மனமே நீ துடிக்காதே விழியே நீ நனையாதே

**ayyasamy ram** · **ayyasamy ram** Fri Nov 06, 2020 9:07 am

திரைப்படம்: வாழ்க்கை
இயற்றியவர்: கவிஞர் முத்துலிங்கம்
இசை: இசை ஞானி இளையராஜா
குரல்: இளையராஜா
ஆண்டு: 1984

மனமே நீ துடிக்காதே விழியே நீ நனையாதே
வாழ்க்கைப் பாதையில் மேடு பள்ளங்கள்
வரலாம் அதனால் வாழ்வே வாடிப் போகுமோ?

மனமே நீ துடிக்காதே விழியே நீ நனையாதே

வாராத செல்வங்கள் வாழ்வினில் வந்தாலே
சேராத சொந்தங்கள் சேர்ந்தாடுமே
இல்லாமல் போனாலே ஏழையும் ஆனாலே
தன் தேக நிழல் கூடப் பகையாகுமே
தன் கையே வாழுமே தக்க துணையாகுமே
தன் கையே வாழுமே தக்க துணையாகுமே
இருள் போனால் ஒளியாகும்
மரமே பழுத்தால் பறவைகள் கிளையில் காணுமே

மனமே நீ துடிக்காதே விழியே நீ நனையாதே

நாட்டுக்கு நாள் தோறும் உழைத்திடும் நல்லோரை
எல்லோரும் மலர் தூவிக் கொண்டாடுவார்
எந்நாளும் தேயாத காவியக் கதையாகி
சரித்திரப் பொன்னேட்டில் உயிர் வாழுவார்
தெய்வீகம் என்பது அன்பு செய்து வாழ்வது
தெய்வீகம் என்பது அன்பு செய்து வாழ்வது
விதையாகி விழும் போது
பயிராய் கதிராய் உலகினில் அறங்கள் தழைக்குமே

மனமே நீ துடிக்காதே விழியே நீ நனையாதே
வாழ்க்கைப் பாதையில் மேடு பள்ளங்கள்
வரலாம் அதனால் வாழ்வே வாடிப் போகுமோ?

மனமே நீ துடிக்காதே விழியே நீ நனையாதே