அமெரிக்காவின் 46 வது அதிபராகிறார் ஜோ பிடன்

-
அமெரிக்க அதிபர் தேர்தல் கடந்த 3 ம் தேதி
நடைபெற்றது. தொடர்ந்து எண்ணப்பட்ட எலக்ட்ரோல்
காலேஜ் ஓட்டு எண்ணிக்கையில் வெற்றிக்கு தேவையான
270 என்ற எண்ணிக்கையில் குடியரசு கட்சியை சேர்ந்த
டிரம்பிற்கும், ஜனநாயக கட்சியை சேர்ந்த ஜோ பிடனுக்கும்
இடையே இழுபறி நீடித்தது.

தொடர்ந்து அமெரிக்க அதிபர் தேர்தல் வரலாற்றில் முதன்
முறையாக ஜார்ஜியா மாகாணத்தில் மறு ஓட்டு
எண்ணிக்கைக்கு உத்தரவிடப்பட்டது.

இருப்பினும் ஜோபிடன் 264 ஓட்டுக்களும் டிரம்ப் ஓட்டுக்குளும்
பெற்றிருந்தனர். இந்நிலையில் வெற்றிபெறுவதற்கு
7 ஓட்டுக்களை மட்டுமே பெற வேண்டிய நிலையில்
பென்சில்வேனியா மாகாணத்தில் இருந்து 20 ஓட்டுக்களை
ஜோபிடன் பெற்றார். மொத்தமாக அவருக்கு 284 ஓட்டுக்கள்
கிடைத்தது. இதனையடுத்து ஜோ பிடன் 46 வது அதிபராக
பதவியேற்க உள்ளார்.

மேலும் துணை அதிபராக தமிழகத்தை சேர்ந்த கமலா ஹாரீசும்
பதவியேற்க உள்ளார்.

கடந்த 1990ம் ஆண்டிற்கு பின்னர் அமெரிக்காவில் ஆளும் கட்சி
இரண்டாவது முறையாக ஆளும் வாய்ப்பை இழந்துள்ளது.
மேலும் கடந்த 30 ஆண்டுகளில் தொடர்ந்து இரண்டாவது முறையாக
அதிபராகும் வாய்ப்பை டிரம்ப் இழந்துள்ளார்.

தினமலர்

ஜோ பைடன் அமெரிக்காவின் 46ஆவது அதிபராக வெற்றி
பெற்றுள்ளார். மேலும், துணை அதிபராக கமலா ஹாரிஸ்
வெற்றிபெற்றுள்ளார்.
இவர்களுக்கு பல தரப்புகளில் இருந்தும் வாழ்த்துகள்
குவிந்து வருகின்றன.

கனடா பிரதமர் ஜஸ்டின் ட்ரூடோ ட்விட்டரில்,
“ஜோ பைடனுக்கும், கமலா ஹாரிஸுக்கும் வாழ்த்துகள்.
நம் நாடுகள் நெருக்கமான நண்பர்கள், கூட்டாளிகள்.
உலக அரங்கில் நமக்கு தனித்துவமான உறவு இருக்கிறது.
உங்கள் இருவருடன் இணைந்து பணியாற்ற காத்திருக்கிறேன்”
என்று தெரிவித்துள்ளார்.

பிரிட்டன் பிரதமர் போரிஸ் ஜான்சன்,
“அமெரிக்க தேர்தலில் வெற்றிபெற்றதற்கு ஜோ பைடனுக்கும்,
கமலா ஹாரிஸுக்கும் வாழ்த்துகள். அமெரிக்கா எங்களுக்கு
மிக முக்கியமான நட்பு நாடு. கால நிலை மாற்றம் முதல்
வர்த்தகம் வரை, பாதுகாப்பு என எல்லா முன்னுரிமைகளிலும்
இணைந்து பணியாற்ற காத்திருக்கிறேன்” என்று தெரிவித்துள்ளார்.

பிரான்ஸ் அதிபர் இமானுவேல் மெக்ரன் ட்விட்டரில்,
“அமெரிக்கர்கள் தங்களின் அதிபரை தேர்ந்தெடுத்துள்ளனர்.
ஜோ பைடனுக்கும், கமலா ஹாரிஸுக்கும் எனது வாழ்த்துகள்
இன்றைய சவால்களை எதிர்கொள்ள நிறைய வேலை இருக்கிறது.
நாம் ஒன்றாக பணியாற்றலாம்” என்று தெரிவித்துள்ளார்.

காங்கிரஸ் தலைவர் ராகுல் காந்தி ட்விட்டரில்,
“அமெரிக்க அதிபராக தேர்ந்தெடுக்கப்பட்டுள்ள ஜொ பைடனுக்கு
எனது வாழ்த்துகள். அமெரிக்காவை ஒருங்கிணைக்கவும், புதிய
வழியை காட்டவும் அவர் உதவுவார் என உறுதியாக நம்புகிறேன்.
துணை அதிபராக தேர்ந்தெடுக்கப்பட்டுள்ள கமலா ஹாரிஸுக்கும்
எனது வாழ்த்துகள். அமெரிக்காவின் முதல் பெண் துணை அதிபர்
இந்திய வம்சாவளியை சேர்ந்தவர் எனபது நமக்கு பெருமை” என்று
தெரிவித்துள்ளார்.

திமுக தலைவர் மு.க.ஸ்டாலின் ட்விட்டரில், “அமெரிக்க அதிபராக
தேர்ந்தெடுக்கப்பட்டுள்ள ஜோ பைடனுக்கு, துணை அதிபராக
தேர்ந்தெடுக்கப்பட்டுள்ள கமலா ஹாரிஸூக்கும் வாழ்த்துகள்.
அமெரிக்க மக்கள் தமிழ் வம்சாவளியை சேர்ந்த பெண்ணை துணை
அதிபராக தேர்ந்தெடுத்ததில் மகிழ்ச்சி” என்று தெரிவித்துள்ளார்.
-
தமிழ் சமயம்

மோடி தனது ட்விட்டர் பக்கத்தில் ஜோ பைடனுடன் தான்
இருக்கும் புகைப்படத்தை வெளியிட்டு, "அற்புதமான
உங்களுடைய வெற்றிக்கு வாழ்த்துகள்.

அமெரிக்க துணை அதிபராக நீங்கள் வழங்கிய பங்களிப்பால்
இந்திய, அமெரிக்க உறவுகள் வலுப்பெற்றது. அந்த உறவுகள்
மிகப்பெரிய உச்சத்துக்கு செல்ல உங்களுடன் நெருக்கமாக
மீண்டும் பணியாற்றும் எதிர்பார்ப்புடன் இருக்கிறேன்" என்று
பதிவிட்டுள்ளார்.