பள்ளி, கல்லூரிகள் திறப்பது தள்ளி வைக்கப்படுகிறதா? தமிழக அரசு திடீர் ஆலோசனை!

**ayyasamy ram** · **ayyasamy ram** Tue Nov 03, 2020 10:33 am

கொரோனா வைரஸ் பாதிப்பு காரணமாக கடந்த
7 மாதங்களுக்கு மேலாக தமிழகத்தில் பள்ளி மற்றும்
கல்லூரிகள் மூடப்பட்டு இருந்தன என்பதும் கடந்த
சில நாட்களுக்கு முன்னர் தமிழக அரசு வரும்
16ம் தேதி முதல் பள்ளி கல்லூரிகள் திறக்கப்படும் என
அறிவித்தது என்பதும் தெரிந்ததே

இந்த நிலையில் பள்ளிகள் மற்றும் கல்லூரிகள்
திறப்பதற்கான ஏற்பாடுகள் செய்யப்பட்டு வந்த நிலையில்
திடீரென நேற்று தமிழக முதல்வர் எடப்பாடி பழனிச்சாமி
அவர்கள் கல்வித்துறை உயர் அதிகாரிகளுடன் ஆலோசனை
செய்ததாகவும் இந்த ஆலோசனையில் கொரோனா மற்றும்
பருவ மழையை கருத்தில் கொண்டு பள்ளிகள் திறப்பை
தள்ளி வைக்கலாமா என்று அதிகாரிகளுடன் அவர்
ஆலோசனை கேட்டதாகவும் தெரிகிறது

இதனால் வரும் 16ஆம் தேதி 9 முதல் 12ம் வகுப்புகளுக்கு
பள்ளிகள் தொடங்கும் என்ற அறிவிப்பு வாபஸ் பெறப்படும்
என்றும் பள்ளிகள் கல்லூரிகள் திறப்பு ஒத்திவைக்கப்படலாம்
என்றும் கூறப்பட்டு வருகிறது.

எனினும் இதுகுறித்து தமிழக அரசிடமிருந்து முறையான
அறிவிப்பு வந்த பின்னரே உறுதி செய்யப்படும் என்பது
குறிப்பிடத்தக்கது

தமிழ் வெப்துனியா

**ayyasamy ram** · **ayyasamy ram** Tue Nov 03, 2020 10:40 am

தமிழகம் முழுவதும் கொரோனா காரணமாக
கடந்த மார்ச் மாதம் முதலாக பள்ளிகள், கல்லூரிகள்
இயங்காமல் இருந்து வருகின்றன.

இந்நிலையில் தற்போது அறிவிக்கப்பட்ட ஊரடங்கு
தளர்வுகளில் நவம்பர் 16ம் தேதி முதல் பள்ளிகள் இயங்க
அனுமதி அளிக்கப்பட்டுள்ளது.

இதற்கு நாம் தமிழர் கட்சி ஒருங்கிணைப்பாளர்
சீமான் கண்டனம் தெரிவித்துள்ளார். அதில் அவர்
“நீதி அரசர்கள் நீதிமன்றம் வராமல் ஆன்லைனிலேயே
வழக்குகளை விசாரிக்கிறார்கள், தீர்ப்பளிக்கிறார்கள்.

ஆனால் கொரோனா அபாயம் உள்ள நிலையில் மாணவர்கள்
மட்டும் எப்படி ஒரே அறையில் அமர்ந்து பாடம் படிக்க முடியும்?”
என கேள்வி எழுப்பியுள்ளார்

வெப்துனியா

பள்ளி, கல்லூரிகள் திறப்பது தள்ளி வைக்கப்படுகிறதா? தமிழக அரசு திடீர் ஆலோசனை!

பள்ளி, கல்லூரிகள் திறப்பது தள்ளி வைக்கப்படுகிறதா? தமிழக அரசு திடீர் ஆலோசனை!

Re: பள்ளி, கல்லூரிகள் திறப்பது தள்ளி வைக்கப்படுகிறதா? தமிழக அரசு திடீர் ஆலோசனை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக