன்.

கோபம் தீர, பிரம்பால் அடித்து தள்ளினார், தலைமை
ஆசிரியர்.

பல்லைக் கடித்தபடி அடியை வாங்கிக் கொண்டார்,
மாணவர் ஜெயபிரகாஷ்.

கை வீங்கி, வலி விண் விண் என்று தெறித்தது. உண்மையை
சொல்லியும், தமக்கு அடி கிடைத்ததே என்று எண்ணி
வருந்தினார்.

பின்னாளில், பள்ளி இறுதித் தேர்வில், முதல் மாணவராகத்
தேர்ச்சி பெற்று, அதே தலைமை ஆசிரியரிடம்
பாராட்டுக்களைப் பெற்றார். 'மெரிட் ஸ்காலர்ஷிப்'பும்
கிடைத்து, மேற்படிப்பு படிக்கச் சென்றார்.

நடுத்தெரு நாராயணன்
திண்ணை- வாரமலர்

'நாட்டுக்கு உழைத்த நல்லவர் ஜெயப்பிரகாஷ் நாராயணன்' நுாலிலிருந்து:

'நாட்டுக்கு உழைத்த நல்லவர் ஜெயப்பிரகாஷ் நாராயணன்' நுாலிலிருந்து:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக